Проблем со диви живеалишта

Originally posted by HugoGoulding и за да биде глетката уште повпечатлива, 2-3 оџака од "бараките" кои џурат со полна пареа сив џад во радиус од 200 метри карши главен градски парк... Only in Skopje, only in Macedonia! Имам и слики да ги префрлам на компјутер и ќе ги постирам на форумов.

Добро е што не бил црн чад од запалени гуми, каков што неретко сум имал можност да се надишам поминувајќи по кејот. Еднаш ги приметив и дека топат стар метал на таков оган, веројатно алуминиум или некој друг метал што се топи на пониска температура.

Истиот случај е и на кеј веднаш карши ред кафе.

Мора да признаеме дека има сериозен проблем со ромите во Скопје.
Не зборувам за Шутка. Зборувам за оние кои решиле да живеат номадски живот, и заработуваат по семафорите.
Соодветното министерство мора да направи соодветен план, стратегија и да реагира.

Во Мичурин веднаш до црквата Св.Три Светители има напуштен објект во кој повеќе од пет години живеат дивовселени Роми кои собираат и расфрлаат купишта смет наоколу,собираат кучиња скитници од цел град,диво се приклучени на струја,палат гуми,пластика,алишта и се што ќе им дојде при рака.Од Општина Аеродром воопшто не сакаат да го решат проблемот и притоа наоѓаат разноразни оправдувања оттргнувајќи ги своите ингеренции од објектот.Можеа барем да го оградат и да ги соѕидаат влезовите.

Се согласувам.Не е убаво за градот толку расфрлано ѓубре,кучиња скитници особено до главната автобуска и железничка станица во земјава и до еден верски објект.
Било кој и да дојде од странство овој хаос го асоцира на Бомбај и некои такви градови.Незнам зошто никој не превзема ништо,стално се вадат дека станува збор за приватно земјиште и дека немаат никакви ингеренции врз него.

На влезот во општина Аеродром веднаш до Црквата Св.Три Светители.Извонредна глетка.

Znam. Megutoa ova e epten poblisku do Centar,aj sea ne tolku ama u noemvri i dekemvri smrdi na izgorena plastika,gumi pa ne se izleguva nadvor. Neznam kako nikomu ne mu smeta. Da se nadevam deka koga crkvata ke bide gotova konecno ke se sredi ruglovo.

како што можете да видите, овој врв на недвижнината има свое ќумбе а и антена која ја нема на фотографијата
со струја најверојатно се напојува од локалната бандера

Денес поминав покрај комбево по велосипедската патека, смрдеше на гомна. Веројатно нужда вршат во близина.

Еве извадок од Нова Македонија за напуштени објекти во Центар и во Аеродром

Напуштените објекти се депонии и дувла за зарази
еѓу новите фасади и згради низ метрополата има и повеќе напуштени и делумно руинирани објекти кои се „трн во око“ за жителите, кои постепено се претвораат во депонии. Жителите од околните згради, пак, стравуваат дека може да станат и дувло на зарази. Освен тоа, овие објекти се и опасност за минувачите, бидејќи поради нивната дотрајаност може ненадејно да се сруши некој дел. Повеќето од нив се во приватна сопственост, па така локалните власти немаат надлежност врз нив.
За токму ваков објект, реагираа граѓаните во општина Центар и општина Аеродром. Во општина Центар таков објект има во близина на Католичката црква.
- Мислам дека со години е во оваа ужасна состојба. Се случува дури и да паднат циглите од застареноста на објектот. Некој нешто мора да преземе, оти верувам дека во време на горештините може да почнат да се шират зарази и болести од ова место, а од околните згради има деца што играат во негова близина - рече Симона М., која живее во близина на напуштениот објект.
Во консултација со општина Центар, кои пуштија општински инспекции на локацијата, се утврди дека објектот е во приватна соппственост.
- Тој објект е приватна сопственост и општината нема надлежност. Еднаш се обидовме да исчистиме во двор на приватен напуштен објект, но ни замерија што влегуваме во приватен објект - велат од општината.

Аеродромци, пак, реагираа на ваков напуштен објект. Поточно, нивните реакции се однесуваат на напуштена куќа во населба Мичурин.
Куќата што веќе не личи на куќа е во непосредна близина на црквата што се гради. Многу неубава слика би било кога ќе се изгради црквата. Дворот е натрупан со ѓубре. Налето од него се шири страшна лоша миризба - коментира Кристијан О., жител на населбата Мичурин.Граѓаните оттаму велат дека сопственикот се обидел да стави и ограда околу објектот, но редовно во куќата има диво населни лица.

- Станува збор за објект кој е во приватна сопственост. Самиот сопственик си го заштитува објектот - велат накратко од општина Аеродром.

Од Македонската православна црква, која е инвеститор на црквата во населбата Мичурин, велат дека црквата се очекува наскоро да биде готова, недостига уште внатрешното уредување, како фрески и слично. Но, објаснуваат дека е комплицирана процедурата за МПЦ да сопственик на овој напуштен објект во близина на црквата, што зависи од тоа дали објектот е на продажба, која е цената и слично.

Според адвокатите, доколку некој напуштен приватен објект предизвикува функционална грубост, како рушење на дворот или делови од објектот и предизвикува опасност за минувачите, градежните општински инспектори можат да му наложат да го среди својот објект за да не биде опасност. Ова е предвидено во Законот за градење, под членот 99, каде што се вели дека отстранување на објект или негов дел се врши во случај на оштетување на објектот ако постои опасност за негово уривање.

Сопственикот на објектот е должен и да преземе итни мерки за отстранување на објектот односно да го означи објектот како опасен со соодветни ознаки, да постави заштитна ограда до отстранувањето на опасноста и да поднесе барање за добивање на одобрение за отстранување до надлежниот орган од членот 58 (градоначалникот на општината, односно градоначалниците на општините во градот Скопје) на овој закон - вели ставот 2 од овој член, така што според ставот 3 ако сопственикот не го стори тоа, надлежниот орган има право да ги преземе мерките.
Дополнително, според законот овие мерки се преземаат на трошок на сопственикот. Што се однесува на лошата миризба, за санкционирање е надлежен комуналниот инспектор.







http://www.novamakedonija.com.mk/NewsDetail?title=Напуштените-објекти-се-депонии-и-дувла-за-зарази&id=9bba5ba2-5fe9-431f-8942-d01e3c8cc44f

Edited by Cloverstack - 01-Aug-2018 at 23:19