Аеродроми

Во Торонто министерот Ташковиќ се сретна со претставници на авиокомпанијата „Скајсервис Ерлајнс“. Договорено е во септември тие да ја посетат Македонија, а од 2008 година да биде пуштена директна авиолинија Торонто - Охрид.

Нова Македонија - 05.06.2007

Од годинава за прв пат се воведени чартер летови на линијата Торонто-Охрид. Првиот од вкупно петте лета што се предвидени за сезонава, слета на охридскиот аеродром на 29 јуни. Организаторите велат дека покрај иселениците, од следната година со чартерите ќе слетуваат канадски туристи, за кои Македонија била интересна како неоткриена и атрактивна дестинација


Минатата среда на Охридскиот аеродром слета првата тура на наши исселеници од Канада. Тоа е првиот од вкупно петте чартер лета кои на релација Торонто-Охрид- Торонто во текот на летото ги организираат канадски туроператори, “Макс турс” и “Торонто травел”.

“Ја насетив потребата од воведување на директен лет, бидејќи само во Торонто и околината живеат околу 150 илјади исселеници од Македонија. Од нив дури 85% потекнуваат од охридско-струшкиот, битолскиот, ресенскиот и дебарскиот регион”, ни изјави Дени Ристоски, сопственикот на “Торонто травел “, охриѓанец кој долго време живее во Торонто, кој со првите патници пристигна во Македонија и деновиве се одмора на охридското крајбрежје. Пред да влезе во сопствен бизнис, тој 15 години работел за ЈАТ во Канада.

Ова е прв организиран директен лет помеѓу Канада и Македонија.

Со првиот лет пристигнаа 85 патници, со што капацитетот на авионот беше целосно исполнет. За шести јули, кога доаѓа втората тура, ќе пристигнат 120 патници.

Ристоски вели дека кај нашинците во Канада постои заинтересираност за користење на овие чартер летови, а следната година по успешно завршената сезона очекува многу поголема заинтересираност.

“Чартер летовите се многу позгодна варијанта од редовните авио линии, зашто се одбегнува бркањето на поврзани летови, чекањето по аеродромите, губење на времето... “, вели Ристоски.

Цената е дополнителна предност, бидејќи редовно билетите на чартер летовите се 30% до 40% поефтини од билетите со редовните линии. Цената на чартер летот од Торонто до Охрид е 1.299 канадски долари и 899 долари од Охрид до Торонто.


Превозот го извршува авиопревозникот од Канада “Skyservice airlines”.

Следното слетување во нашиот главен туристички центар ќе биде на шести јули, а потоа и на 27 јули, десети август, а последниот лет ќе биде на 31 август. Истиот ден кога авионот ќе слетува во Охрид, ќе биде и полетувањето кон Торонто.

На доаѓање за Македонија, авиопревозникот слетува и во Сплит, од каде зема транзит патници кои летаат за Торонто.

Следното лето со туристи Канаѓани
Амбициите на “Макс турс” и “Торонто травел” се следното лето да се донесат не само наши исселеници кои доаѓаат во посета на татковината, туку и Канаѓани кои би доаѓале како туристи.

Ристоски смета дека Македонија и регионот како сосема нова и неоткриена дестинација би била привлечна за Канаѓаните. Планираат да започнат со издавање на рекламен материјал и брошури со нагласок на Охридско-преспанскиот регион, но исто така и на алтернативниот туризам, преку организирани посети на традиционалните македонски села, манастирите и македонските планини. Нивниот престој во Македонија би се сведувал на пет до шест дена како дел од подолг туристички престој во овој дел од Европа.

Капитал - Маја Михајловска - број 297

види пак ќе се вратам на приватните инвеститори, мое мислење е дека тие би нашле оправдани причини а и средства со оглед дека то нема да биде нешто како космодром, туку едноставно - писта + стаклен терминал, не е нешто сложено или неизводливо ниту скапа инвестиција. незнам кој се ги предвидел овие аеродроми во просторниот план најверојатно тие што го работеле имале мозок...

...карта просторен план МКД ’02-’20