Скопски сообраќај (општо)

БОЕМСКА УЛИЦА ВО СКОПСКО ДЕБАР МААЛО СЕКОЈ ДЕН БЛОКИРАНА СО СКАПИ КОЛИ, БОГДАНОВИЌ БАРА ДА СЕ ЗАТВОРИ ЗА СООБРАЌАЈ, СЕ ЧЕКА ОДОБРЕНИЕ ОД МВР



Боемската улица во скопско Дебар Маало секоја вечер е блокирана од коли. Екипата на САКАМДАКАЖАМ.МК вечерва затекна десетина испаркирани коли на пешачката улица, а сопствениците беа гости во кафеаните. Никаде нема пајак служба да ги подигне непрописно паркираните возила од кои најголем дел се џипови, мерцедеси и ауди.

Искршени се и бетонските столпчиња кои Општината ги стави за да спречи паркирање.

Ваквата слика е постојана од отворањето на улицата во времето на ексградоначалникот Андреј Жерновски до сега.

Градоначачникот на Општина Центар Саша Богдановиќ вели дека единствено решение е улицата да се затвори за сообраќај, за што е изготвено сообраќајно решение и чекаат дали Министерството за внатрешни работи ќе го одобри.

https://sdk.mk/index.php/dopisna-mrezha/boemska-ulitsa-vo-skopsko-debar-maalo-sekoj-den-blokirana-so-skapi-koli-bogdanovik-bara-da-se-zatvori-za-soobrakaj-se-cheka-odobrenie-od-mvr/

Каде шетаат легнатите полицајци од пред „Мајчин дом“?



Прво во август минатата година го снема едниот легнат полицаец, а деновиве снема и неколку негови „другари“ кои беа поставени кај „Мајчин дом“ и основното училиште „Ѓорѓија Пулевски“ во Аеродром. Каде ли шетаа легнативе полицајци?

Сега, практично, она што останало од нив воопшти не и служи на намената да го забавуваат сообраќајот на ова прометно место. Возилата ги поминуваат брзо лесно заобиколувајќи ги оние што останале да лежат.

Очиглено, на оваа сообраќајница освен „легнатите“ добро ќе дојде и почесто присуството на исправените сообраќајни полицајци

https://skopskoeho.mk/kade-shetaat-legnatite-politsajtsi-od-pred-majchin-dom/

Инспириран од дебата во една друга тема околу судбината/иднинаната на објектот на министерството за одбрана во сред Дебар Маало ми дојде една идеја околу сообраќајот во околината. Имено Дебар Маало е достапно од две страни да се пристапи со автомобил од Илинденска. Тоа е од раскрсницата кај МЦМ кај фонтаната во градски парк, и другата од преку Орце Николов кај центар за странски јазици, кај Жапон, кај Пуиг, како сакате се исто може да се објасни.

Е сега мислам декa e паметно да се искористат крајните неколку метри од дворот на министерстото и да се пробие трет сообраќаен влез од Илинденска, а тоа е продолжение на улицата Дане Крапчев. Со тоа што на Илинденска наместо да има две раскрници една веднаш по друга, предлагам да се укине раскрницата која сега е влез за паркингот на Град Скопје и да се отвори нов влез кога ќе се создаде можност за тоа со рушење на бараките.



Edited by Cloverstack - 18-Apr-2021 at 13:09

И треба паркинг на тоа место. Преку викенд нема место за паркирање ако се сака да се оди во парк или зоолошка, или пак во некои кафичи и кафани во близина. Е сега колкав би бил тој монтажен паркинг е друга работа. Се надевам ќе биде доста голем бидејќи и постои простор за такво нешто.

Тој простор треба да си биде подземна гаража по целата должина, а на местото на бараките да си се прошири Градскиот парк.

Инаку, јас нешто не сфаќам или: како ЕЛЕМ работи во таа зграда, кога пола зграда и повеќе нема прозорци? Не ја сфаќам функционалноста на зградата.

ДМ е пристапно и од другата страна на ОН, а со малку вртење (при постојниот режим) и преку Ленинова.

