Јавна чистота

Какви глупости, не ми се верува. На истово место е испланиран деловен објект. Зошто привремени решенија? Зошто тие пари да не се пренаменат за да се пробие улицата Борис Кидрич?

Според мене на овој начин треба да се постапи со сите руинирани објекти и диви депонии кои лежат на приватни имоти...

--------------------------------------------------------------------------
РАСЧИСТЕНА ДЕПОНИЈАТА ПОД КАЛЕ, СОПСТВЕНИЦИТЕ ЗАДОЛЖЕНИ ДА ЈА ОГРАДАТ И ЧИСТАТ ПАРЦЕЛАТА

Екипите на Град Скопје деновиве целосно го расчистија просторот под скопското Кале кој до пред само неколку недели беше претворен во дива населба и дива депонија и претставуваше извор на аерозагадување, поради огновите што се палеа на отворено.

Бидејќи локацијата е всушност приватна сопственост, Градот Скопје ги задолжи сопствениците да си го оградат местото и ги предупреди дека во иднина тие се одговорни да ја одржуваат хигиената на парцелата.

Градот Скопје најавува засилени контроли и ригорозни казни за оние што ќе дозволат на своите парцели да се трупа ѓубре и да се создаваат диви депонии кои ја загадуваат и нагрдуваат животната средина и го загрозуваат здравјето на граѓаните.







https://www.facebook.com/CityofSkopje/

Во Хром...





https://www.vecer.press

Ова е во Стар Аеродром,често минувам низ населбата и може да се забележи недостаток од контејнери и секако редовно празнење на истите...еве фотки од фб од денешната состојба на ул.Методија Шаторов-Шарло







https://www.facebook.com/groups/787942044967923/

Originally posted by stef4o Ова е во Стар Аеродром,често минувам низ населбата и може да се забележи недостаток од контејнери и секако редовно празнење на истите...еве фотки од фб од денешната состојба на ул.Методија Шаторов-Шарло https://www.facebook.com/groups/787942044967923/

Откако ќе помине низ фб групи се решава проблемот...





https://www.facebook.com/groups/787942044967923/

Никнува огромна дива депонија кај село Орман



Се формира нова дива депонија на територијата на општина Ѓорче Петров. Загрижен граѓанин снимил видео како на локација во близина на селото Орман секој ден се истураат тони ѓубре и градежен шут и дека истата е два пати поголема од онаа во Ново Село.

– И покрај барањата до градоначалникот на Ѓорче Петров Александар Наумоски да преземе сериозни мерки и да ја прекине еколошката катастрофа во Ѓорче Петров, ништо не е преземено на депонијата секој ден се истураат со тони губриште и шут. Бараме, Владата на Република Македонија и инспекторатот за животна средина да преземат мерки бидејки општинската администрација и градоначалникот не преземаат ништо. Еколошката катастрофа во Орман треба веднаш да престане, затоа што утре ќе биде доцна – реагираат загрижени граѓани.

Пред 15-тина дена општината исчисти дел од оваа огромна депонија, ама огромен дел остана.Грашаните велат дека овие луѓе не ги плаши вирусот и неказнето се шетаат и исфрлаат отпад.

– Јасно е дека личниот интерес е пред општествениот, ова е недозволиво и бараме итно да се казнат сторителите и да се престане со уништување на природата во Ѓорче Петров – реагираат тие.

Некои посочуваат дека купишта ѓубре има и покрај пругата од Кисела Јабука до Волково.

https://www.vecer.press/

Скопје се гуши во отпад, од Комунална Хигиена велат го собирале и вчера редуцирано
Полиицискиот час кој започна во петокот во 16 и ќе трае до утре –понеделник до 05 часот наутро, ги затвори граѓаните по домовите, но и ги преполни контејнерите. При нашата денешна обиколка низ Скопје, најмногу полни контејнери видовме во населбата Аеродром. Од Комунална Хигиена велат дека за разлика од регуларното собирање отпад , кое трае до 5 часот наутро, после четвртокот , тие и вчера –сабота излегле на терен , но собирале отпад само до 14 часот и тоа од индивидуалните домови.

Од ЈП „ Комунална Хигиена“ бараат разбирање од граѓаните за насобраниот смет , зашто како што велат, во ограничени околности за работа, со скратено работно време во втората и со укината трета смена, не можеле да постигнат повеќе.

