Реконструкција на пругата Битола - Лерин

https://www.facebook.com/Bitola-Kremenica-Project-1451544438474299/?__tn__=kCH-R&eid=ARBIOMe8Ywviq2GCEt2gadQuWCufcWoLKS4SPdaTw7SCE_bHyyA3Ya5_ArDWAc8eTq1x3chXjoxsI2aN&hc_ref=ARSVrUz7o0Tq9HEV_fhPc2nCRuZPt8cHH0184GGnalJjWFwnIE_aUSOTb-4RdVZfCLE&__xts__%5B0%5D=68.ARBdF1Be_n7lRqSSuYFEH4LvicnVAxiauEgeVZmxGggYuXQHsvI-q3TJF6mH8oXLIaq4eHNP5GWLZNKtPVQZaxWvDKPBUMYzOR9MxWMGY3HrIz0WRE_-IjJm0gDUDQgB4HL0bws4v8K0IBeBujC7QNShlCkrk6jlcG1rvwRYryM4nsYMyzGawvYb_ipls0yXDOK7bndYMsmvQxsTv17PGGgY_u5_kv02RadfnBIl4knWYEksibpX-nXCHN4QYiMYiBKbbj2t8K2LeGxbeJPhAgwrCz9PIjxRtz3tgz1R6y5UxuQjUqvTtRRq6SFCDFrGf6tf2b68lDdsuhOm29PPEtDgYZYOZQwKOlnfHnu3s9AnVo_Xk3ftyK3Ib6RSujdIIVG9fKpEH2Ce6mHPih0GDOdEsW2wxyzy0tNYCsR5-o6Z9KOGdwCXdSQMBnKY5m5eBLT3MXxRX5XmYtakCNqDsNNETZfQvXJYgQbUEue3xXP-REZVGxmYEpLpkKxmWrs5IsnWtkNwSMIUit7DILSv9Q

Заврши изградбата на пругата Битола-Кременица

Пругата со која Битола железнички ќе се поврзе со Грција е изградена, а наскоро се очекува технички прием, потврдуваат за апла.мк од Министерството за транспорт и врски.

Но, кога ќе се воспостават првите линии, се уште е неизвесно. Според најавите оваа делница требаше да биде комплетно завршена до крајот на минатата година,а причина за последното одложување се временските неприлики во овој регион, снегот и поларните температури зимава, поради што не можеше да се постави електричната инсталација, велат од Транспорт и врски.

Проектот е финансиран од државниот буџет и средства од Евопските фондови, а во изминатите години беше проследен со многу проблеми при изведувањето, поради што се закануваше опасност Македонија да ги изгуби парите од европските фондови. Станува збор за проект од 17,2 милиони евра, од кои 6 милиони се ИПА средства, а 11 милиони евра се од буџетот.

Кракот од Битола до пограничното битолско село Кременица, на самата гранична линија со Грција е во должина од 18 километри.

tera.mk

Разочарување е тоа што станицава не ја отсликува архитектурата на другите станици низ мк.

Утре тестирање на пругата до Кременица

Еве и видео:

Министерот Бочварски вети дека годинава ќе се пушти во функција пругата Битола-Кременица

Министерот за транспорт и врски Благој Бочварски при денешната посета на Пелагонискиот регион порача дека изградената пруга Битола-Кременица годинава ќе биде ставена во функција. Тој информираше дека моментов се вршат последните тестирања на новата пруга и се очекува до крајот на годинава да се пушти во употреба железничката станица во Жабени, од што бенефит ќе има и тамошната индустриска зона.

Инаку, пругата од Битола кон македонско-грчката граница беше завршена со изведба уште на почетокот од 2019 година. Железничката делница долга 17 километри беше првично тестирана за одвивање на сообраќајот во април минатата година, но работите запнаа кај поставувањето на оптички кабел и поврзувањето на новата пруга со останатата железничка инфраструктура во земјава.

Во градежниот зафат се инвестираа 17,2 милиони евра, при што 6 милиони евра беа грант од Европската Унија и 11 милиони евра беа обезбедени од државниот буџет. Пругата од Битола кон Кременица претставува второ железничко поврзување меѓу Северна Македонија и Грција. Покрај тоа што ќе овозможи поевтин и побрз превоз на стоки и патници за жителите и компаниите од Пелагонискиот регион, оваа пруга би можела да се користи и како алтернативен железнички правец на Коридорот 10 меѓу Велес и Гевгелија.

https://meta.mk/ministerot-bochvarski-veti-deka-godinava-ke-se-pushti-vo-funkczija-prugata-bitola-kremenicza/

БИТОЛА 7 ГОДИНИ ЧЕКА ДА СВИРНЕ ВОЗОТ ЗА ГРЦИЈА НА ОБНОВЕНАТА ПРУГА ДО ГРАНИЦАТА ОД 17 МИЛИОНИ ЕВРА

Како што малиот Трпе го чекал возот што татко му му го ветил за роденден, така и ние со години го чекаме возот за Грција што на секои избори ни го ветуваат политичарите, коментираат битолчани за седумте години додека чекаат да проработи пругата. Во 19. век, Турците за четири години ја изградиле пругата од Битола за Солун и ја ставиле во употреба, а во 21. век ќе се навршат четири години откако пругата од 17 километри само до границата се догради и три откако се тестираше за сообраќај, а по неа уште не минал ниеден воз.

