Скопски сообраќај (општо)

Бесен поради тоа што кога доаѓам од Куманово, симнувајќи се пред црквата Пресвета Богородица, минувајќи по тесната патека на кејот Димитар Влахов и чекајќи да го поминам булеварот Филип Македонски, кој нема семафорска сигнализација ни пред МНР, ни пред Холидеј Ин, ни пред ГТЦ, за разлика од Карпош каде има семафор на секој пешачки премин, дури и на правите делници, ме сретнува карусел кој некој идиот одлучил да го постави баш тука, на најтесниот дел, да не можеш на раат да поминеш, за понатаму да ме сретнат две „улици“ на кеј измеѓу кои се распостелани маси и столови, при што на едната улица се простира бавча на еден од оние очајни обиди за брод, во исчекување и другите квази-бродови да го следат овој пример, на кој се надоврзува и слаломот во лавиринтот помеѓу Т-Хоум и другиот карусел, за да излезам на плоштад, размислував дали може да се исправи барем нешто од тоа што го упропастиле некои инфантилни ликови.

Баш кога се капев, ми текна интересна идеја - да се направи подземен конвеер испод кејот 13. Ноември за дистрибуција (утовар-истовар) на стока за кафулињата, бутиците и другите корисници, кој би се протегал од паркингот Кочо Рацин до Македонска Пошта.

Дали оваа моја идеја е издржана? Дајте аргументи „за“ и „против“.

Edited by phenomenon - 16-Aug-2017 at 16:51

Значи можело и за 2 недели!!!

Како е можно да си изградат улуци булавари во рекордо време а во чаир со години ништо? Градочалникот треба дефинитивно да си пди! Гуд Бај од октомври

Се надевам дека се гради нешто квалитетно не само на брзина!

Ова со велосипедскиве патеки им е полн погодок со оглед на теренот за изградба. Браво!

posto u meguvreme na panorama nikna uste cel grad... kako i da e, trotoarive se mali, patekite za tocaci ke sluzat za parkiranje, a na makedonski ne se vika shkolo tuku ucilishte

Edited by xnx - 03-Sep-2017 at 12:57

Originally posted by xnx posto u meguvreme na panorama nikna uste cel grad... kako i da e, trotoarive se mali, patekite za tocaci ke sluzat za parkiranje, a na makedonski ne se vika shkolo tuku ucilishte

сепак не ја гледам потребата од проширување
со години во врат ни се бута идејата дека проширување на улица е решение и дека кружен тек е најдобра крстосница...
тука проблемот беа големиот број на улички што се приклучуваат и фактот дека доколку се движиш низ населбата треба да се исклучиш од една улица, да се вклучиш на оваа, па после 50 метра пак да се уклучиш на друга, проблем што не се решава со додавање на една лента на ваков начин... да не збориме што по цела улица има директни излези од гаража
дури и на самите фотографии се гледа колку се лоши вкрстувањата и дека со скратувањето на тротоарите сега е дури и понепрегледно
а ако се навратам на тоа дека се форсираат проширувања како решение, морам да спомнам дека најголемиот очигледен проблем не е решен, а тоа е Водњанска
џабе е, ако сака нека никне уште еден град на Водно, вака само се залажува проста раја дека живее којзнае каде

и не ми јасно зошто при толкав ремонт на улица, велосипедската патека не е качена на тротоар за да биде комплетно физички одделена од сообраќајот и побезбедна

Originally posted by UrbanFreak Еден сериозен безбедносен пробелм кој го воочив. На велосипедската патека се поставени големи прилично широки решетки за собирање на атмосферската вода. Решетките се подебели од тркало на роуд бајк, а тоа би значело дека велосипедист кој на оваа стрмна улица вози надоле може да му се заглави тркалото и да излета напред. Ова е темпирана бомба за велосипдисти, мислам дека или ќе возат во лентата за автомобили или ќе ризикуваат губење глава надоле.

Тоа е стварно глупо, преку целата ширина на патеката ли одат решетките?

=======

Инаку мислам дека е ова прва улица во градов на која велопатеката продолжува паралелно со коловозот кога се доаѓа до раскрсница, без да скршнува десно кон зебрата. Се надевам ќе продолжи оваа пракса. edit: Ко ќе размислам, ова е уствари прва улица (не-булевар) која воопшто има велопатека на нејзе?



