Јавна чистота

Изминатава недела на ул.Симеон Кавракиров во Мичурин поставија од новите контејнери и тоа е засега добар потег бидејќи истите се многу почисти и естетски изгледаат поубаво,се празнат со нов камион кој поминува околу 23 часот и не се создаваат гужви како што беше во минатото.Добро е само подолго да се сочуваат контејенрите и во иднина се повеќе да се заменуваат старите со нови.

Еве една фотка од твитер

Точно е дека се масивни и дека зафаќаат доста простор но позитивно што би издвоил е дека се нови,чисти,со капаци и се празнат на начин кој не бара ангажирање работници да се мачат да тегнат смрдливи метални контејнери и да висат отпозади на камиони скапаници од кои пола од ѓубрето истекува под пресата.Што се однесува до поставеноста нека осмислат некој соодветен начин но неспорно е дека ќе зафаќаат јавен простор повеќе или помалку. Тротоарите секако во над 50% од случаите се непроодни што од паркирани возила,од билборди и што уште не така да тој проблем долго ќе го имаме. Добро е да се сочуваат новиве контејнери да не се кршат и спалуваат бидејќи се дефинитивно подобро решение од оние металните.

Само да дополнам, не, не ставија малку асфалт, туку ставија жолта лента бидејќи било „привремено“ решение.

Најголем дел од тие контејнери на Партизанска може да бидат ставени на сервисните улички на посебно предвидени места. Нигде во град во Европа нема контејнери по самите главни булевари, ама тоа е, требаше да помине изгледа тендер за камиони и за контејнери.

Originally posted by ehrlich Само да дополнам, не, не ставија малку асфалт, туку ставија жолта лента бидејќи било „привремено“ решение. Најголем дел од тие контејнери на Партизанска може да бидат ставени на сервисните улички на посебно предвидени места. Нигде во град во Европа нема контејнери по самите главни булевари, ама тоа е, требаше да помине изгледа тендер за камиони и за контејнери.

ова сакав да го кажам и јас, проблемот е глобален
дури и да го прилагодиле времето на работа во согласност со сообраќајниот метеж, пак не е ок како трајно решение
не мора контејнерите и камионите да се масивни, доволно е да се во поголем број и да имаат соодветно место во близина на зградите за кои служат... некаде ќе мора да се импровизира, ама барем да се намали штетата... ем на граѓаните да им се подостапни контејнерите, ем да не се гломазни и тешки за празнење

Одамна беше ред за нешто вакво! Не ни е рамна ни земја од третиот свет за ова со најлонските кеси.

Иницијатива за забрана на пластични кеси Група еколошки активисти формираа Иницијатива за забрана на пластични кеси. Екологистите поддржувачи на Иницијативата бараат од надлежните без одлагање да донесат законска одредба за забрана на пластичните кеси за пазарење и да воведат нови, вистински биоразградливи, според европските стандарди, а истовремено, кај потрошувачите да се поттикне создавањето навика за користење на платнени торби за повеќекратна употреба. – Забраната на дел од пластичните кеси е мерка за која сегашната Влада изрази намера да ја реализира. Забраната ќе се однесува на пластичните кеси што не се биоразградливи, додека во промет би продолжиле да се пуштаат биоразградливи пластични кеси при што нивната цена би се зголемила на 10 денари, велат од Иницијативата. – Јануари се ближи, а овие мерки не се спроведени. Не само што новиот закон не е усвоен, туку е уште една фаза поназад, односно не е ни испратен до Собранието на усвојување. Новиот состав на Собранието веќе е конституиран, новата Влада е избрана и веќе работи. И покрај неопходните итни мерки што треба да се преземат во однос на пандемијата со ковид-19, сметаме дека е неоправдано во недоглед да се одолговлекува забраната на пластичните кеси која беше најавена за 1 јануари 2021 година, наведуваат од Иницијатива за забрана на пластични кеси. Посочуваат дека во меѓувреме, количеството пластични кеси останува екстремно високо. Според некои податоци, кај нас секоја година се користат половина милијарда пластични кеси. Откако еднократно ќе се искористат, тие завршуваат на депониите, каде што се горат, при што го загадуваат ионака загадениот воздух, или се фрлаат по улиците. Така, не само што ја нагрдуваат нашата околина, туку и често завршуваат во водните текови каде што го трујат живиот свет што ги консумира, мешајќи ги за храна, нарушувајќи го синџирот на исхрана што несомнено се одразува и на квалитетот на живот. – Се може без пластични кеси! Бараме од Владата под итно да го заврши она што го најави. Бараме во промет да се пуштаат единствено биоразградливи пластични кеси за пазарење, кои ќе ги исполнуваат еколошките стандарди, се вели во во соопштението од Иницијатива за забрана на пластични кеси.

https://a1on.mk/macedonia/inicijativa-za-zabrana-na-plastichni-kesi/

Edited by гитардемон - 14-Nov-2020 at 10:56

Во Маџир Маало,сеуште не гледаат дека се потребни барем десетина контејнери околу новоградбите бидејќи сеуште се служат со оние малите зелени канти кои се гледа дека не се доволни,сликата е редовно ваква дури и полоша(ова е од твитер)

ПОСТАВЕНИ КОНТЕЈНЕРИ НА НЕКОЛКУ НОВИ ЛОКАЦИИ НИЗ ГРАДОТ

Со цел одржување на комуналната хигиена на високо ниво, на неколку нови локации во Скопје се поставени контејнери за одлагање смет од 3,2 кубни метри. На улиците Венјамин Мачуковски, Фрањо Клуз, Пандил Шишков, Мирче Ацев и Ацо Шопов се поставени вкупно 18 нови контејнери









https://www.facebook.com/CityofSkopje/

Започна поставувањето на нови полуподземни контејнери за отпад во Куманово.
Ова е современ начин на депонирање на комунален отпад, при што еден контејнер има капацитет од 5 кубни метри отпад и практично заменува 6 обични контејнери.
На 8 локации ќе бидат поставени вкупно 15 контејнери.







https://www.facebook.com/MaksimDimitrievskiOfficial

ова е тежок проблем секаде каде што има маркети или угостителски објекти
не знам дали имаме закони за маркетите да бидат принудени сами да се справуваат со својот отпад

ЦЦЦЦ, па на што личи ова... И што ако поставија нови контејнери?
Очигледно не се знае кај нас да се решаваат проблемите на системски начин.