„Кога од Скопје за Битола возот патува тргни-застани по десет часа, можеби ќе ни требаат уште десет години за со воз да стигнeме до Грција. Сè е спремно уште трубачи да дојдат, тапан и една гајда за жалење. Или пак, ја изградивме пругата за да биде историски споменик од времето на Османлиската империја. Возот ќе поминe кога ќе се капeме во новиот базен што требаше да се изгради и кога ќе одиме во домот на Копанки“, иронични се повеќемина битолчани со кои разговаравме.

Хари Локвенец, директор на Јавното претпријатие за железничка инфраструктура, пред пред еден месец за медиумите изјави дека возот од Битола за Лерин ќе свирне во ноември. Истекуваат последните денови од месецот, но свирка не се чу. Локвенец го кажа само месецот, а не и годината.

На прашањето на САКАМДАКАЖАМ.МК до каде е возот за Грција, од ЈП за железничка инфраструктура ни одговорија дека се чека одговор од грчка страна.

„Пругата од Битола до гранична станица е оспособена и има дозвола за сообраќање. Што се однесува за сообраќање на воз до Лерин, не зависи само од нас туку и од грчките железници. Секако, од наша страна е покрената иницијатива и се чека одговор од грчка страна, односно за поврзување со грчката страна, најпрво е потребно да се потпише Меѓудржавна спогодба за регулирање и организирање на железничкиот сообраќај“, одговорија од ЈП за железничка инфраструктура.

Првиот кој враќањето на возот за Лерин им го вети на битолчани беше ексградоначалникот Владимир Талески во 2012, пред да го освои третиот мандат. Помина и тој негов мандат и шест години откако е во куќен притвор, ама воз не свирна. Пругата кон Грција од неговото предизборно ветување почна да се гради дури во 2016, преку проект финансиран од ЕУ. Но, тогашниот бугарски конзорциум кој беше избран на тендер како главен изведувач, не им ги исплати парите на подизведувачите и изградбата запре. Поради ова, постоеше реална опасност Македонија да ги загуби европските пари. Во меѓувреме дојде до промена на власта, а државата распиша нов тендер за изведувач на кој беше избрана австриската компанија „Штрабаг“. Проектот чинеше 17,2 милиони евра од кои 6 милиони евра ИПА средства, а 11 милиони евра од буџетот на државата. До 2019 се изгради нова пруга од Битола за грчка граница, во должина од 17 километри. Надлежните во повеќе наврати одговараа дека за да свирне возот од Битола за Лерин треба да се договорат уште некои технички детали.

Да се искористеа тие средства за осовременување на патната инфаструктура, сега Битола можеше да има автопат за Грција, како оној од Лерин до граница. Но, фразата „повторно да свирне воз од Битола за Лерин“ за политичарите звучеше попримамлива. Од осамостојувањето на Македонија таму не минал воз. Пругата од Битола за Солун била изградена пред 128 години, а во текот на нејзиното славно минато во Битола со воз допатувале многу војници, патописци, конзули, па и историски личности, како и турскиот султан Решад Петти во 1911. И во турско Битола имала подобар железнички сообраќај од денешниот.

https://sdk.mk/index.php/dopisna-mrezha/bitola-7-godini-cheka-da-svirne-vozot-za-grtsija-na-obnovenata-pruga-do-granitsata-od-17-milioni-evra/

Февруари го напишале со познатото широко битолско „а“

Воз од Битола до Жабени од 1 фавруари

ЈАНУАРИ 26, 2023

Врз основа на известувањето добиено од Јавното претпријатие за железничка инфраструктура, општина Битола, ја известува јавноста за пуштање во сообраќај на воз за превоз на патници на пругата Битола – Жабени. Во известувањето од претпријатието се наведува следното:

-ЈП за железничка инфраструктура Железници Инфраструктура доби барање за доделување траса за патнички воз на пругата Битола – Жабени од страна на железничкиот превозник ЖРСМ Транспорт АД Скопје.

-Согласно барањето, возовите се планирани да започнат со сообраќај на 1 февруари 2023 година, се наведува во информацијата, а повеќе информации во врска со патничкиот воз може да се добијат од Железници Транспорт АД Скопје.

https://bitolanews.mk/2023/01/26/%D0%B2%D0%BE%D0%B7-%D0%BE%D0%B4-%D0%B1%D0%B8%D1%82%D0%BE%D0%BB%D0%B0-%D0%B4%D0%BE-%D0%B6%D0%B0%D0%B1%D0%B5%D0%BD%D0%B8-%D0%BE%D0%B4-1-%D1%84%D0%B0%D0%B2%D1%80%D1%83%D0%B0%D1%80%D0%B8/

Ако Кромберг одлучи да склучи договор со МЖ и вработените да се превезуваат со воз наместо со 100 автобуси на МИГ травел, до некаде има смисла. Но предноста на автобусите е што ги собираат работниците од неколку точки низ градот, додека пак железничката е на крајот на градот, а не во центарот, и тешко дека секој ќе може да стигне до неа така рано или доцна.

Поважно е да почнат товарни возови од индустриската зона да одат кон солунското пристаниште или кон север, отколку патнички сообраќај.