Скопски сообраќај (општо)

До кога под мостот „Гоце Делчев“ ќе тече вода? Толку ли не може некои цевки да стават за испуштање на таа водата од горе и некако естетски да ги заштитат...

Реконструирана улицата „Народен фронт“



Целосно е завршена реконструкцијата на една најфреквентните улици „Народен фронт“ во населбата „Капиштец”. Со тоа граѓаните добиваат нова и безбедна улица, со нови инфраструктурни и сообраќајни услови.



Притоа, целосно е направена реконструкција на коловозот на површина од 11.542 квадратни метри и реконструирани се трите краци помеѓу зградите. Поставено е ново лед-осветлување, а обновени се подигнатите пешачки платоа за смирување на сообраќајот.

https://www.vecer.press/%d1%80%d0%b5%d0%ba%d0%be%d0%bd%d1%81%d1%82%d1%80%d1%83%d0%b8%d1%80%d0%b0%d0%bd%d0%b0-%d1%83%d0%bb%d0%b8%d1%86%d0%b0%d1%82%d0%b0-%d0%bd%d0%b0%d1%80%d0%be%d0%b4%d0%b5%d0%bd-%d1%84%d1%80%d0%be/

Денес започнуваме со асфалтирање на бул. Киро Глигоров на потегот од мостот Близнак до крстосница со ул. Перо Наков. Откако Град Скопје заврши со поставувањето на атмосферска и фекална канализација, денес веќе се финишира и со коловозот во должина на трасата од 682 метри. Рокот за завршување на овој сериозен зафат беше девет месеци до идната пролет, но успеваме да го завршиме многу порано. Сакам ви се заблагодарам за покажаното трпение и разбирање за неопходноста од реконструкциите кои се интензивираат во овој период од годината.







https://www.facebook.com/p.shilegov

Откако завршиме со поставувањето на атмосферска и фекална канализација на бул. Киро Глигоров на потегот од мостот Близнак до крстосница со ул. Перо Наков, денес веќе се става завршниот слој од асфалтот на коловозот.









https://www.facebook.com/p.shilegov

Сообраќајниот хаос во Автокоманда ќе се решава со сообраќајна студија

За времено решение на проблемот со тешките товарни возила, Општина Гази Баба ќе покрене иницијатива пред надлежните институции да се предвиди времен режим на сообраќај за тешките товарни возила од 19 часот попладне до 07 часот наутро, останатиот дел од денот сообраќајот за тешки товарни возила да биде ограничен.

Сообраќајниот хаос и немањето доволно слободни места за паркирање се двата најголеми проблеми со кои во моментов се соочуваат жителите на Автокоманда. Оваа населба важи за главен сообраќаен центар на влезот на главниот град и како последица на тоа, низ тамошните улици, секојдневно транзитираат стотици возила за да стигнат до некоја од останатите општини во главниот град, состојба која дополнително им го нарушува мирното живеење на жителите.

Секојдневно низ оваа населба во Општина Гази Баба транзитираат стотици автомобили, но и тешки товарни возила и автобуси бидејќи, Автокоманда важи за инфраструктурен-сообраќаен центар на влезот на Градот и меѓусебно сообраќајно поврзување на општините Аеродром, Центар, Бутел и Чаир, но тоа допринесува и до целосен колапс на сообраќајот во оваа урбана заедница.

Надлежните од Општина Гази Баба во чии граници се наоѓа оваа населба, велат дека тие како општина работат на решавање на овој проблем со кој секојдневно се соочува локалното население.

-За урбаната заедница Автокоманда општината има изработено во повеќе наврати, а и последната година сообраќајна студија која од аспект на рационално одвивање на сообраќајот е завршена од страна на лиценциран проектант. Доколку истата студија ја одобри и Министерството за внатрешни работи, Секторот за сообраќај, ќе се пристапи кон нејзина полна импементација. За времено решение на проблемот со тешките товарни возила, Општина Гази Баба преку Секторот за комунални дејности и сообраќај ќе покрене иницијатива пред надлежните институции да се предвиди времен режим на сообраќај за тешките товарни возила од 19 часот попладне до 07 часот наутро, останатиот дел од денот сообраќајот за тешки товарни возила предлагаме да биде ограничен – информираат за своите идни активности надлежните од Општина Гази Баба.