Edited by fichot - 06-Sep-2017 at 20:56

ајде Аирлија, кога Коце не успеа иако ги вметна в ГУП, ето добро е да Шилегов сака да ги протурка сообраќајните џокери за скопскиов патен карамбол, пред се' тунелот под Кале ... но без Јужен булевар + клучка наместо кружен тек кај Тутунски, ете север ќе го решат, но југ сеуште ќе нема урбан автопат ... иако се додека не бидне јавниот транспорт бесплатен, а движењето низ центар условено со вињети, метежите и загаденоста в градов уште долго ќе бидат норма ...

ако не сум грешка фали и мостот кај МЗТ односно на бул. АСНОМ за да може да се рече дека ќе се отпуши нешто од нешто скопскиот асфалт од/до Центар, но добро би било на таков мост да се остави простор и за евентуална трам траса во иднина, доколку навистина сконтаат градските власти дека еднонасочен трам е вистинско решение за трасата исток-запад [1][2] иако Шилегов беше дециден дека во негов мандат скотјани нема да видат Трам ни на слика, него ќе се заангажира постојниот скопски железнички прстен да профункционира како алтернатива ...

ШТО МОЖЕ ДА ОЧЕКУВАМЕ ОД НОВИОТ ГРАДОНАЧАЛНИК? 19.10.2017 - Шилегов вети нови булевари, мостови, тунели, надвозници, градски воз... Новиот градоначалник на Скопје Петре Шилегов вети сериозни нови сообраќајни решенија за главниот град кои опфаќаат изградба на северен булеварски прстен, централни магистрали, мостови, тунели и нови булевари. Во изборната програма на Шилегов пишува дека многу брзо ќе почне изградабата на северен секунадарен сообраќаен прстен кој подразбира изградба на 36 километарски булеварски прстен за поврзување на општините Кисела Вода преку булеварот Србија со општините Гази Баба, околу населбата Железара и ново булеварско решение за поврзување на Чаир и Бутел и спојување со булеварот Словенија кој треба да продолжува до Влае, Ѓорче Петров и Волково. Предвидена е и изградба на мост на реката Вардар и тунел под Кале. Мост ќе се гради и во населбата Карпош 4 за поврзување со булеварот Скупи. За раскрсницата кај Мавровка новиот градоначалник предвидува нивелација на раскрсницата и непречено одвивање на сообраќајот на оваа „црна точка" за движењето на возилата во Скопје. „Ние имаме системски пристап за изградба на инфраструктурата во Скопје за растоварен и безбеден сообраќај за современ начин на комуникација и современ јавен превоз", изјавуваше за време на кампањата Шилегов. Предвидена е изградбата на уште еден тунел за поврзување на општините Аеродром и Кисела Вода - спојување булеварите „Борис Трајковски" и „Трета македонска бригада". Шилегов предвидува да го обнови железничкиот прстен околу Скопје (шест железнички станици), воведување на градски воз со кој од Драчево до Скопје Север ќе се дојде со воз за 10 минути, и од тука со автобус или велосипед за кратко си во центарот на градот. „Сакаме систематско решение. Сакаме коридори што ќе го поврзат градот, што ќе служат на сите подеднакво. Даваме приоритет на транзитните и градските магистрали. Досегашниот автоцентричен дизајн на улиците целосно го отфрламе, бидејќи улицата не е само коловоз. Секоја идна улица, мост или булевар во Скопје ќе има задолжителен хуманизиран и безбеден простор за пешаци, велосипедисти и јавен превоз", изјави Шилегов и додаде дека овие решенија се однесуваат и на заштитата на животната средина и загадувањето. http://vecer.mk/skopska/shilegov-veti-novi-bulevari-mostovi-tuneli-nadvoznici-gradski-voz

Да се надоврзам на горниов пост, Шилегов пред изборите на презентација за сообраќајните инфраструктурни проекти доста време посвети на булеварскиот северен секундарен прстен.


Сликата е од видео презентацијата.

Идејата е добра да се направи, поготово во усогласување со таа најавувана градска железница (која по мое мислење треба да се прошири до Куманово, Тетово, Велес), но тешко дека некој од Кисела Вода би се служел со нејзе доколку сака да отиде на Западен излез од градот. Најголемата грижа ми е дека прстенов не поминува низ многу населби и доколку сакаме да биде вистински корисен ќе мора да биде и вертикално поврзан со сите општини, а тоа значи градење на повеќе мостови на Вардар. Тесното грло кај надвозникот во Автокоманда исто така е проблем и ќе мора да му се даде алтернатива на тој мост за оние луѓе кои не би ја возеле таа рута, туку би сакале да стигнат во Центар/Бит Пазар (мостот кај МЗТ сала како најсоодветно решение).

Целото видео е тука:
https://www.facebook.com/p.shilegov/videos/1852396201756580/

Edited by Blagh - 24-Oct-2017 at 09:36