Јавен превоз во Скопје (линии и возен ред)

ЗА ДВЕ НЕДЕЛИ, ВОЗЕЊЕ ВО АВТОБУС САМО СО „СКОПСКА“ За редовните корисници, најисплатливо е возењето со електронска картичка за десет возења со која едно возење чини 25 денари За десетина дена во автобусите на ЈСП ќе може да се вози исклучиво само со електронска картичка „скопска“, хартиените билети ќе станат минато. Постојат два вида картички, персонализирана (со слика), која е замена за слободната карта, а чини 200 денари и може да ја користи само сопственикот, и неперсонализирана (пренослива), по цена од 150 денари која ќе може да ја користат и други. На неа ќе треба да има „впишано“ билет, или електронски ваучер-паричник со одредена сума. Електронскиот паричник ќе може да се троши без ограничена временска рамка. Во случај картичката да се оштети, а корисникот ја поседува физички и на неа е видлив серискиот број, тогаш средствата можат да се префрлат на новата картичка. Картичките може да се користат и како електронски ваучер-паричник и ќе може да се дополнуваат со најмногу 6.000 денари. Дополнувањето не може да биде помало од 100 денари. Доколку се возите со билет впишан преку електронски паричник, едно возење е 35 денари. Во автобус може да се возите и со билет купен преку мобилен телефон и тогаш возењето чини 40 денари. Во тарифниот систем на ЈСП има и други видови билети, во зависност од времетраењето на важноста, како дневен, седумдневен или месечен, месечен за ученици и студенти, за пензионери и пакети од комбинирани билети. Од ЈСП информираат дека во моментов на услуга се ставени осумдесетина продажни места за дополнување на „скопска“ и на ваучерите. Според процените на надлежните, бројот на продажните места е доволен, а и нивниот распоред бил така направен за да се достапни во сите населени места. „Во случај да има реакции од граѓаните или официјално барање или иницијатива за отворање нови пунктови, ќе ја разгледаме ситуацијата и ќе одлучиме дали има потреба од проширување на мрежата“, велат од ЈСП. Засега е неизвесно дали електронската наплата од 1 септември ќе почне да се применува и кај приватниците. Од ЈСП вчера немаа никакви сознанија, а од Град Скопје кусо одговорија дека се разгледува барањето на приватните превозници за одложување на системот во нивните автобуси. Пред неколку дена од „Макекспрес“ и „Слобода превоз“ најавија дека ќе бараат пролонгирање на електронската наплата со образложение дека голем дел од приватните автобуси биле оштетени од неодамнешната поплава и им требало време за санација, поточно да се пуштат во сообраќај. Од тие причини, не сакале системот да почне да се применува делумно, односно само во возилата кои се оспособени за возење.

http://utrinski.mk/default.asp?ItemID=F3227B50F6F6A34EA523D777659AA4E7

Новинарството во Македонија е дно. Што не кажете гласно и јасно, ние што не сме жители на главниот град како ќе купуваме билет? Дали ќе плаќаме исклучиво со мобилен телефон, по цена од 40 денари за еден билет? И како ќе плаќа оној кој нема мобилен телефон?

Ова многу битна информација не ја кажува ниту новинарот на Утрински Весник (непотпишан е текстот, што значи дека може и чистачката да го напишала), ниту на страницата на Скопска каде го нема ова прашање во Прашања и Одговори.

И овие ќе овозможеле подобра оптимизација на возните редови и обезбедување поквалитетен превоз на патниците, како што се пофалиле на страницата?

Edited by phenomenon - 18-Aug-2016 at 10:41

Originally posted by kultuzin Некаде прочитав дека и натаму ќе има можност кај возачот да се купи карта но таа ќе биде во вид на фискална сметка.

E стварно јака имплементација. Во приватниот градски превоз во Куманово е така. Не ти даваат билет, туку ти даваат фискална сметка.