Токму поради огромниот број возила кои на дневна основа минуваат низ улиците во Автокоманда, но и како последица на континуираното растење на бројот на жители, локалното население во Автокоманда се соочува и со проблемот на недоволно слободни паркинг места. Поради тоа граѓаните имаат проблем да си ги паркираат возилата во близина на местата каде што живеат или пак работат. Дополнителлен проблем кој се јавува во Автокоманда е и паркирањето по тротоарите и по јавните зелени површини и повторно како последица на огромниот број на возила и немањето доволно слободни паркинг места. Во овој случај, реализирањето на пешачкиот и велосипедскиот сообраќај се одвива со пречки, односно поради тоа што автомобилите се паркирани на тротоар, пешаците, велосипедистите но и дечињата и повозрасните граѓани се принудени наместо на тротоар, да пешачат на коловозот, притоа секојдневно загрозувајќи си ги здравјето и безбедноста.

-Точно е дека урбаната заедница Автокоманда се соочува со голем недостиг на паркинг места. Во наредниот период се планира да преку непосредни средби со граѓаните се утврди план и динамика за решавањето на овој проблем. Постојат повеќе можности за решение, од типот на изградба на монтажни паркинзи кои ќе ги предвидиме во буџетот за 2022 година, изградба на катна гаража како и воспоставување на систем на движење на возила во дел на улиците само во една насока. Сепак начинот и приоритети за решение на овој проблем ќе ги определат граѓаните на Автокоманда а решение за сообраќаниот хаос во Автокоманда ќе има – информираат од Општина Гази Баба.

https://www.slobodenpecat.mk/soobrakjajniot-haos-vo-avtokomanda-kje-se-reshava-so-soobrakjajna-studija/

Многу е просто: пресметуваш отприлика колку возила би биле на одреден квадратен километар или на некоја улица (во однос на тоа колку станови и фирми има) и во урбанистичкиот план правиш план и за тој домен - доволен број паркинг-места. Ова моментално е дива лига!

СКОПЈЕ ПАРАЛИЗИРАНО, СЕМАФОРИТЕ СЕ ИСКЛУЧЕНИ, ЗАГЛАВЕНИ И ВОЗИЛА НА БРЗА ПОМОШ, КОЛИ СТОЈАТ ПО ЕДЕН ЧАС



Сообраќајот во Скопје е парализиран. Веќе три часа цел град е блокиран, семафорите на крстосниците се исклучени, па колите стојат во место. Низ центарот на градот буквално не може да се помине и секаде има колони возила. Крстосниците се заглавени, возилата стојат во едно место по еден час.

Од ЈП „Улици и патишта“, кое е надлежно за работата и одржувањето на крстосниците, велат дека Министерството за внатрешни работи (МВР) пред три часа без никаква најава ги исклучило семафорите и не знаат за што станува збор ниту пак кога пак ќе проработат.

„Знаеме дека цело Скопје е вистински хаос. Не е блокиран само центарот туку гужба има од Карпош до Драчево. Колите не мрдаат, не можат да се пропуштат ниту возила на Брза помош, па со пациенти стојат заглавени во гужвата“, велат од ЈП „Улици и патишта“.

Од МВР велат дека семафорите се исклучени и на секоја крстосница има полиција за да се воведе поголема проточност на возилата во сообраќајот. Од таму велат дека гужви низ центарот на Скопје има постојано во шпицевите, а денеска поради дождот има поголем број возила.

https://sdk.mk/index.php/dopisna-mrezha/skopje-paralizirano-semaforite-se-isklucheni-zaglaveni-i-vozila-na-brza-pomosh-koli-stojat-po-eden-chas/

Originally posted by xnx zamislete da imavme BRT so posebni lenti i po niv da smeese da se dvizat i vozilata na brza pomos i pozarna...

Само замислете! Ќе беа блокирани од паметњаковиќи што влегле у БРТ лентата. Зарем очекуваш нешто поинаку?!

Пак ќе има гужви по булеваров кај Мерцедес сега почнале да ги копаат лентите во правец кон Маџари(од твитер)
Требаше да остават за следно лето кога и онака веќе доцнат и одолговлекуваат ама...