Метробус Скопје (Bus rapid transit / BRT)

Во август ќе се распише тендерот за изградба на првата БРТ линија од Ново Лисиче до Ѓорче Петров

Меѓународниот тендер за изведба на првата БРТ линија во Скопје од Ново Лисиче до Ѓорче Петров ќе биде распишан во текот на август годинава, изјави градоначалникот Петре Шилегов на денешната презентација на системот за брз автобуски превоз во Скопје што се одржа во хотелот Хилтон.

Тендерската постапка ќе се состои од две фази, при што најпрво ќе следи претквалификациската фаза во која сите заинтересирани компании и конзорциуми ќе можат со апликација да го искажат својот интерес за учество во тендерот. По ова, ќе се изврши селекција на поднесените апликации и оние компании кои ќе влезат во втората квалификациска фаза, ќе достават тендерски понуди од кои ќе се избере најповолниот изведувач.

Градоначалникот денеска рече дека очекува во март 2022 година да се започне со имплементација на првата БРТ линија, додека една година потоа, таа да биде ставена во функција за граѓаните. Проектот опфаќа изведба на посебна траса која би се движела по средината на булеварите низ општините Аеродром, Центар, Карпош и Ѓорче Петров, со должина од 12,81 километри и 21 автобуска постојка.

Професорот од Техничкиот факултет од Битола, Никола Крстаноски денеска презентираше детали од проектот, објаснувајќи дека долж најголем дел од трасата ќе бидат засадени дрвореди, кои ќе ја одвојуваат трасата за БРТ од постојните коловозни ленти за возилата. Исто така, централното градско подрачје кај Рекорд ќе прерасне во пешачка зона, каде ќе им биде овозможено да се движат единствено на возилата за јавен превоз.

Градоначалникот Шилегов објасни дека дигиталната платформа на Смарт Сити во Скопје го опфаќа и системот за управување на сообраќај. Тој рече дека станува збор за целосна дигитализација на сигнализацијата за пропуштање на различни видови на сообраќај на улиците во Скопје, давајќи им предност на БРТ возилата. Во рамките на проектот, 7 милиони евра се посветени на дигитализацијата и сигнализацијата, што е проект којшто досега не е виден во земјава.

Професорот Крстаноски објасни дека самите автобуски станици на кои ќе застануваат БРТ возилата ќе бидат од затворен тип, што значи дека граѓаните ќе треба да го валидираат билетот пред да влезат на станицата, со што ќе се забрза времето за влез и излез на патниците од автобусите.

Градоначалникот Петре Шилегов пак рече дека цената на билетот досега не е утврдена, но се работи на дополнителна документација по ова прашање, која ќе овозможи воведување на билети што ќе им бидат достапни на патниците за да патуваат од и до било која локација во Скопје, користејќи ги не само БРТ линиите, туку и можноста за трансфер со другите автобуски линии во Скопје.

Шилегов додаде дека по завршувањето на двете фази од проектот за воведување на брз автобуски превоз во Скопје, ЈСП-Скопје нема да има потреба од субвенции од Градот Скопје, коишто секоја година ги добива во моментов.

Во однос на втората БРТ линија од Железничката станица Скопје Север до населбата Пинтија кај Стаклара, градоначалникот спомена дека во моментов се изработува студија за неа, при што рече дека очекува во 2024 година да започне имплементацијата на оваа линија. Тој додаде дека проширувањето на булеварот Цветан Димов во општина Чаир претставува подготовка на Градот Скопје за реализација на оваа БРТ линија. Втората БРТ линија е со планирана должина од 10,4 километри и со 20 автобуски постојки. Двете БРТ линии ќе се преклопуваат во Центар.

Проектираната вредност за овие две рути е околу 70 милиони евра, што подразбира и набавка на возилата. На денешната презентација на проектот присуствуваше и помошник директорот на Европската банка за обнова и развој (ЕБОР) од Лондон,
Ијан Џенингс, од каде што е подигнат и заемот за проектот.

Тој рече дека ЕБОР секоја година вложува 250 милиони евра во развој на градски
транспортни системи.

„ЕБОР и Град Скопје веќе соработуваа при набавката на 33 нови МАН автобуси на гас, изработката на акцискиот план за зелен град, како и на Студијата за оптимизација на мрежите на линии на автобускиот јавен превоз. Сега се радувам на соработката при воведувањето на БРТ во Скопје кој е еколошки проект, пристапен за сите граѓани. Ваков проект кој ќе го трансформира превозот во Скопје бара голема посветеност и соработка“, рече Џенингс.

https://meta.mk/vo-avgust-kje-se-raspishe-tenderot-za-izgradba-na-prvata-brt-linija-od-novo-lisiche-do-gjorche-petrov/

Zosto se butka proektov po sekoja cena? Ke kolabira partizanska, ke se unisti sredisnoto zelenilo i ke se potrosat mnogu pari. Samo za pusti pari. Zalosno.

