Скопски сообраќај (општо)

Јас не гледам тука „жешко“ градежно лето, ама добро, изгледа различна перцепција имам.

Од втор обид Еднаш беше асфалтиран, па го копаа, па пак работеа. Не баш среќно решение, според мене.

Сеуште неможам да сватам зашто упорно во Македонија го фураат овој подигнат оформен тротоар околу кружниот тек. Тамо нема и не треба да има воопшто пешачки или велосипедски сообраќај за да се прави тротоар. Едноставно треба да има подигнат бетонски круг и тоа не со рабници класични за тротоар, него со обратно поставени спуштени рабници за да можат погабаритни возила да го пресечат крајот на кружниот тек со прегазување. Така се прави во цел нормален свет. Па уште со бекатон го наредиле. Еве неколку примери:






Втора работа, грешна им е хоризонталната сигнализција, однонсо непотполна е. Кога веќе примарната цел се гледа дека не им била да направат квалитетно сообраќајно решение, туку по секоја цена иделе на тоа да извадат правилен бетонски круг во средината на улична ситуација која не го дозволува тоа, само за да нацртаат знаме, тогаш барем да го изштрафирале остатокот од просторот кој треба да припаѓа на кружниот тек. Еве на скицата кој дел имаат заборавено да го штрафираат:

Богдановиќ најави реконструкција на улицата „Народен Фронт” во Капиштец

Градоначалникот на Општина Центар, Саша Богдановиќ најави реконструкција на улицата „Народен Фронт”, во Капиштец, со што целосно ќе се уреди коловозната конструкција на површина од 11.543 метри квадрани, а ќе бидат опфатени трите краци помеѓу зградите. Покрај улицата ќе се реконструираат и подигнатите пешачки платоа за смирување на сообраќајот и ќе биде поставено ново модерно лед-осветлување.

-Ми претставува особено задоволство и чест да најавам дека започнуваме со целосна реконструкција на улицата „Народен Фронт”, која е една од главните сообраќајници во населбата Капиштец. По завршувањето на реконструкцијата на улицата „Васил Ѓоргов” со Град Скопје, сега ја започнуваме и втората најголема сообраќајница во Капиштец, за којашто од Општинскиот Буџет имаме планирано 40 милиони денари. Воедно, сакам да најавам дека како ќе се одвива реконструкцијата, ќе се обноват и тротоарите, а ќе се направи и резидентно паркирање за сите станари, истакна Богдановиќ.

Реконструкцијата на улицата „Народен Фронт” ќе се изведува по примерот на улица „Орце Николов” во Дебар Маало, а како што посочи градоначалникот оваа година Општината ќе заврши со реконструкција на повеќе од 15 улици во Центар.

Во наредниот период, Општина Центар најави дека започнува со реконструкција на улиците „Јордан Хаџи-Константин Џинот”, „Ристо Шишков”, „Дебарца”, „Драмска”, „Ленинова”, „Мирослав Крлежа”, „Теодосиј Гологанов”, „Рајко Жинзифов”, „Елисије Поповски Марко”, „Алберт Ајнштајн”, „Андон Дуков”, „Дон Бас” и улица „Козара”

https://www.slobodenpecat.mk/bogdanovik-najavi-rekonstrukczija-na-uliczata-naroden-front-vo-kapishtecz/

