Македонска Филхармонија

Напредува изградбата на филхармонијата

Новиот објект на Македонска филхармонија пополека го добива замислениот изглед од победничкиот архитектонски труд. Една година по изборот на нов изведувач за ова културно здание, на градилиштето периодов се одвиваат градежни активности за изведба на покривот и стаклената фасада. Врз веќе изведената конструкција се поставуваат елементите од покривот, кој допрва треба да го добие завршниот слој на површината. Паралелно со покривот, целосно е изведена конструкцијата за застаклените површини, така што екипите на „Гранит“ во моментов го поставуваат фасадното стакло.

Од внатрешноста на објектот на Македонска филхармонија, досега се оформени преградните ѕидови. Во претстојниот период треба да се изведат градежно – занаетчиски, ентериерни и инсталатерски работи што ќе го оформат зацртаниот ентериер од проектната документација. Покомплексните работи, како што е монтирање на опремата за потребите на Македонска филхармонија, ќе следуваат дури откако зданието целосно ќе се заштити од надворешни атмосферски влијанија. Градежно – занаетчискиот дел од проектот требаше да се заврши во рок од осум месеци, но извесно е дека ќе има забележливо задоцнување од неколку месеци на овој дел од изградбата на филхармонијата во Скопје.

Министерството за култура за изградба на објектот досега издвои финансиски средства во висина од 39,8 милиони евра. Во овој буџет влегува градежно – занаетчискиот дел, но и внатрешното уредување, мебелот и целокупната опрема за концертната сала. За неговата реализација е ангажирана градежната компанија „Гранит“ од Скопје. Автор на победничкиот архитектонски труд за културното здание е Виктор Михајлов, додека основниот и главниот проект го изработи бирото „Македонија проект“.

Објектот ќе се состои од две концертни сали – голема со капацитет од околу 1.100 седишта и мала за камерни оркестри која ќе може да прими 400 посетители, вежбални за изведувачи на разни видови инструменти и подземно паркиралиште. Изградбата започна во март 2009 година.

Текст, фото: Бојан Блажевски
bojan.blazevski@build.mk

















http://www.build.mk/?p=46429

Најверојатно е привремена заштита за вработените кој работат на кровот.

Ќе испадне ТОП...

Ima dve golemi utki (barem zasega), koi ovoj proekt go pravat vo start amaterski. Imeno slusnav od vraboteni vo makedonskata filharmonija, deka ke nema orgulja, nitu, pak, lift za podiganje na klavirot na binata?!

не ја гледам сликата. стави директен линк

јас пак не ја гледам ама само оваа слика. пушти само линк , не ја ставај во тие таговите. можеби не е јпг, туку нешто пнг или слично

Како што претпоставував-ПНГ е форматот а таговите подржуваат ЈПГ. Треба со конвертер да се преработи или кога се прави `save` да се одбери ЈПГ

Само во “ненормални“ држави каде што владее урбанистички хаос може училишта како МБУЦ да се напикаат во лавиринти каде што никој не ги гледа, не ги доживува, затурени и прикриени во некој небитен агол и од некоја небитен објект.

Уметноста треба да е двигател на една држава, таквите објекти треба да се на ударно место, прегледни и достапни.

Не е шпекулација, овие две работи беа дебатирани уште пред да почне да се гради објектот. Само мислам дека не беа внесени во проектот поради финансии. Особено помнам дека имаше некои дискусии за потенцијалната искористеност на оргуљите во однос на цената за интегрирање и изградба.
Ако не се лажам тогаш се аргументираше дека подобро е средствата да се наменат за безпрекорна акустика дизајнирана од искусно биро.
Реално гледано акустиката е и најбитниот елемент за филхармонијата, нешто што дефинитивно не го има Дом на АРМ, каде што сеуште се држат концертите.

Добро е и ова, но сигурно ќе беше подобро доколку имаше повеќе простор околу самиот објект.