Originally posted by fichot Зошто БРТ не може да оди по веќе постоечките трети ленти а зеленилото да не се чепка, т.е. да се чепка кај што ќе треба само за станици и пристап до нив?

Една од причините веројатно е што ова е всушност покомпактно решение. Вака исто така може да се зачуваат повеќе сообраќајни ленти на крстосниците, бидејќи ако БРТ се движи по левите постоечки ленти, не само што се губи таа лента, туку отпаѓаат и проширувањата за вртење лево таму кадешто ги има. Еве на пример со презентираново решение на бул. Јане Сандански си остануваат по четири ленти на вкрстувањата со бул. Србија и со Васко Карангелески. Инаку ќе имаше максимум три, и тоа под услов да се прават акробации како сотирање на пешачките острови и пренаменување на лентата за десно во лента за право & десно.

Ова со бројот на ленти на крстосниците е клучно за проточноста на булеварите и овозможува поголема флексибилност на режимите на управување со крстосниците и семафорските циклуси (во склоп на БТР проектот фала богу ќе мораме конечно да воведеме паметни системи за управување со крстосници).

За жал со ваква централно поставена траса ќе настрада многу повеќе зеленило, од тоа нема бегање. Добрата вест е што сепак бруто просторот за зеленило останува отприлика ист, па доколку веднаш се насадат дрва (а и да се пресадат што повеќе од постоечките), среднорочно можеме да бидеме и во нето добивка

Originally posted by fichot Депото мора ли на таа локација да се прави кога веќе има парк таму? Зошто не на празниот простор од карши? Јасно ми е дека паркот е популистички потег и дека депото е таму зацртано од порано, ама нов ГУП ќе се прави догодина па може да се внесат промени. Дури мислам може и мостот да го изведат па да го стават депото од другата страна кај Вардариште.

Сум го размислувал истото во врска со депото - кога веќе е направен паркот на просторот за депо, дали може да се направи рокада со просторот карши кадешто всушност е планиран парк. Можеби проблемот е носивоста на тоа земјиште, бидејќи натака е мочурлива вдлабнатина што треба да се пополни со некаков материјал. Што тоа значи од градежен аспект не знам, ова со носивоста на земјиштето ми е само претпоставка.

Ова што го кажуваш за мост и депо кај Вардариште звучи многу подобро во секој случај.


Edited by Cloverstack - 11-Jul-2021 at 01:21

Јас баш мислам дека овој фикција-ефикасен јавен превоз ќе го колабира градот. Од главна артерија ќе остане само една лента(по другата има секогаш паркирани и достава и по некој само за кратко сум) и ќе има колони и гужви по целата траса во секое време, загадување, свирење и нервози. Да не збориме дека веќе има убаво зеленило и дрва по 15 метри во средишниот дел, што не може да се пресадат.
А исто така со оглед на способноста што се покажа до сега од секоја власт изградбата може да трае засекогаш.
Докажавме во текот на годините дека секогаш можеме полошо, ама мислам дека ова ќе го парализира Скопје.

Edited by Urbanista - 11-Jul-2021 at 09:29

Кога ќе видам колку контроверзи предизвика проектов, а знаеме сите дека трамвај/ЛРТ е компромис да не правиме метро, а ова пак е компромис врху компромисот со автобуси по одвоена лента. Кога ќе размислам, можда и подобро да пропадне идејата до некое друго време кога ќе бидеме финаниски постабилни да правиме метро линија исток-запад и тунел под плоштад. А средтсвата од задолжување можат во согласност со банката и владата да се пренаменат, како и многу пати до сега.

Originally posted by Urbanista Јас баш мислам дека овој фикција-ефикасен јавен превоз ќе го колабира градот. Од главна артерија ќе остане само една лента(по другата има секогаш паркирани и достава и по некој само за кратко сум) и ќе има колони и гужви по целата траса во секое време, загадување, свирење и нервози.

Знаеш што е фикција? Фикција е дека Партизанска сега имала 3 ленти. Всушност нема ни 2 ленти целосно посветени на автомобилски сообраќај, затоа што градските автобуси од тие 30 линии што сега поминуваат по Партизанска (а со БРТ не би поминувале), мора да ги заобиколуваат паркираните возила и така ја компромитираат проточноста и на втората лента.

А ако ти мислиш дека не може да се реши проблемот со паркирањето на коловоз, дури ни на булеварите опфатени со БРТ линиите, и дека е најдобро да си тераме вака како досега, тогаш најдобро воопшто да не се замараме и да ставиме клуч на државата.

Originally posted by Urbanista Да не збориме дека веќе има убаво зеленило и дрва по 15 метри во средишниот дел, што не може да се пресадат.