Тоа што цената на билетите со ова се зголемува, се уште никој не го отвора како тема. Браво за ЈСП

ПРОБНО ВКЛУЧЕНИ ЕЛЕКТРОНСКИТЕ АПАРАТИ ВО ПРИВАТНИТЕ АВТОБУСИ

Во приватните автобуси на „Макекспрес“ од денеска пробно се вклучени електронските апарати на кои засега може да се валидираат само средношколците, но не и останатите граѓани. Во „Слобода превоз“, пак, учениците ќе се валидираат од 1 декември, бидејќи со електронски апарати треба да доопремат уште десетина автобуси. Како што информираат од приватните претпријатија стартуваат со ученици според договорот што го имале со Градот и со ЈСП и преку оваа категорија корисници на бесплатниот превоз ќе го тестираат системот и функционирањето на електронските апарати. Идејата е сите недоследности и технички проблеми да се отстранат во овој пробен период за да можат од 1 јануари подготвени да стартуваат со електронскиот систем на наплата, кога ќе можат да се валидираат сите други категории на патници. Според првите луѓе на „Макекспрес“, на стартот вчера имало извесни технички проблеми кои заеднички ги решавале со ЈСП и со ангажираниот мобилен оператор „Телеком“.

„Сите наши приватни превозници навреме ги известивме дека од 15 ноември треба да ги вклучат поставените валидатори. Преку специјален софтвер од вчера почнаа да се валидираат учениците средношколци, кои веќе користат бесплатен превоз. Таков договор имавме со Градот и со ЈСП, а подоцна ќе ги превезуваме и пензионерите и сите други категории кога од 1 јануари ќе започнеме со електронската наплата. Тогаш ќе немаме причина за одложување и подготвени ќе го пречекаме стартот. Вчера имаше мали технички недоследности, како на пример во некои возила валидаторите не се вклучувале или не светнувала зелена светилка за валидација и слично, па тие возила ги праќавме во најблиската гаража на ЈСП, каде што од стручните лица беа отстранувани сите недостатоци“, објасни Војо Велевски, еден од основачите на „Макекспрес“.

http://utrinski.mk/?ItemID=83A14944A903AB44AA555D40D6500974

Многу детали за оваа распределба на линиите немаше. Во основа, пред една и пол година имаше конкурс за распределба на автобуските линии. „Макекспрес“ конкурираше да ги земе линиите 19, 20, 22, 52 и 54. „Слобода превоз“ има конкурирано за неколку, вклучувајќи ги линиите 9 и 12. Повеќе детали за ова треба да излезат од Град Скопје. Веројатно ова е точката со која успеале приватните превозници да ги натераат да влезат во електронскиот систем.

Како и да е, многу е глупаво што жителите од општина Чаир и дел од Бутел се оставени единствено со приватни превозници да се поврзат со остатокот на Скопје, приватниците навистина возат само кога е rush-hour.

60 денари за едно возење? Ама не може тоа така драги другари. Како прво, цената на едно возење во автобусите на ЈСП скокна од 30 на 35 денари. Од почеток на месец цената за едно возење во приватните превозници скокна од 25 на 35 денари. Сега најава за можност за купување на билет во автобус по цена од 60 денари. Од лани и прелазот од градски на приградски линии повторно е поскапен.

Видете вака, јас не планирам да плаќам за пензионери и за студенти. Загубите од пропагандистичката политика на власта не сакам да ги плаќам на свој терен. Оној што воведува такви мерки, тој нека си ги плаќа загубите во јавниот превоз!

Повторно да ја потсетам власта, во 2010 година воведоа вакво слично зголемување на цената во железничкиот сообраќај од 50% на сите билети за сите дестинации. Бројот на патници што тогаш патуваа со воз беше над 1,5 милиони. Лани со воз се имаат превезено 800.000 патници. Бројките кажуваат се!

