Урбанистички планови и парцели (општо)

За една година во Скопје треба да се изградат илјадници станови, деловни простори, комплекси... никаде нема паркови, игралишта...



Од она што можевме досега да го пресметаме во наредните година-две во Скопје веќе е зацртано дека треба да се изградат илјадници станови, деловни простории, комплекси… кои само ги пополнуваат празните неизградени простори во главниот град. Новата локална власт, и покрај бројните ветувања за зелени површини, за спортски игралишта, градинки, велосипедски патеки, за зелено Скопје… очигледно е дека ќе мораат само да го аминуваат она што е веќе зацртано. А цртано е многу…

Ако почнеме од Сарај, таму е веќе почната изградбата новиот станбено деловен комплекс Планет, на кој на досега неизградени 85.310 квадрати (кои, патем се продадени за 71 денар по квадрат или за 98.488 евра) ќе никнат 142 вили. Езерото Треска актуелниот градоначалник Петре Шилегов не им го врати на Скопјани, ама затоа таму планирано е да се градат исто така хотели и други придружни објекти.

Во Општина Карпош, на земјиштето на поранешната фабрика Алумина, на површина од околу 42.000 метри квадратни ќе се градат станбени згради и деловен простор. Општина Карпош ветува дека нема да се дозволи неконтролирана градежна експанзија, туку напротив, ќе доминира зеленилото. Инвестиција се проценува на околу 150 милиони евра

Дека зеленилото нема да доминира пред СЦ „Борис Трајковски“ е јасно со ДУП-от според кој дел од терасата и тениските терени од центарот ќе ги нема затоа што тука треба да се пробие сервисна улица за новите згради на просторот пред базенот и спортската сала. И тука нов станбено-деловен комплекс.

Во Карпош има уште. Козле. На површина од околу 150.000 метри квадратни ќе никне нова населба во зелениот појас на падините на Водно, над Институтот за белодробни заболувања. Ова се предвидува со новиот Детален урбанистички план Ј 04 Козле, кој ги поминал сите фази и се чека на усвојување од Советот на Општина Карпош. Планот предвидува над Институтот за белодробни заболување, да се градат куќи со дозволена катност од приземје, два ката плус поткровје.

Одиме во Центар. Земјиштето на поранешната фабрика за мебел „Треска“ беше (или е) голема шанса за општинските власти да покажат еден поинаков пристап, нов пристап за развојот на градот, да се покаже дека може и поинаку. Но, и тука интересот на градежниците и градоначалниците не се совпаѓа со оној на жителите.

Зборуваме за простор од околу 63.000 квадратни метри на кои, според последниот Детален урбанистички план од 2012 година треба да никнат 30 згради или на овој простор ќе траба да живеат 3.000 нови жители.

За градбите на паркингот пред хотелот „Холидеј ин“ сѐ е завршено. Некаде октомври треба да почне изградбата на три нови згради од кои највисоката ќе биде со 25 ката и нов деловен центар – 400 нови станови, нови 1.200 жители. Деловната зграда, пак, ќе има приземје и 16 ката. Во рамките на парцелата е предвидено зеленило на 6.520 метри квадратни.

„На централното подрачје на Скопје му е потребна длабока анализа и визија за неговиот развој, ширење и иднина. Изреката „без добар урбанизам, нема добра архитектура“ никогаш не била поважна од сега. Скопје заслужува добар урбанизам и добра архитектура“. Ова го бараа граѓанските организации за тоа како треба да се развива Општина Центар.

Општина Кисела Вода. Населба Расадник. 100 нови згради за нови 20.000 жители. Од овој план актуелниот градоначалник Филип Темелковски и кандидат за нов мандат не се откажува и покрај бројните реакции на жителите на оваа општина.

Општинската администрација на Гази Баба на чело со градоначалникот Борис Георгиевски не се откажува од идејата за вцртување за Детален урбанистички план во Железара, со цел да може таму да се развие тешко загадувачка индустрија.

