Привремени и напуштени објекти

Фабрика Купром







https://www.facebook.com/KamikazaZaGradonacalnik/videos/1247846812345873

Каде во паркот поточно е ова

Originally posted by Cloverstack Каде во паркот поточно е ова

СНИМКИ ОД ДРОН од пожарот во Градскиот парк, изгореа бараки на Судот за прекршоци



https://www.slobodenpecat.mk/snimki-od-dron-od-pozharot-vo-gradski-park-do-temel-izgorea-barakite-na-sudot-za-prekrshoci/

Некои велат на локацијата се планира станбена зграда а некои велат школо?

-----------------------
Што ќе се гради на местото на вчерашниот пожар?

Во вчерашниот пожар изгореа бараките каде порано беше сместен судот за прекршоци, во близина на градскиот парк во Скопје.

Изгоре документација, која била оставена во бараките, а зафатен е и дел од хотел кој се наоѓа во близина. Нема поврдени, предизвикана е материјална штета.

Од противпожарната бригада рекоа дека имале проблеми со уличните хидранти, поради што морало да се носи вода со цистерни на комунална хигиена.

Градоначалникот Шилегов вчера ги демантираше обвинувањата на социјалните мрежи и на опозицијата дека на местот ќе се гради стамбен објект. Градоначалникот на Центар, Саша Богдановиќ, за Телма денеска рече дека во сегашниот детален урбанистички план не е предвидено да се гради на таа парцелата, кој е под општина Центар.

Според него, таму нема да се гради стамбен објект, туку е предвидено во новиот ДУП да влезе изградба на училиште или градинка.

https://telma.com.mk/2021/10/27/што-ќе-се-гради-на-местото-на-вчерашнио/

Куќи на стравот и ужасот нема само во забавните паркови



ДОТРАЕНИТЕ ОБЈЕКТИ ПРЕТСТАВУВААТ СЕКОЈДНЕВНА ОПАСНОСТ ЗА СКОПЈАНИ

Стари, дотраени и ризични куќи ги демнат жителите на главниот град. Со видливо оштетени столбови и ѕидови, изградени уште пред повеќе од триесетина година, овие објекти не само што го нагрдуваат градот туку претставуваат и општа опасност за сите околни жители и минувачи покрај нив. Освен тоа, вистинска опасност претставуваат и за околните објекти, улици, електрични столбови, атмосферски канализации, бидејќи доколку при посилен ветер, земјотрес или нанос на вода, тие се срушат, ќе предизвикаат хаварија по штета на сите засегнати страни. Таков случај неодамна беше забележан во скопски Центар, во Крњево, каде што дел од стара куќа ја запоседна улицата и турна и оштети струјомери, штета што на ова ладно време ги остави локалните жители без електрична енергија повеќе од три часа.

РИЗИЧНА СТАРА КУЌА ОД НАШЕТО МААЛО

Старите објекти што под забот на времето веќе не се безбедни, најдобро е да бидат срушени, за да не предизвикаат поголеми штети, кои понекогаш може да земат и човечки жртви.
Дека претставуваат сериозна опасност, тврдат и жителите од улицата 164 од скопската населба Крњево, во општината Центар.
На нивната улица за дел од секундата се срушил дел од стара и напуштена куќа, која во таква состојба била со години.
– Куќата стои вака со години. Порано имаше две лица што живееја, но одамна ги нема, а куќата е оставена така. Таа навистина е дури и страшна за гледање и сите знаевме дека кога-тогаш ќе падне, па затоа кога поминуваме на улицата, секогаш тоа го правевме од другата страна, бидејќи нејзиното рушење може да нѐ чини живот. Што се случи со сопствениците не знам, знам дека имаат и роднини што се во косопствеништво во објектот – вели жителка на Крњево, која живее во непосредна близина на оваа куќа.
Дека сликата навистина е застрашувачка се увери и екипата на „Нова Македонија“, бидејќи заминавме на терен за да ја увидиме фактичката состојба на самото место.
Распаднати тули и турната ограда се само дел од она што првично може да се забележи. Урнатини има и на улицата, а дополнително, при малку посилен ветер, се слуша чкрипење што го испушта стариот објект, бидејќи очигледно е дека тој ќе продолжи да се руши како последица на изминатите години, кои оставиле видливи траги по куќата.
– Имаме и мали деца што играат на оваа улица. Навистина е среќа што во тој момент немаше никој покрај куќата и немавме повредени. Како последица на рушењето, ни беа турнати струјомерите, па бевме без струја неколку часа на ова студено време – вели таа.
Сега, како што велат жителите, принудени се со своите возила да ги заобиколуваат паднатите делови од куќата, а кога пешачат покрај неа, мораат да минуваат од спротивната страна. Дополнително, велат дека за да ги заштитат нивните деца мора да ги носат на други места, бидејќи објектот на децата им изгледа примамливо за детски игри и истражување.