Ај сепак да збориме. Кои се тие дрвја од по 15 метри во средишниот дел? Може да посочиш фотографија од барем едно такво дрво?

Кој не спречува да ги уживаме и сега некои плодови на БРТ-то што ни се обеќаваат во иднина?? На пример ја расчистиме третата лента возила, или да воведеме три пати повеќе погуст возен ред и на постоечките ЈСП линии! Амааа неее, кога ќе дошло БРТ ќе било вака, ќе било онака. Нема ништо да биде! И подобро што нема да биде! Половински решенија не ни требаат, и тоа половински веќе од еднаш половина ускратена. Скопје е метропола милионска скоро и му требаат метрополски решенија, а не импровизации како за некој остров некаде што неможе ради влага да ископа метро надоле или па како за треторазредни градови, спални соби по европа. Само метро и ништо друго !!!

Edited by user8642 - 11-Jul-2021 at 13:07

Originally posted by user8642 а знаеме сите дека трамвај/ЛРТ е компромис да не правиме метро

Дали некогаш метро било во план, за потоа да сме направиле таков „компромис“? Не. Нема ниту еден официјален плански документ за Скопје кадешто била макар начната идеја за метро. Метро не само што никогаш не било во план, туку никогаш не било неопходно, ниту пак сме биле подготвени за реализација на таков проект. Тоа е реалноста. Метро може да биде само муабет чиј најдалечен дострел би бил злоупотреба од политичките елити за одвлекување на вниманието и одложување на реализацијате на реално решение.

Те сметам за рационален соговорник и се чудам како можеш метрото воопшто да го вметнуваш во рационална дискусија.

Поентата е да добиеме систем што ќе движи многу луѓе, и тоа ќе го прави брзо, ефикасно и ефтино. Толку. Не е поентата да си го мериме со никого.

Кои се твоите конкретни забелешки зошто БРТ системот ваков каков што е презентиран не би можел да ги движи тие многу луѓе брзо, ефикасно и ефтино?

Originally posted by user8642 можда и подобро да пропадне идејата до некое друго време кога ќе бидеме финаниски постабилни да правиме метро линија исток-запад и тунел под плоштад.

Ова ме потсети на една токму твоја добра поента од дискусијата за парцелата карши Холидеј Ин:
http://www.build.mk/forum/forum_posts.asp?TID=3891&PID=254033#254033

И всушност, како да стигнеме до точка кадешто ќе бидеме финансиски постабилни за да сме граделе метро, со одржување на постојното затуцано статус-кво? Со реализација на БРТ имаме шанса да направиме огромен економски исчекор. Ако БРТ отстрани макар скромни 10.000 возила дневно од сообраќај, и ако од тоа ги земеме само најдиректните заштеди (увоз на возила, увоз на нафтени деривати, увоз на делови и продукти за сервисирање), тоа во период од 15-20 години станува вртоглава сума и фантастична економска придобивка. Ако за 15-20 треба да градиме метро или хиперлуп или што и да биде технологијата тогаш, економска основа поставуваме со БРТ, а не со статус-кво.

А впрочем, тунелот под плоштад и неговото интегрирање со БРТ мрежата може да се направи и дополнително. Реализацијата на БРТ воопшто не е пречка за изградба на тунелот.



Edited by Cloverstack - 11-Jul-2021 at 14:11

Абе и јас сакам како и сите брзо, ефикасно и ефтино. Ама БРТ не е тоа! Едноствано, за жал, не е! И плус гледајте која огромна штета ја прави наоколу, по проточноста на булеварите, по зеленило, по безбедност.

Тоа што Скопје официјално плански немало метро не е аргумент и не значи дека не треба да почне да има. Па ни БРТ до пред некој месец го немаше зацртано плански. Кога може Солун или Софија или Белград да размилсува за оваа опција, можеме и ние. И не е заради мерење патлак со соседите. Стварно не мислам дека ни треба метро заради тоа, него единствено заради тоа што само метро е брзо и ефикасно. А дали е ефтино, би потпишал со 4 раце + нозе ако треба да се задолжи државава за линија Ново Лисиче - Ѓорче.

И тоа топтан двокатен тунел да се направи наеднаш НБРМ-Соборна, горе 3+3 ленти булевар, доле 1+1 железница. И понатаму постепено да се закопува под Партизанска и Јане Сандански. Ова е нешто најбитно во Скопје и за него вреди и да се задолжиме до небо.

БРТ е само вака еве за сеење магла пред избори.

Originally posted by stef4o Кај Транспортен ќе биде потешко ќе мора да оди по третата лента бидејќи на средина има столбови но сепак е краток сегмент.

Не гледам зошто би морало? Столбовите ќе бидат помеѓу двете ленти на БРТ-то, а останатите две коловозни ленти од секоја страна или ќе се стеснат, или тротоарите ќе се потстеснат (кои и онака се огромни).