Јавен автобуски превоз (општо)

Тетово, автобусите конечно пристигнаа, но нема да бидат пуштени во сообраќај

Петте автобуси кои се очекуваа цела деценија, конечно пристигнаа. Сепак и покрај нивното пристигнување во Тетово, нема да има јавен превоз барем до средината на март.

Ова се должи на доцнење на подготовката на теренот за јавен превоз, како што се поставување на линиите по кои ќе возат автобусите, ангажирање на администрацијата на јавното сообраќајно претпријатие и формирање на нивните канцеларии.
После тоа, ќе следи комплетирање на администрацијата на претпријатието со вработени, како и огласот за прием на возачи. Во меѓувреме, на следната седница, ќе ја пренесеме сопственоста на автобусите на компанијата и ценовникот за билетите“, рече Беким Мемети претседател на општинскиот совет, Тетово.

Тетово најпрвин ќе има три линии како и три вида билети, еднократни 20 денари, месечни до 450 денари и годишни кои ќе чинат 9000 денари. За реализација на превозот на овие линии, општината ќе треба да изгради неколку постојки за чекање.

Јавното сообраќајно претпријатие сè уште нема свои канцеларии, исто како и автобусите кои немаат каде да се паркираат, за што, првично, ќе се користи дворот на пожарникарите во Тетово. Останува нејасно дали оваа компанија ќе воспостави сервисен пункт во случај на дефект или ќе користи приватни мајстори.

По пуштањето во употреба на автобусите, ќе се намали бројот на комбињата кои што вршат меѓу- општински превоз на црно, а кои, според првиот човек на Советот, се планира да бидат лиценцирани и вклучени во распоредот заедно со јавниот превоз.

https://alsat.mk/mk/tetovo-avtobusite-konechno-pristignaa-no-nema-da-bidat-pushteni-vo-soobrakaj/

ТЕТОВСКИТЕ ОПШТИНСКИ СЛУЖБЕНИЦИ ЌЕ ПЛАЌААТ ПОЕВТИН МЕСЕЧЕН БИЛЕТ ЗА ЈАВЕН ПРЕВОЗ ОД СТУДЕНТИТЕ
Уште не почна со работа, а јавниот превоз во Тетово веќе создава контроверзии. На денешната седница на Советот на Општина Тетово беше усвоен ценовникот за јавниот превоз кој, со неодамнешната набавка на 5 автобуси, по неколку години подготовки конечно се очекува да почне да функционира. Но, токму ценовникот предизвика остра полемика меѓу тетовските советници бидејќи, за дел од нив беше неразумно општинските административци да плаќаат поевтин превоз од студентите.

„Сега за вработените во Општина Тетово месечен билет чини 450 денари, а додека студентите треба да плаќаат 600 денари. Нашата реакција е дека студентите треба да имаат приоритет. Исто така, баравме да има категорија автобуски билети за семејства кои имаат месечни приходи не повисоки од 250-300 евра, но мнозинството тоа не го прифати“, изјави Бесар Дурмиши од опозициската БЕСА.

Според донесената одлука, билет за едно возење во градскиот превоз ќе чини 20 денари, а се воведени и месечни билети според категории, па така основен месечен билет изнесува 900 денари, за студенти и јавни службеници цената е 600 денари, додека за вработените во Општина Тетово месечниот билет чини 450 денари. Пензионерите и лицата со полесна попреченост ќе можат да земат месечен билет за 350 денари, а за оние лица кои се со над 80% попреченост превозот ќе биде бесплатен.

Иако автобусите конечно се набавени и денес е утврден ценовникот за билетите, ЈП „Тетово транспорт“ се уште не може да започне со превоз на патници.

„Денес се усвои ценовникот и сега продолжуваме со технички и административни процедури кои се со законски рокови кои треба да се почитуваат. Исто така, Советот на Општина Тетово автобусите треба да ни ги предаде на користење, па тие да добијат лиценца и дури потоа да прејдеме на нивна оперативност“, вели Фејсел Беадини, в. д. директор на ЈП „Тетово транспорт“.

По неколку години откако Општина Тетово донесе одлука да се формира јавен превоз во градот, пред една недела конечно беа набавени 5 современи автобуси кои сѐ уште чекаат да бидат вклучени во јавниот превоз во градот.


https://sdk.mk/index.php/dopisna-mrezha/tetovskite-opshtinski-sluzhbenitsi-ke-plakaat-poevtin-mesechen-bilet-za-javen-prevoz-od-studentite/

Ковид-19 пандемијата предизвика намалување на бројот на превезени патници во скопскиот јавен превоз на историски најниско ниво. Автобусите на ЈСП-Скопје и на приватните превозници лани превезле 27.709.556 патници, што е за речиси 30 милиони патници помалку во споредба со 2019 година. Во годината пред ковид кризата, јавниот превоз во Скопје го користеле над 57,2 милиони патници.



https://www.facebook.com/meta.mk

Порталб: Тетово без посебна лента за автобуси, јавниот превоз може да го отежни сообраќајниот метеж

Општина Тетово нема изнајдено решение за сообраќајниот метеж што со години го спречува слободното движење на возилата. Проблемот ќе биде отежнат кога во сообраќај ќе се воведат и автобусите како дел од градскиот превоз, за кои не е обезбедена посебна лента или барем не е планирано ефикасно организирање на сообраќајот. Одлуката за купувањето на автобусите ќе биде бесмислена ако тие се блокирани во сообраќај, исто како и другите возила, и граѓаните уште повеќе ќе доцнат во извршувањето на нивните обврски, пишува Порталб.мк.

