Скопски сообраќај (општо)

Паралелно со изведбата на овие две канализациони мрежи, во првата фаза ќе извршиме и замена и освежување на коловозот од клучката Дијамант до раскрсницата на Перо Наков, значи на две раскрсници, а по завршувањето на работата на канализацијата ќе извршиме и реновирање на дел од асфалтот на булеварот се до мостот Близнаци. Оваа инвестиција Градот ќе го чини околу 110 милиони денари – кажа Шилегов.

Значи прво накај Дијамант, па после накај Близнаци. Ова „дел од асфалтот“ не звучи добро. Треба комплет коловоз (од Автокоманда до Окта на бул. Србија) со тротоари, велосипедски и зеленило.

Денес завршуваме со градежните активности на улицата „Светиниколска“ во Маџир Маало.
По повеќе од 20 години ги рехабилитиравме асфалтните коловозни површини и жителите за првпат ќе добијат реконструирана улица и нови инфраструктурни услови.







https://www.facebook.com/photo/?fbid=379337367106484&set=pcb.379337543773133

РЕКОНСТРУКЦИЈА НА ПОВЕЌЕ УЛИЦИ ВО КАРПОШ

Во тек се подготвителните активности за реконструкција на улицата „Париска“ во Тафталиџе 1 и улицата „Иван Аговски“ во Карпош 1. На овие сообраќајници е воспоставен времен сообраќаен режим, со посебна вертикална сигнализација (сообраќајни знаци), а во одредени моменти сообраќајот е регулиран и рачно (со знаменца).
Деновиве се одвива гребење на стариот и оштетен коловоз (асфалт) и од таа причина, ги замолуваме сите граѓани да не ги паркираат своите возила во должина на овие улици.
Станува збор за сообраќајници кои се лоцирани меѓу повеќе објекти за домување, каде што фреквенцијата на луѓе е поголема, но со реконструкциите ќе се придонесе кон подобри и побезбедни услови за движење на сите учесници во сообраќајот.
Градежната сезона ќе продолжи и со реконструкција на улиците „Гиго Михајловски“ во Карпош 1, како и „Шекспирова“ и „Мирка Гинова“ во Карпош 2.
Исто така, претстои обнова и на плочникот во Порта Влае, каде што ќе се заменат старите и дотраени плочки со нови, а ќе биде поставена и нова хидроизолација.
На сите граѓани им благодариме на разбирањето и трпението додека се одвиваат теренските градежни активности.







https://www.facebook.com/OpstinaKarpos

Започнува реконструкцијата на улицата „Народен Фронт“





Од денеска, започнува комплетната реконструкција на улицата „Народен Фронт“ во Општина Центар.
Со реконструкцијата целосно ќе се уреди коловозната конструкција на површина од 11.542 метри квадратни, а ќе бидат опфатени и трите краци на улицата кои минуваат помеѓу зградите.

По целата должина на улицата „Народен Фронт“ ќе се реконструираат и подигнатите пешачки платоа за смирување на сообраќајот и ќе биде поставено ново енергетски ефикасно ЛЕД-осветлување. Реконструкцијата ќе опфати и обнова на тротоарите, а ќе се воведе и резидентно паркирање за сите станари.



Општина Центар апелира до граѓаните да бидат внимателни при движењето и одвивањето на сообраќајот во периодот додека траат градежните активности.

https://nezavisen.mk/zapochnuva-rekonstrukcijata-na-ulicata-naroden-front/

„Жикол“ ќе гради три раскрсници во Скопје за речиси 19 милиони евра

Градежното претпријатие „Жикол“ го доби договорот од Град Скопје за изградба на три раскрсници во вредност од 1.138.612.544 за изградба на три раскрсници.

Раскрсниците ќе се градат помеѓу булеварите „8 Септември“ и „Никола Карев“, помеѓу „Никола Карев“ и улицата „Словенечка“, како и помеѓу „6 Септември“ и улица „Скупи“.

Според договорот, изградбата треба да заврши за 30 месеци. Во суматат најголемо учество има изградбата на мостови, надпатници, подземни премини, потпорни ѕидови и рушењето на постоечките мостови, кое ќе чини 531 милиони денари.