ЗА СОПСТВЕНИЦИТЕ ЌЕ СЛЕДУВА СООДВЕТНА ПРИЈАВА

Оваа улица неодамна беше целосно реконструирана од страна на локалната власт, па граѓаните стравуваат дека рушењето на куќата направило и одредена штета на асфалтот.
Од Општина Центар велат дека веќе биле на терен.
– Инспекторите од Секторот за инспекциски работи на Општина Центар се веќе на терен и вршат увид во состојбата на самото место. За случајот, во најкраток рок ќе се подготви записник и по него ќе биде постапено – информираат оттаму.
Од Министерството за внатрешни работи, пак, велат дека настанот бил пријавен во полициската станица во Центар на 24.10.2021 година.
– По излегување на местото на настанот, на улицата 164, во населбата Крњево, извршени се разговори со пријавителот и сопственикот на куќата, кој појаснил дека куќата била напуштена повеќе од 30 години и таа најверојатно се срушила поради дотраеност.
Наедно, по пријава од потрошувачи, на местото на настанот излегле и електромонтери, кои ги санирале орманите и замениле фундаменти и потрошувачите добиле напојување.
Од страна на ЕВН, на 28.10.2021 во полициска станица е доставен записник во врска со настанот, кој евидентира како кривично дело „уништување или оштетување јавни инсталации“, регулирано во членот 291 од Кривичниот законик, по кое се постапува по службена должност, при што се преземаат мерки и активности за негово расчистување, а по неговото целосно документирање ќе следува соодветен поднесок – велат од МВР.

https://www.novamakedonija.com.mk/makedonija/skopje/куќи-на-стравот-и-ужасот-нема-само-во-за/

ТРЕТ ПОЖАР ВО ИСТ СТАН ПОЛН СО ОТПАД ВО ЗГРАДА КАЈ ЖЕЛЕЗНИЧКА СТАНИЦА



Депонија Дрисла во стан - вака го опишуваат станарите од зградата во населбата пролет, станот каде утринава изби пожар. Иако домот му е на само стотина метри од центарот на градот, 60 годишниот Коле Николовски, со години живее како бездомник.

Собира отпад, кој потоа го пали во станот, па е потенцијална опасност и за себе и за станарите. Неговите соседи не сакаа да зборуваат пред камера, но случајот го пријавиле до институциите. Очекуваат конечно некој да се погрижи за состојбата на Николовски, бидејќи не е прв пат да подметне пожар, а потоа самиот да го пријави во полиција. 60 годишниот жител на Центар пак се жали дека други лица го подметнуваат пожарот.

Пожарот го пријавила сосетка од соседната зграда. Не терен беа три возила од противпожарната бригада. Ова е трет пат да интервенираат во истиот стан. До меѓуопштинскиот центр за социјални работи досега случајот со Коле Николовски не бил пријавен. Оттаму, за Телевизија 24 велат дека денеска стручен тим бил на терен.