Остана уште еден месец од кога се очекува градскиот превоз во Тетово да стане функционален. Општина Тетово ги определи локациите од каде ќе тргнуваат автобусите, а определени се и постојките. Меѓутоа, дали тетовската инфраструктура и моменталниот сообраќај се подготвени за нормално функционирање на пет градски автобуси, разговаравме со сообраќајниот експерт Блерим Неими.

Дали е доволно вклучување на автобусите без да се создаде простор за нивно нормално функционирање?

Во однос на ова, според професорот и експерт за сообраќај, Блерим Неими, инфраструктурните услови во Тетово не се толку поволни моментално. Тој истакна дека чекаат да се разгледаат правците што би биле утврдени од страна на надлежните лица.

„Условите не се многу поволни што се однесува до инфраструктурата на градскиот превоз. Претходно, многу важна улога ќе има фактот во какви ленти ќе се движат автобусите, нешто што ќе биде утврдено од страна на надлежни лица. Ќе треба да се види во патните правци, колку ќе има места за паркирање на возилата и колку ќе можат да создадат простор за непречено функционирање на градскиот превоз“, рече Блерим Неими, сообраќаен експерт.

Тој ја нагласи важноста на посебна лента што би овозможила автобусите да пристигнуваат до нивната дестинација навремено и без дополнителни проблеми, а моментално, градот Тетово нема такво нешто.

„Градскиот превоз би бил добро решение за градот Тетово, конкретно, доколку се обезбеди посебна дополнителна лента за автобусите како и забрзување на времетраењето на возење или распоредот“, рече Неими.

Што треба да се направи?

Според Неими, во насока на задоволителна функционалност на јавниот превоз во Тетово најпрво треба да се исполнат неколку услови, и тоа: да има доволно места за паркирање на возилата, да има посебни места за застанување на автобусите и да има посебна лента за автобусите како што има во другите градови што имаат јавен превоз.

Општината сѐ уште без одговор

Новинарот на Порталб.мк постави неколку прашања до Општина Тетово во однос на организирањето на јавниот превоз. Меѓутоа, локалните власти сѐ уште не одговориле. Во продолжение се прашањата што останаа без одговор:

1. Дали Општина Тетово обезбедила инфраструктурни услови за нормално функционирање на градскиот превоз?

2. Дали ќе има посебна лента за сообраќај на автобусите?

3. Дали се планира посебен режим во сообраќај (каков?)

4. Дали ќе биде можно автобусот навреме да пристигне до неговата дестинација, со оглед дека јавниот превоз во главно ќе го користат студентите? Кој ќе сноси одговорност доколку постојано има доцнење поради сообраќајниот хаос?

За да се исплатат новите автобуси ќе бидат потребни 13 години

Кредитот од 1,2 милиони евра што го подигна Општина Тетово ќе почне да се исплаќа после три години, со каматна стапка од 3 отсто. Ова го потврди министерот за финансии, Фатмир Бесими. Според тоа, идниот градоначалник на Општина Тетово освен плаќањето на автобусите, ќе се соочи и со долгот од 9,4 милиони евра.

„Се работи за три тури што ќе ги опфатат сите делови на градот и ќе може да се користат од страна на нашите граѓани. Ова е реализирано во соработка со Светската Банка за подобрување на општинските услуги, за што потоа општините аплицираат и добиваат кредит за реализација на овие проекти. Станува збор за 13-годишна категорија со една каматна стапка од 3 отсто. Во дадениот случај, општината аплицираше и доби средства во износ од 1,2 милиони евра, меѓутоа во текот на набавката, поради транспарентноста, тука општината заштедила и реализирани се само 720 илјади евра а останатиот дел од средствата од 1,2 милиони евра останува на располагање за општината на Тетово, за други проекти што би го подобриле животниот квалитет на граѓаните“, рече Фатмир Бесими, министер за финансии.

Инаку, постапките за регистрација на автобусите, како и за ценовникот за билетите за јавен превоз се завршени. Се очекува систематизацијата на работници во Јавното претпријатие „Тетово Транспорт“, како и да се обезбедат возачи и администрација. Се очекува во текот на месец март за прв пат да биде пуштен во функција јавниот превоз во Тетово.

https://meta.mk/portalb-tetovo-bez-posebna-lenta-za-avtobusi-javniot-prevoz-mozhe-da-go-otezhni-soobrakjajniot-metezh/

Само во Скопје автобус не застанува на постојка, туку застанува 30 метри пред постојката бидејќи имало други автобуси пред него (како на Рекорд), па цело стадо овци трчаат да одат да го најдат, па ќе ти замине без да видиш дека застанал. Па менуваат лента оти имало друг автобус пред нив кој е уште застанат на постојка...

Не знам што да кажам друго за брзината, не ме чуди ич.

https://www.facebook.com/meta.mk.mk

Бидејќи изворот е ЈСП Скопје, може да се должи и на грешка во ексел

Го имам пишувано ова поодамна:

http://www.build.mk/forum/forum_posts.asp?TID=460&PN=16

https://www.facebook.com/p.shilegov

Навистина треба да споделат како дошле до процентот, можеби се работи за ново математичко достигнување