Edited by BOJAN - 04-Jan-2017 at 10:22

А тоа дека ЈСП не се способни да излезат со детални, јасни и недвосмислени информации си стои. Ги прегледав на брзинка страните на ЈСП и СКОПСКА МК и не можам да верувам дека таму стојат информации од пред година и повеќе. Две години се подготвува системот а односот е како на Македонија пат кога ги изненадува снег во Јануари. Но тоа не значи дека треба да се манипулира и да се извртуват манипулациите. Штета е навистина што здравата критика е узурпирана со ликови како Бојан па така неможе ни за една тема да се развие нормална дискусија.

Јас се возам од кога знам за себе со јавен градски превоз, но ова е вистински хаос. Да не зборам дека нема никакво официјално соопштение на кои линии се приватните превозници, на кои се државните автобуси, како се плаќа, гужвите низ пунктовите продолжуваат.

Не се само тие линии кои горе ги имате наведено. Еве на пример, 11-ка која сообраќаше со државни автобуси (на ЈСП) до село Рашче, денес дојде приватен автобус Дури го видов и на враќање од работа, иако вообичаено ги нема. Од друга страна, 22-ка приватни автобуси не сум видел од 1.1. наваму. За 9-ка и 19-ка е вистина дека сообраќаат само приватни автобуси.

Билетот со 60 денари им е проба да видат колку можат. Пуштаат пробно

Едно е..но соопштение со јасни работи да издадеа.

„ДЕВЕТКИТЕ“ ТРЕТ ДЕН ГИ ОСТАВАТ ГРАЃАНИТЕ ДА ВИСАТ ПО ПОСТОЈКИ

За само 15-ина дена откако беше воведен АВЛ-системот во јавниот градски превоз и стартуваше електронската наплата во сите автобуси, се појавија многубројни проблеми, а возачите на приватните автобуси наместо со ЈСП, сега се тркаат со времето. Додека порано брзаа да му ги земат патниците на ЈСП, сега ги оставаат да „висат“ на постојките.

Граѓани имале вакво искуство изминатиов викенд на линијата број „9“ на која сега возат само автобусите на приватното претпријатие „Макекспрес“. Патниците се жалат дека не им застанал автобусот на постојката на „Водњанска“, туку, веднаш продолжил надолу по втората коловозна лента без да ги качи оние кои чекале на последната постојка. Голем дел од патниците кои се пожалија, се враќале од работа, а по завршувањето на работниот ден наместо што побрзо да си дојдат дома, не можеле да се качат во автобус. Вчера, пак, граѓаните се изначекале „9“ и во населбата Скопје Север. Останале на автобуската од 8:45 до 9:30 часот и измрзнале на снегот и студеното време. Велат дека четири автобуси заминале кон последната станица, а од таму по речиси еден час чекање, конечно им дошла „9“.

Од „Макекспрес“, приватното претпријатие кое вози на оваа линија, објаснија дека сега имале редуциран возен ред.

„Автобусите се поретки, затоа што, поради училишниот распуст возниот ред е редуциран, но, по 23 јануари се враќа основниот возен ред според кој автобуси ќе има на секои 7-8 минути се' до 17 часот, кога потоа повторно ќе бидат редуцирани. На линијата ’9‘ ние ќе сообраќаме до 31 јануари, а потоа таа ќе стане дел од пакетот линии на ’Слобода превоз‘“, објасни Војо Велевски, еден од основачите на „Макекспрес“.

Корисниците на приватната „9“ се жалат дека не смее да се редуцира возен ред поради зимски распуст, па вработените да не можат да стигнат на работа. Реагираат и на возачи кои се' уште не се откажуваат од старите навики да собираат патници попатно, а други ги оставаат со часови на постојки. Некои граѓани се обиделе да му напишат поплака на претпријатието на неговата веб-страницата, но таа била недостапна.

http://www.utrinski.mk/?ItemID=C5D7736324CB4F4AA89DCDADBD727F16