Да не го заборавиме и бившиот Скопски саем – таму во октомври ќе биде отворен новиот трговски центар Ист гејт, а веднаш потоа почнува изградбата на 100.000 м2 деловен простор и 200.000 м2 станбен простор или 1.600 станбени единици.

Повеќе од сигурно е дека има уште.

https://www.mkd.mk/makedonija/skopje/za-edna-godina-vo-skopje-treba-da-se-izgradat-iljadnici-stanovi-delovni-prostori

Незнам дали нешто е сменето во деталниот план за овој дел ама објективе под Кале се тотално запуштени и руинирани.
од твитер

Затоа и постирав тука мислев да не има веќе вцртано некаква маркичка за овој потег со намена Б4,Б5 или евентуално А2?
Многу долг период стои вака запуштен просторот.

Edited by stef4o - 26-Oct-2021 at 17:27

Ова не треба да се руши зошто му е потребен ваков објект на Скопје, а не поради носталгија а најмалку за да се изградат кутии овде.

А не може самиот град да стопанисува со лизгалиште?

Лизгалиште има, се наоѓа веднаш до спортската сала Борис Трајковски. Мало е, ама си работи кога му е сезона.

Летни базени исто така има, но се во приватна сопственост. Затоа и не ги знаете повеќето.

Originally posted by Џоле Лизгалиште има, се наоѓа веднаш до спортската сала Борис Трајковски. Мало е, ама си работи кога му е сезона. Летни базени исто така има, но се во приватна сопственост. Затоа и не ги знаете повеќето.

Jas zboruvam za lizgaliste od zatvoren tip za profesionalci.

Originally posted by ehrlich Подобро рушевина отколку плац за профит на кичести станбени згради.

зошто секогаш да одбираме едно од две зла? ќе профункционира нешто некогаш?
објектов со години наназад не се ни користи како лизгалиште, во последните негови години се вадеше како така на концерти, и тоа е отприлика се

ЌЕ НАПРАВAM ЈАВНА ПРЕЗЕНТАЦИЈА НА СИТЕ ДЕТАЛНИ ПЛАНОВИ КОИ ВО МОМЕНТОВ СЕ РАБОТАТ, НАЈАВУВА ГРАДОНАЧАЛНИКОТ НА КАРПОШ ЈАКИМОВСКИ

Градоначалникот на Општина Карпош Стевчо Јакимовски најавува дека пред граѓаните и јавноста ќе ги презентира сите Детални урбанистички планови кои во моментов се работат. Јакимовски на својот фејсбук профил денеска објави дека во општината ќе се работи само транспарентно во целиот негов мандат.

„Денеска побарав од планерските куќи јавна презентација на урбанистичките планови за Карпош. Остварив средба со сите претставници на планерските куќи кои во моментот изработуваат урбанистички планови за Општина Карпош. На средбата побарав од нив да подготват комплетни презентации на сите планови без разлика во која фаза на изработка се во моментот и истите да бидат ставени на увид пред Советот на Општината и пред јавноста“, вели Јакимовски.

Јакимовски вчера најави дека наредната година ќе почне и довршување на општинската зграда, која четири години откако на негово место дојде Стефан Богоев, стои недовршена.

https://sdk.mk/index.php/dopisna-mrezha/ke-napravam-javna-prezentatsija-na-site-detalni-planovi-koi-vo-momentov-se-rabotat-najavuva-gradonachalnikot-na-karposh-jakimovski/

Исто така на денешната седница советот донесе одлука за укинување на две градежни маркици на потегот помеѓу Перла Бјанка и Маркет ЗУР и наместо колективни згради ќе се предвиди парковско зеленило. Со овие одлуки Општина Аеродром јасно става на знаење дека потребите и мислењето на граѓаните се и наш приоритет и дека со нас како локална власт имаат партнер во решавање на сите проблеми.



https://www.facebook.com/TimcoMucunski