ОТВОРЕН НОВ БУЛЕВАР ВО СКОПЈЕ - БИХ Е ЗАВРШЕН ОД ПОЧЕТОК ДО КРАЈ

Денеска официјално се пушти во употреба новозавршената делница на булеварот Босна и Херцеговина во северниот дел на Скопје. На прес-конференцијата по повод отворањето на булеварот се обрати градоначалникот Петре Шилегов.
- Денеска ги пуштаме во употреба последните 500 метри од новопроекрираниот булевар Босна и Херцеговина кој се спојува со булеварот Словенија. За реализацијата на овој капитален проект од Буџетот на Град Скопје се потрошени околу 100 милиони денари со пресметан ДДВ. Вложувањето на овие средства создаде услови за сериозен развој на инфраструктурата, но и сериозен развој на градот во северниот дел и е дел од концептот за кој јас зборував со граѓаните во текот на 2017 година, секундарниот северен прстен - изјави Шилегов.
Тој додаде дека некогашната улица Босна и Херцеговина била изградена пред 40-тина години и оттогаш асфалтот не бил променет, а улицата била широка само 7 метри.🚧
- Сега имаме еден најсовремен по сите светски и европски стандарди булевар, широк 40 метри, со пешачки и велосипедски патеки по целата негова должина, коловозот е веќе спремен, пешачки и велосипедски патеки исто така, ни преостанува во следниот период да го уредиме и средишното булеварско зеленило. На овој булевар поставивме и ново лед осветлување. Новиот булевар за овој дел од градот ќе биде значителен инпут за неговиот развој, особено ако се има предвид дека се спојува со булеварот Никола Карев кој е во завршна фаза, како и со клучката кај Момин поток којашто треба да почнеме да ја градиме во текот на јули – кажа Шилегов.
👷‍♂️Станува збор за целосно нов булевар со вкупна должина од околу 1.700 метри, ширина од 40 метри, со 6 коловозни ленти, пешачки и велосипедски патеки, средишно и странично зеленило од двете страни и ново улично осветлување, од булевар Словенија до булевар Христијан Тодоровски Карпош. Новиот булевар Босна и Херцеговина заедно со булеварот Словенија ќе ги поврзува Карпош, Бутел, Шуто Оризари и Чаир, а заедно со новиот булевар Христијан Тодоровски Карпош за жителите на овој дел од градот ќе претставува побрз излез до скопската обиколница. Развојот на сообраќајната инфраструктура во северниот дел од градот во голема мера освен што ќе ја унапреди мобилноста на населението во овој дел од градот, ќе значи и создавање на услови за подобрување на работата на локалните бизниси кои функционираат на овој потег.🛣
Градоначалникот Шилегов, исто така, им се заблагодари на жителите на општините Бутел, Чаир и Шуто Оризари за трпението за време на изградбата на булеварот и нагласи дека чекор по чекор Скопје прераснува во град со развиена и одржлива урбана мобилност што подразбира безбеден и ефикасен сообраќај и почиста животна средина. ✅
На настанот, покрај градоначалникот Шилегов беа присутни и Фатмир Битиќи вицепремиер за економски прашања во владата на РСМ, градоначалниците Висар Ганиу на Општина Чаир и Велимир Смилевски на Општина Бутел, претседателката на Советот на Град Скопје Љубица Јанчева и советници во Советот на Градот.
Вицепремиер за економски прашања во владата на РСМ, Фатмир Битиќи, изјави дека ова е многу важна и фреквентна сообраќајница која поврзува четири општини, односно Чаир, Бутел, Карпош и Шуто Оризари и дека ова ќе им го олесни животот на нивните граѓани.











https://www.facebook.com/CityofSkopje/

Originally posted by Џоле А бе, нели имаше нишка за овој булевар? Или и таа се изгуби?

За овој булевар мислам дека немавме нишка,доста од вестите поврзани со него биле постирани во општава нишка Скопски сообраќај.

Ova e edna od poslidnite rekonstrukicii ako sporedime pred i potoa. Se nadevam deka ke potegnat cekori kon izgradba na Bulevarot Hrvtska koj treba da go kompletira zapadniot del od vnatresnata obikolnica. Odnosno da gi spoi Kiro Gligorov so Bosna i Herzegovina.

Реконструкција на пристапната улица кај Билната аптека

Општина Центар ги информира граѓаните и сите учесници во сообраќајот дека во понеделник, 31 мај, ќе започне втората фаза од проектот за реконструкција на коловозните и на пешачките патеки на кракот на улицата „11 Октомври“.

Со претходно изведените градежни активности се уредуваше долниот строј и беше направена демонтажа на старите рабници и постојните бехатон елементи, а во втората фаза ќе биде поставена нова асфалтна површина, нови рабници и нови тротоари на пристапната улица кај Билна аптека и кај паркинг-просторот околу зградите.
Проектот опфаќа реконструкција на површина од 2.000 квадратни метри, а планирани се 2.212.477 денари од Буџетот на Општина Центар за 2021 година.

Поради изведбата на градежните активности целосно ќе бидат затворени пристапната улица кај Билна аптека и кај двете резидентни паркиралишта во периодот од 7 до 16 часот.

Апелираме до граѓаните и до сите учесници во сообраќајот да бидат внимателни поради изведбата на градежните активности.

https://nezavisen.mk/rekonstrukcija-na-pristapnata-ulica-kaj-bilnata-apteka/

Партизанска од сабајле во 8:30 носат некој што е очигледно некоја „фаца“ секој ден и ги гасат сите семафори. Буквално треба да застанеш на коловоз за да застане некој и тоа истото да го повториш на секоја лента, зашто еден да застане на една лента не е услов дека другиот од следната нема да те прегази.

Зошто на цела Партизанска наредија семафори на пешачките само од СитиМол накај Ѓорче не?