До толку нема друга опција па преферираат да чекаат во гужвата, и авто-школи, дистрибутери, кипери, миксери, пајак служби и таксисти?

Originally posted by гитардемон До толку нема друга опција па преферираат да чекаат во гужвата, и авто-школи, дистрибутери, кипери, миксери, пајак служби и таксисти?

зависи каде одиш во Аеродром (Скопјанка) ако возиш од оваа страна, ако си на јужната страна на Јане Сандански, тогаш има многу опции, ако си на другата страна, тогаш оваа е единтвена, со оглед на тоа дека
ако одиш накај автокоманда ова е исто така единтвена опција... или тоа, или ќе поминеш 1000000 семафори по должината на Трета Македонска/ Јане сандански/ Булевар Србија за да стигнеш до Автокоманда, и тоа од околу

па и да има опции, сакаш да кажеш дека е здраво сообраќајот на градот да се пренасочува, само за да има велосипедска патека на коловоз, за вкупно два велосипедисти на ден, на место каде што има доволно простор за велосипедска патека на тротоарот? ...само не пуштај некој амстердамски филм

Еве една интересна мини-идеја за подобра поврзаност меѓу населбите Бардовци и Волково. Не дека има што многу да комуницираат, но како опција треба да постои оваа врска.

Тамо е планиран некаков мост на Лепенец, кој мислам дека еднаш го имаме дикутирано лани, ама неможам да го најдам сега написот. Но затоа, успеав да најдам некои слики на гоогле мапс од железничкиот мост на Лепенец меѓу Бардовци и индустирскиот дел од населба Даме Груев (позната како Геге) (42.020860° 21.367921°). И на мостот уствари има две железнички ленти, но едната изгледа како никогаш да не е употребена и џабе да стои на мостот. Всушност од ова парче пруга нема никаква потреба и ако некогаш во иднина железничкото поврзување помеѓу станиците Скопје Север и Ѓорче Петров во иднина порасне на дупли профил, тогаш сигурно нема баш ова руинирано парче пруга на мостот да се користи.

Така да, мислам дека е паметно сега за сега да се демонтира тоа парче на мостот, и просторот од лентата да се отстапи на користење на возила како локален пат исто како што тоа се користи сега во Долно Лисиче каде што железничкиот мост е изграден до профил да некогаш наменски има тамо улица но ГУП-от сеуште не дошол со реализација до тамо. Е тука меѓу Бардовци и Даме Груев би било паметно да се искористи "привремено" на неколку децении мостот за патнички потреби.

Дури на памет ми иде еден уште поелегантен политички дупло-корисен метод. Пред избори, еве сега брзо ќе има, да им "се намигне" на локални собирачи на старо железо, да им се покаже што треба преку ноќ да соберат и да се остават да расчистат тоа ѓубре. И така тоа е ненаселен дел, без некоја голема галама може да се ослободи лентава. Ем гласови може да се соберат пошто тоа сепак тоа не е малку железо, ем ќе се избегнат нужните процедури кои висат како камен околу врат кога треба да се направи нешто овакво надвор од сите зацртани планови и нема системски поставена институција или функционер кој треба да спресече или да може да пренамени нешто овакво на привремен рок без да биде пикиран за политичка пресметување и наоѓање влакана во јајце кога ќе си замине од функцијата. Така да еве идеја, политички проект, за 0 денари! Па ако чита некој од партиите, не се зафркавам воопшто, нека го размислат како идеја. Ова зборам вака како брза и ефикасна метода што може до избори да се направи, после тоа секако би требало асфалтирање саглам пристапни патишта, а може и асфалтирање на коловоз на мостот ако се избоксуваат процедурите.









Од 7 километри пат, поврзувањето меѓу населбите се скратува на само 2,5м километри што е скоро три-кратно. Тоа секако може да има значајност за локална економија, дали луѓе побрзо до работа ќе стигнат или некој производ побрзо ќе се дистрибуира. Едно возило да се тргне од кружење преку загушената улица Скупи и пазарот во Ѓорче, тоа е успех.






Edited by user8642 - 16-Mar-2021 at 01:46

Одлична идеја.