Договорот е објавен на електронскиот регистар на јавни набавки.

https://www.faktor.mk/zikol-kje-gradi-tri-raskrsnici-vo-skopje-za-rechisi-19-milioni-evra?fbclid=IwAR3Ff7rLXz26qCzNiVuWluISIsefQN5lIUt7uCmBCJAd4n2-D6OpQZdBPhA

Originally posted by stef4o ПОЧНА РЕКОНСТРУКЦИЈАТА НА БУЛЕВАРОТ КИРО ГЛИГОРОВ ВО ГАЗИ БАБА Градоначалникот Шилегов денеска одржа прес- конференција на булеварот Киро Глигоров каде што почнаа градежните работи за негова реконструкција на потегот од мостот Близнак до крстосница со улица Перо Наков. - Градот Скопје денеска во Општина Гази Баба решава еден од никогаш нерешените проблеми, односно за конечно да се развива општината по булеварот Киро Глигоров се поставува фекална канализација, што ќе биде првата канализација што директно ќе се влева во колекторскиот систем. Канализацијата ќе биде со должина од над еден километар, односно од овој потег овде каде што се наоѓаме, па се до Естекадата кај Автокоманда од едната страна, а од другара страна ќе работиме на атмосферска канализација на истиот потег, со што целосно ќе се реши проблемот кој е повеќедецениски со непостоење на атмосферска и фекална канализација на овој дел којшто е сериозно индустриски развиен дел во нашиот град. Со ова, всушност, ќе овозможиме непречен развој на самата општина и во индустрискиот дел, меѓутоа и во станбениот дел којшто интензивно се развива во овој период. Паралелно со изведбата на овие две канализациони мрежи, во првата фаза ќе извршиме и замена и освежување на коловозот од клучката Дијамант до раскрсницата на Перо Наков, значи на две раскрсници, а по завршувањето на работата на канализацијата ќе извршиме и реновирање на дел од асфалтот на булеварот се до мостот Близнаци. Оваа инвестиција Градот ќе го чини околу 110 милиони денари – кажа Шилегов.     Тој додаде дека станува збор за активности коишто ќе се изведуваат во фази и дека првиот дел со замена на асфалтот ќе биде готов за помалку од еден месец, а остатокот од канализацијата со реконструкцијата на асфалтот би требало да се заврши за неколку месеци. - Град Скопје во соработка со Општина Гази Баба подготвува документација и веќе сме во фаза на финиширање, за почеток на постапката за реконструкција на улицата Перо Наков, улица која откако е направена не е реновирана. Ние како Град се обидуваме полека чекор по чекор рамномерно во сите делови на градот да придонесеме за развој на инфраструктурата и за подобрување на условите за урбаното живеење во нашиот град - рече Шилегов. На почетокот на градежните работи за реконструкција на булеварот Киро Глигоров присуствуваа градоначалникот на Општина Гази Баба, Борис Георгиевски, и претседателката на Советот на Град Скопје, Љубица Јанчева. https://www.facebook.com/CityofSkopje/

Моментално поминав низ булеваот и р од работник нема. Нека не ве лаже шилежето... Само уште едно лажно предизборно ветување

Градежните активности на улицата „Народен Фронт“ во населбата Капиштец продолжуваат и во овие летни денови.
Реконструкцијата целосно го опфаќа коловозот, на површина од 11.542 метри квадратни, а ќе се реконструираат и трите краци на улицата кои минуваат помеѓу зградите. И на оваа улица ќе се постават подигнати пешачки платоа за смирување на сообраќајот, енеретски ефикасно ЛЕД улично осветлување и ќе се воведе резидентно паркирање за станарите.







https://www.facebook.com/sasha.bogdanovikj

Дали стварно некој со здрав разум мисли дека ќе се урива салата?

И преку споредните улички се вози пребрзо



ПРОДОЛЖУВА БРЗОТО ВОЗЕЊЕ ВО СКОПСКАТА НАСЕЛБА ЖЕЛЕЗАРА

Откако пред околу еден месец на улицата Коце Металец во скопската населба Железара згасна животот на млада мајка, која беше прегазена на пешачки премин, а нејзините сожители излегоа на протести за да го искажат својот револт поради сообраќајното дивеење на оваа улица, но и за да побараат од градските и локалните власти и од сообраќајната полиција конкретни мерки за да се спречат ваквите катастрофи во оваа населба, барањата конечно им беа реализирани. На оваа сообраќајница се постави опрема за намалување на брзината во сообраќајот, а присуството на сообраќајната полиција може да се забележи секојдневно.

КАКО ДА СЕ РЕШАТ ПРОБЛЕМИТЕ СО СООБРАЌАЈНОТО ДИВЕЕЊЕ

И покрај тоа што се реализира и исполни голем дел од барањата на жителите на населбата Железара, сега сообраќајниот хаос се префрли на паралелната улица, позната како Гемиџиска. На оваа сообраќајница, која минува помеѓу голем број куќи, сѐ уште нема лежечки полицајци, па возачите, сакајќи да ги избегнат оние што се поставени на улицата Коце Металец, сега ја користат оваа улица за побрзо да го поминат овој потег од градот.
Жителите се гневни поради ваквата ситуација. Велат дека и тука итно мора да се постават лежечки полицајци, затоа што возачите буквално дивеењето го префрлиле на оваа улица.
– Бидејќи сега на горната и главна улица во Железара има многу лежечки полицајци, возачите сѐ почесто ја користат нашава улица за да „прелетаат“ и побрзо да стигнат до саканата дестинација. Општината мора итно и тука да постави лежечки полицајци, затоа што навистина возат брзо и бесно – вели Перо М., жител на оваа населба.
Тој вели дека оваа населба е преполна со дечиња што играат и трчаат и вели дека мора да се најде начин првенствено за да се заштитат токму тие, но и сите други жители на населбата.
– Не можеме секојдневно да ги посетуваме игралиштата, па нашите деца играат тука, пред куќите каде што живеат. Така растевме и ние, игравме топка на улица, а возилата што доаѓаа не возеа брзо, па дури и имаа трпение да нѐ почекаат додека да се тргнеме од улицата. Сега е хаос. Мора ние возрасните да изигруваме редари, да ги стопираме возилата, да трчаме по децата за да ги тргнеме од улица. Навистина е лудница – вели тој.

