Привремени и напуштени објекти

Руиниран објект со години „заборавен“ во центарот на Скопје





Во строгиот центар на Скопје покрај булеварот „Свети Климент Охридски“ со години стои напуштен објектот, кој одамна, последен пат го користеше една во тоа време многу позната сендвичарница. Сега од него е останата руина, со искршени прозорци и врати, преполна со ѓубре, пропадната од времето и од негрижата. Околината е со неуредено зеленило, израснато и запуштено, слика што не прилега во урбана инфраструктура.

Жителите од околните згради велат дека е срамно што никој ништо не презема со овој објект, ниту сопственикот ниту општината.

– Со години е вака и секојдневно се повеќе пропаѓа. Не само што е грдо на „око“, туку е и опасно. Прозорците се искршени, стакла искршени има насекаде околу, а да не зборуваме за ширење зарази, бидејќи внатрешноста е претворена во депонија. Не можам да разберам никој ништо да не преземе за да се тргне оваа урнатина од тука. Не е битно дали е приватно или државно земјиште. Срамота е вака, среде центар е! Па и приватен имот да е, нека му наложи Општината да си го среди просторот. Па не може во градов кој што сака да прави, мора да има некаков ред! – вели Горан, кој живее во близина на руинираниот објект.

Од Општина Центар потврдуваат дека оваа локација е приватен имот што сопственикот е должен да го одржува и да се грижи за него.

– Според член 99 од Законот за градење, отстранување објект или негов дел се врши во случај на оштетување на објектот ако постои опасност за негово уривање. Сопственикот на објектот е должен и да преземе итни мерки за отстранување на објектот односно да го означи како опасен со соодветни ознаки, да постави заштитна ограда до отстранувањето на опасноста и да поднесе барање за добивање на одобрение за отстранување до општината – велат од Центар.

Повеќе од очигледно е дека сопственикот не ја исполнува законската обврска и дека никој друг ништо не презема, иако во Законот, кој го наведуваат од локалната власт, исто така стои и можноста доколку сопственикот не ги почитува законските обврски, тоа да го изврши надлежниот орган, во случајов Општина Центар, на трошок на сопственикот на објектот.

Овој простор во постојниот ДУП е зацртан како градежна парцела со намена за изградба на станбена зграда.

– Според Деталниот урбанистички план Голем ринг-запад (Одлука бр.07-5569/18 од 18.7.2012 година) усогласен со ГУП на Град Скопје од 2002 година, кој е дел од Одлуката за начинот на применување на урбанистичките планови (мораториум) бр.08-1859/2 и од 27.3.2019 година тој простор е дефиниран со градежна парцела бр. 5.1 со намена А2 – домување во станбени згради П+6+Пк со Х=21м – објаснуваат од Центар.

Оттаму додаваат дека во моментов се води постапка за донесување на ДУП Градска четврт Ц 04 – Дом на градежници, во согласност со ГУП на Град Скопје 2012-2022, во чиј опфат се наоѓа и горенаведената локација и постапката е во претпоследната фаза, односно се чека да се добие согласност од Министерство за транспорт и врски.

[URL= ]https://www.slobodenpecat.mk/ruiniran-objekt-so-godini-zaboraven-vo-czentarot-na-skopje//URL]

Mislam da ama ne sum siguren,vo sekoj slučaj najlesen izgovor na opštinite e da kažat deka e privaten imot i kraj na prikaznata.Sličen problem veke so godini postoi do crkvata vo Mičurin kade ima markica za zgrada no poradi sudski sporovi okolu zemjišteto veke 10 godini stoi poluraspadnatata kukja i nikoj ne se zamara da proba da najde makar nekoe privremeno rešenie.

Македонија 2020

Originally posted by user8642 Зашто ова ѓубре сеуште постои во 2020?!

Тоа ѓубре се државни бараки во кои сеуште работи државна администрација...

Ќе да е државна сопственост? Не беше ова некаква студентска менза или воена кујна?

Отсечениот дел од Маџир Маало,голем број напуштени објекти(сервиси,вулканизери и слично) лево од сино-портокаловата зграда...чудно како никој нема интерес таму да изгради голема 9 катница

Originally posted by stef4o Отсечениот дел од Маџир Маало,голем број напуштени објекти(сервиси,вулканизери и слично) лево од сино-портокаловата зграда...чудно како никој нема интерес таму да изгради голема 9 катница

Да, а баш има веќе зграда во сегашниот ДУП (П+8+Пк). Нема многу куќи, па инвеститорот би бил во голем профит, претпоставувам. Ни јас не разбирам како до сега се' уште се нема изградено зграда.
Плус, баш тука никому не би му пречела зграда, а ни од инфраструктурен аспект не е проблем, дури и природно би се вклопила зградата во просторот.

Еве баш како е вцртана зградата во ДУП-от:



Edited by skopskodete - 12-Jun-2020 at 14:00

Originally posted by stef4o Местото не е можеби премногу атрактивно поради лошиот поглед кон дивата населба спроти ПИОМ како и дивите импровизирани бараки што се наоѓаат непосредно до локацијата.Можеби по некое време некоја помалку позната фирма би се впуштила во инвестиција за овој дел.Во секој случај доста масивна зграда би требало да никне.

Па не знам баш дали е тоа причина, искрено, бидејќи има на доста други места со слични такви недостатоци да никнуваат згради (пр. во близина на ова место што се гради кулата или веќе изградената помала зграда кај Тинексот, исто така во близина на ова место), исто така би ја вброил и зградата на ЗСФ што е до Железничка. Таа зграда се наоѓа до раскрсница, а тоа значи целодневна континуирана бучава (тука не би имало бучава), а од друга страна нема некој баш поглед, а ниту пак некој двор, па ете гледам продадени се становите.
Ако пак се разгледува во однос на местоположбата, тогаш е феноменална местоположбата со оглед на тоа што во близина има основно училиште и средно училиште (не е толку далеку Корчагин), на само 5-10 минути пешки се доаѓа до идниот Skopje East Gate, а исто така не е далеку ни Веро Центар (можеби 10-12 минути пешки), во близина е Транспортниот центар, има и пошта, а на само 15 минути (пеш) е и строг центар (плоштад). Што е уште поинтересно е што и не би имало проблем со паркинг, со оглед на тоа што како дополнување на паркинг местата кои би биле во склоп на зградата е и големиот паркинг преку улица, што е веќе во употреба со години. Во однос на сите овие придобивки, зградурињата во Дебар Маало, или на други места, не се споредуваат. Баш би рекол дека местово е многу атрактивно.

Edited by skopskodete - 12-Jun-2020 at 15:59

Originally posted by FT Meстово е доста атрактивно, тие населби нема да се таму уште многу долго. Се надевам дека ќе добиеме пристоен објект кој ќе му парира на МТВ и на Скопје Ист Гејт.

Па мислам дека моментално ова место е меѓу едно од најатрактивните слободни места за градење во Скопје. И јас се надевам дека ќе се изгради убава и модерна зграда.

ретко кој инвеститор се нафаќа да ја уредува околината на објектот и го решава пристапот, дури и да се изградат објекти, освен ако не е некој покрупен и сериозен проект, ќе имаме само зграда во нива

Edited by zabegan - 12-Jun-2020 at 16:42