- Во рамките на центарот за социјална работа на Град Скопје, 24 часа дневно функционира специјализиран дежурен тим кој постапува по пријави на граѓани или институции. Досега нема добиено никаква пријава за лицето. Денеска на терен излезе стручен тим од центарот и согласно добиените податоци за фактичката состојба ќе преземе потребни дејствија и ќе постапи согласно законските надлежности на центарот. - велат од Министерство за труд и социјална политика.

Од МВР потврдија дека случајот е пријавен во нивните служби, а нивни екипи извршија увид на местото на пожарот. Истрагата ќе покаже дали 60 годишниот Николовски ќе одговара за предизвикување на пожар и опасност за животот на граѓаните.

https://24.mk/details/tret-pozhar-vo-ist-stan-poln-so-otpad-vo-zgrada-kaj-zheleznichka-stanica

Што се планира на ова место?

СЕ РАСПАЃААТ ОБЈЕКИТЕ ВО ПОРАНЕШНАТА СТРУМИЧКА КАСАРНА ИАКО ДЕЛ БЕА ФУНКЦИОНАЛНИ



https://24.mk/details/se-raspa-aat-objekite-vo-poraneshnata-strumichka-kasarna-iako-del-bea-funkcionalni#

Запуштен објект во срцето на Куманово – некогаш хотел, сега извор на инфекции



Овој објект се наоѓа во центарот на Куманово. Целосно разурнат често пати е засолниште за бездомници и наркомани. Полн со ѓубре, од каде се шири лош мирис. Некогаш бил хотел и едно од најпосетените места, а денес оставен на забот на времето. Жителите велат дека треба да се преземат мерки за чистење и реизградба на овој објект. Освен што ја нарушува сликата на градот, жителите велат дека ова е и извор на инфекции.

Граѓаните за ТВ21 велат дека Куманово нема ниеден хотел во својот центар. Тие велат дека тука треба да се изгради нешто, било што, само да не се остави во ваква состојба.

Инаку овој објект бил познат како Хотел „Кристал“, а веќе некое време за него има судски предмет и е во стечајна постапка. Но, тој не е единствен, во Куманово има и други објекти кои се во ваква состојба. Прашавме во Општината дали ќе преземат одредени мерки, но од таму не добивме одговор.

https://mk.tv21.tv/zapushten-objekt-vo-srtseto-na-kumanovo-nekogash-hotel-sega-izvor-na-infektsii/

Изгледа некој фрлил око на локацијава за зграда, не жали ништо да ја добие најбрзо што може.

Кичевските бездомници СИ НАШЛЕ ВТОР ДОМ ВО ИДНАТА ОПШТИНСКА ЗГРАДА



Најголемиот број улични питачи кои ги има во Кичево од други градови, својот втор дом во овој град го пронајдоа во идната општинска зграда во средиштето на Кичево. Тие го користат периодот кога за овој објект никој не води грижа а тоа им ја олеснува работата бесплатно да живеат подолг период во идната општинска зграда што потврдија и од кичевската локална самоуправа.

-Неодамна дојдовме до информацијата дека уличните питачи без ничија дозвола свое прибежиште подолг период пронашле во идната општинска зграда. Тие за да можат да ги користат просториите на овој објект или ги искршиле приземните врати и прозорци на зградата или некој за свои потреби го направил тоа, со што обезбедиле непречен влез во овој објект-нагласи Емин Насуфи од општина Кичево.

Тој порача дека со доаѓањето на пролетта ќе започнат градежните работи на реновирање на идната општинска зграда, со што ќе се стави крај на престојот на питачите во овој објект.

Насуфи посочи дека покрај зградата со овој зафат ќе биде комплетно преуредена а идниот општински двор и целиот локалитет ќе се претвори во пријатно катче за работа и прошетки во потоплиот дел од годината.

https://vecer.mk/makedonija/kichevskite-bezdomnici/