ЖИТЕЛИТЕ СТОЈАТ НА УЛИЦА И ПАТРОЛИРААТ

Во обид да провериме дали навистина е така, екипа на „Нова Македонија“ неколку дена беше на терен на двете улици во оваа населба, за да ја утврдиме фактичката состојба и да провериме дали навистина ситуацијата е толку загрижувачка како што тврдат жителите.
И навистина, како што минуваше времето, така стануваше јасно дека ситуацијата е уште полоша од претходно.
На главната улица Коце Металец возилата се обидуваат да ги заобиколат лежечките полицајци на самата автобуска постојка, каде што коловозот е поширок од вообичаено.
Паралелно со оваа улица, на улицата Гемиџиска, додека минувавме со автомобил, почна да алармира еден повозрасен вознемирен човек, кој за момент помисли дека сме некои други што возеле пребрзо на оваа улица.
Кога објаснивме кои сме, човекот вознемирено ни раскажа дека мора да стои среде улица затоа што има возачи што возат и до 100 километри на час.
– Ова не е нормално. Хаосот од горната улица сега ни се префрли тука пред врата. Имаме внучиња и мали деца, кои лесно може да настрадаат поради таквото несовесно однесување на поединци – ни раскажа жителот.
И навистина, сега оваа сообраќајница се користи за побрзо возење, бидејќи таа нема никаква опрема за да намалување на брзината во сообраќајот, а е доста атрактивна за „прелетување“, бидејќи коловозот е рамен и таа е доста пространа и широка. Само додека ние бевме на оваа локација забележавме повеќе од десет возила што, и покрај дозволените 30-40 километри на час, возеа двојно побрзо.

ЌЕ СЕ ПОСТАВУВА ДОПОЛНИТЕЛНА ОПРЕМА ЗА НАМАЛУВАЊЕ НА БРЗИНАТА ВО СООБРАЌАЈОТ

Градските, локалните и полициските власти веќе презедоа голем број мерки за регулирање на проблемот со сообраќајното дивеење во Железара. Зголемен е бројот на лежечки полицајци, пред кои возачите мораат да ја намалат брзината и, наместо гас, да притиснат кочница.
Од Општина Гази Баба велат дека и на оваа улица ќе се постават лежечки полицајци за да се спречат сообраќајни инциденти.
– Лежечки полицајци се предвидени и за улицата Гемиџиска, конкретно на делот кај ролетарот Војо, каде што доаѓа пешачката патека пред влезот за детската градинка „Калинка“ и сервисниот влез за ООУ „Григор Прличев“. Освен улицата Коце Металец, во населбата Железара е предвидена и поставена опрема за намалување на брзината во сообраќајот и на улицата Душан Тасковиќ, Филип Филиповиќ, Рударска и Гемиџиска – информираат локалните власти.

https://www.novamakedonija.com.mk/makedonija/skopje/и-преку-споредните-улички-се-вози-преб/

ЗАПОЧНА РЕКОНСТРУКЦИЈАТА НА УЛ. „ШЕКСПИРОВА“ ВО КАРПОШ 2

Општина Карпош започна со реконструкција на улицата „Шекспирова“ во населбата Карпош 2. Во тек е ископ на постоечката оштетена подлога, а за непречено одвивање на изведбените работи, воспоставен е и нов сообраќаен режим.
Поставена е нова сообраќајна сигнализација (знаци), со цел полесно и побезбедно одвивање на сообраќајот додека траат инфраструктурните активности.
Претстои реконструкција на 260 метри од улицата, при што ќе се обноват и рабниците, како и пешачките зони – тротоарите.
Општина Карпош интензивно работи на подобрување на инфраструктурата во сите населби. Заврши реконструкцијата на улицата „Мирка Гинова“ во Карпош 1, а деновиве претстои асфалтирање и на ул. „Париска“ во Тафталиџе, како и на „Иван Аговски“ (Карпош 1).
Им благодариме на сите граѓани кои ги почитуваат новите сообраќајни режими по сервисните улици.







https://www.facebook.com/OpstinaKarpos/