Ние се потрудивме колку што можеме , во рамките на она овластување што го имаме да го собереме сметот. Секако дека оние критики , што ги добиваме од граѓаните , на нас ни е јасно што се случува. Јасно ни е дека граѓаните се револтирани. Меѓутоа и тие треба да сфатат дека едноставно не можеме да постигнеме во толку краток рок , секаде да поминеме. А , забележавме и појава дека и покрај полицискиот час, одредени испразнети контејнери, повторно се преполнети, во извесна мера- Ана Марија Бранџолица – портпарол во ЈП„ Комунална Хигиена.
Не се прави разлика при собирањето на отпадот, дали потекнува од домовите на здрави или заболени со ковид-19 граѓани, во домашна изолација. Но, ако се работи за инфицирани, важно е отпадот да биде во две кеси, а првата да биде исполнета само 2/3 од содржината, потенцираат од „ Комунална Хигиена“’.

Нашите вработени не бираат , ниту пак прашуваат дали граѓаните се заболени или не. Тие го собираат отпадот кој што е одложен во садовите , без разлика дали се работи за контејнери или за куќи, каде отпадот се одлага во канти- Ана Марија Бранџолица- портпарок на ЈП„ Комунална хигиена.
За престојната работна недела и православниот Велигден, од „ Комунална Хигиена“ очекуваат да добијат дозвола за работа до прва и втора смена, до 21 часот навечер, со цел непречено да собираат поголеми количества отпад низ Скопје, согласно мерките и препораките. Но, за тоа прецизен одговор се очекува од утре.



https://telma.com.mk/skopje-se-gushi-vo-otpad-od-komunalna-higiena-velat-go-sobirale-i-vchera-redutsirano/

КОМУНАЛНА ХИГИЕНА“ ЃУБРЕТО ЌЕ ГО СОБИРА ДО 21 ЧАСОТ ОТКАКО ВИКЕНДОВ КОНТЕЈНЕРИТЕ НИЗ СКОПЈЕ БЕА ПРЕПОЛНИ

Јавното претпријатие „Комунална хигиена“ од денеска ѓубрето од контејнерите во Скопје ќе го собира до 21 часот. Од средата, кога беше воведен полициски час од 16 до 5 часот наутро, ѓубрето се собираше само во една смена.

Директорот на „Комунална хигиена“ Абдусамед Шабани во средата рече дека ќе работат само до 16 часот, бидејќи не добиле дозвола од Министерството за информатичко општество и администрација да работат додека трае полицискиот час. Поради тоа, контејнерите низ Скопје беа преполни со ѓубре, а бидејќи во нив немаше место, расфрлани кеси имаше на тротоарите и улиците околу нив.

Градоначалникот на Скопје Петре Шилегов вели дека поради состојбата на терен направен е нов режим на работа и од денеска контејнерите ќе се празнат од 5 до 21 часот.

„Пред да биде воведен полицискиот час немавме проблеми ниту поплаки од граѓаните за собирање на ѓубрето низ Скопје. Изминативе денови работевме со намалена динамика поради воведениот полициски час. Вчера имавме состанок со Кризниот штаб на Град Скопје, направивме анализа и нов распред за подигнување на ѓубрето во две смени. Ќе се работи и во сабота. Работевме и оваа сабота, но екипите не можеа да постигнат секаде со оглед на режимот по кој работеа претходните три дена. Од денеска, состојбата ќе се стабилизира“, вели градоначалникот Шилегов.

Во Скопје има 6.000 контејнери од кои секојдневно се собира ѓубрето. Дневно комуналните работници на „Комунална хигиена“ подигнуваат околу 500 тони отпад.

https://sdk.mk/index.php/dopisna-mrezha/komunalna-higiena-gubreto-ke-go-sobira-do-21-chasot-otkako-vikendov-kontejnerite-niz-skopje-bea-prepolni/

Ако служи за утеха да напоменам дека беше десетпати полошо од ова пред месец дена.
-------------------------------------------------------------
ЉУБАНИШТА

(празнична глетка)

Некои го љубат, други го ништат природното наследство на Охридскиот Регион. Едни објавуваат со желба да се укаже на проблемите, јавни служби, поединци или групи чистат. Некои повторно загадуваат, фрлаат најразличен отпад, се однесуваат неодговорно. И тоа е еден постојан циклус. Не може да запре. Ни со апели, ни со опомени. Можеби со казни. Доколку навистина се казнат тие што го прават ова.

Им благодариме на сите совесни сограѓани, сонародници, кои споделуваат, кои објавуваат, реагираат, кои организираат и најмали акции за чистење. Апелираме на институциите за поригорозен пристап кон овој проблем. Да се љубит природата а да се ништат овие лоши навики.















Фејсбук пост на Охрид СОС

Низ Бутел...















https://www.facebook.com/SkopjeMoraDaDise