Надградба на ГТЦ

Центар изгласа референдум за ГТЦ

Со 12 гласа „За“, Советот на општина Центар, одлучи да се распише референдум на кој граѓаните ќе одлучуваат за изгледот на ГТЦ.

За оваа одлука гласаа советниците од коалицијата на СДСМ, додека 11-те советници на ВМРО-ДПМНЕ гласаа воздржано.

За оваа иницијатива граѓаните преку петиција веќе собраа повеќе од 10 илјади потписи што значи дека ќе биде организиран референдум на кој жителите на општина Центар ќе се изјаснат дали се за постоечкиот изглед на ГТЦ или сакаат тој да се замени со барок, како и другите згради во центарот на Скопје.

Ова ќе биде прв референдум во однос на проектот Скопје 2014-та.

Како што и претходно најави Жерновски за референдумот да биде успешен, ќе мора 51 отсто од гласачите во општината да изгласаат дека се против барокната фасада за ГТЦ да остане во сегашната состојба.

Референдумот се предвидува за 26.април во период од 7 часот наутро до 19 часот.

Од друга страна како што изјави претставничката на Иницијативата „Го сакам ГТЦ“ Даница Павлова Циги, тие не се против измени во ГТЦ, туку сепак да се изготви анализа за да се зачува автентичноста на објектот а да се подобри функционалноста.

Трошоците ќе бидат на општина Центар,

http://novatv.mk/index.php?navig=8&cat=2&vest=21284

Цел центар ЗА!

Потребно е да се известат сите граѓани на Центар, да се обрне внимание и пензионерите да добијат информации за референдумот.

И се надевам дека лифтот ќе ми биде во функција на 26ти

И кампањите на форумов може да почнат!

А исходот, лесен за предвидување. СДСМ и опозицијата, со цела своја машинерија + Бојан и Петар ќе пропагираат референдумско "ЗА", ВМРО со цела своја машинерија ќе притиска за неизлегување на нивното членство, за да не се постигне прагот на излезност.
Да вклучиме малку бројки: Општина Центар на последните избори лани имаше запишано околу 42800 гласачи. Тогаш излезноста била 67%. За референдумот да биде валиден, треба да излезат 50%. Ако ги собереме сите гласови на опозицијата + гласовите за сите албански партии + сите други помали партии, добиваме бројка од околу 16700 гласа. Останатите 11000 од последните избори се на ВМРО. Прагот ќе биде поставен на околу 21400. Дали Жерновски ќе најде дополнителни 5000 гласа од минатите избори?
И во зависност од исходот, ако опозицијата успее во намерата, власта веројатно ќе се откаже од барокот и нема воопшто да го чепне ГТЦ, ќе го остави да пропаѓа и тоа постојано ќе го препишува на Жерновски и неговиот референдум. Ако не успее, власта ќе продолжи со намерата, ќе го изгради приоритетно и веројатно постојано ќе го обвинува градоначалникот за тоа што кочел и за фрлените 2-3 милиона денари на референдум.

Originally posted by BOJAN Дечки, и јас имам своја идеја за ГТЦ. Бидејќи е ГРАДСКИ, јас сметам дека треба да се разгледаат две идеи за понатаму. Првата замисла е простор да се сврзе со паркот Жена борец, да се изведе зелена површина на кровот со клупи за престој на граѓаните и рекреативни содржини кои се значително дефицитни во центарот на Скопје. Мојата втора идеја е покривот на ГТЦ да се реконструира и да постане отворена арена за одржување на концертни и културни настани во периодот од пролет до есен. Со ова не само што не би се укинал пешачкиот коридор на приземјето, туку и центарот на Скопје би добил нов јавен простор и култно место за излегување во периодот од март до октомври.

и јас се залагам за вакви решенија, ама ај да не се повторуваме

Убаво решение а и доста исплатливо би било горе да се направи мини стадион со три трибини (од кај кулите нема место).Нешто слично вакво има и во соседството.

Браво, сега само не се прејадувајте за Велигден, и билдајте кондиција пошто лифтови ово оно, да си бидете спремни за качување по скали.

Во однос на генералната идеја како да се подобри функционалноста и атрактивноста на ГТЦ без да се комримитира уникатниот изглед јас го делам мислањето дека приземјето треба да остане отворено и понатаму да ја вржи улогата како пешачки коридор, за сметка на тоа се нагоре да се затвори (најверојатно со стакло) за првиот и вториот спрат да станата климатизирани и заштитени од временските прилики и неприлики. Така народот ќе има причина повеќе да ги посетува тие два спрата а со тоа и потенцијално поголем промет на продавниците на тие два спрата. Така ГТЦ би се здобил со можност да ги има сите предности што сега ги има СитиМол, без да ги изгуби предностите и уникатните решенија кои ги поседува моментално.

На телевизијата Телма оди емисија за барокизацијата на ГТЦ.Гости се архитект и активист од некоја невладина организација.

Претпоставувам лек за ова е само барок, а не промена на неспособната партиска екипа со потекло од најпрљавата општина у Скопје која со години раководи со овој трговски...