Автопат Скопје - Блаце

МФ: Обезбедени средства од ЕБОР за реализација на автопатот Скопје – Блаце

Над 200 милиони евра поволни средства од ЕБОР се обезбедени за реализација на регионален проект за управување со отпад и проектот за изградба на делница од автопатот Скопје – Блаце, соопшти Министерството за финансии (МФ).

Предлог законите за обезбедување на средствата од оваа меѓународна финансиска институција предложени од Министерството за финансии, биле прифатени на вчерашната владина седница.

– Договорите за реализација на проектите со ЕБОР, после усвојување од страна на Собранието, ќе бидат потпишани од страна на Министерството за финансии и Министерството за животна средина и просторно планирање и Јавното претпријатие за државни патишта - се вели во соопштението.

Како што појаснуваат од Министерството, со Предлог-законот за гаранција на Република Северна Македонија на обврските по Договорот за заем за финансирање на ТЕН-Т проектот за автопат од Скопје до границата со Косово, се предвидува да се обезбедат 167,6 милиони евра од ЕБОР, кои се обезбедуваат со рок на отплата од 16 години, со грејс период од четири години и каматна стапка која е варијабилна и се состои од шестмесечен ЕУРИБОР зголемен за маргина од 1 процент.

– Со ова се комплетира финансиската конструкција за реализација на овој проект. Покрај средствата обезбедени од ЕБОР, ќе се финансира со грант средства од ВБИФ во износ од 26,5 милиони евра - наведуваат од МФ.

Целта на проектот, додаваат од Министерството, е да се подобри патната инфраструктура во земјата, односно предвидува изградба на втората подделница која се однесува на останатиот дел од автопатот Блаце – Скопје, со што, значително ќе се подобри мобилноста и трговската размена, ќе се подобри безбедноста на патот и ќе се скрати времето на патување, ќе се зголемат можностите за социо–економски развој, како на национално, така и на регионално ниво.

– Со Предлог-законот за задолжување на Република Северна Македонија со заем кај Европската банка за обнова и развој по Договорот за заем за финансирање на Регионалниот проект за цврст отпад се обезбедуваат 55 милиони евра со рок на отплата од 15 години, грејс период од четири години и каматна стапка која се состои од шестмесечен ЕУРИБОР зголемен за маргина од 1 процент - се вели во соопштението.

ЕБОР во изминативе 30 години има инвестирано над 2,2 милијарди евра во 159 проекти во земјата, се наведува во соопштението.

https://faktor.mk/mf-obezbedeni-sredstva-od-ebor-za-realizacija-na-avtopatot-skopje--blace

Која смешка од држава сме

ЕБОР и ЕУ ќе финансираат дел од автопатот од Скопје до Блаце

Кредитот во износ од 167,6 милиони евра од ЕБОР e наменет за изградба на автопат, а на оваа сума ќе бидат додадени 20,8 милиони евра грант од ЕУ, како и 8,8 милиони евра за финансирање на техничката соработка за подготовка, имплементација и супервизија на работите на изградба на автопатот. Последниот дел е финансиран преку инвестициска програма за Западен Балкан
Новиот автопат ќе има по две ленти и ќе биде изграден паралелно со постоечкиот А4 национален пат, кој има по една лента, и е изграден пред повеќе од 50 години, што се очекува да доведе до значајни подобрувања на сообраќајот и безбедноста на патот
Европската банка за обнова и развој (ЕБОР) и Европската Унија финансираат нов дел од автопатот од Скопје до надвозникот кај Блаце, во близина на границата со Косово. Новиот пат, како што соопштија од канцеларијата на ЕБОР во Скопје, ќе обезбеди побрза и полесна конекција за трговијата и граѓаните.

Кредитот во износ од 167,6 милиони евра од ЕБОР e наменет за изградба на автопат, а на оваа сума ќе бидат додадени 20,8 милиони евра грант од ЕУ, како и 8,8 милиони евра за финансирање на техничката соработка за подготовка, имплементација и супервизија на работите на изградба на автопатот. Последниот дел е финансиран преку инвестициска програма за Западен Балкан.

Патот е дел од транспортната артерија од Скопје до главниот град на Косово, Приштина, каде во изминативе неколку години е забележан зголемен сообраќај, и кој е дел од поголемата Европска патна мрежа која ја поврзува Шведска со Грција преку Западен Балкан.

Новиот автопат ќе има по две ленти и ќе биде изграден паралелно со постоечкиот А4 национален пат, кој има по една лента, и е изграден пред повеќе од 50 години, што се очекува да доведе до значајни подобрувања на сообраќајот и безбедноста на патот. Меѓу другото, се очекува да има позитивно влијание и во однос на вработувањето преку зајакнување на поврзаноста и економската интеграција во самиот регион.

БОР како главен институционален инвеститор во Северна Македонија, до денес има инвестирано над 2,3 милијарди евра во 161 проект во различни сектори во економијата.

https://360stepeni.mk/ebor-i-eu-ke-finansiraat-del-od-avtopatot-od-skopje-do-blatse/

Izgleda na prolet ke imame izbori … neznam kako poinako bi opisal docnenje na 2 km pat na koj nema ni tunel ni nekoj pogolem most ili vijadukt…

Originally posted by Denko Originally posted by MKDSTRUGA Izgleda na prolet ke imame izbori … neznam kako poinako bi opisal docnenje na 2 km pat na koj nema ni tunel ni nekoj pogolem most ili vijadukt… Eve ti poinakvo opisuvanje: Nesposobnost i nedostatok na odgovornost. Da zatvorea nekolku odgovorni funkcioneri za milionskata steta i kolapsot na delnicata "Kicevo-Ohrid", denes nemase da ima vakvi pojavi!

Mile 10 pati go zatvoraat i otvaraat na taa tema

Каква истрага? Па нели уште пред 4 години го досредија проектот, плус некои клучки ставија, се договорија со Кинезите за рокови плаќања итн. Што е сега проблемот? Треба ние од форумов да одиме во министерство и да им помагаме за дозволи, имотни прашања, координации со општини, фирми и што уште и да треба? Неспособни се ленти да нацртаат на 99% патишта во државава, вие очекувате автопат да градат.

Edited by <Fresno> - 08-Aug-2022 at 21:50

Мене автопат ми треба, тие истраги нека си тераат. 6 години поминаа за да се вадат на тие финти. Па еве на темава, 2 километри не можат да ги истуркаат, што понатака да се коментира. Нека им ги дадат на Бехтел сите проекти во државава, 30% за Мала речица и нека го укинат министерството, нема друго.

Катастрофа, во Македонија има илјадници луѓе кои треба да лежат затвор(според мене и доживотно) за злодела против државата и народот.

Автопатот од Скопје до Блаце ќе чини 18 милиони евра по километар

Автопатот што ќе се гради од Скопје до близина на граничниот премин Блаце ќе чини 186,7 милиони евра за изградба на делница од 10 километри. Ова е наведено во јавниот повик (тендерот) објавен од јавното претпријатие „Државни патишта“ на својата интернет страница.

Европската банка за обнова и развој обезбедува заем од 167,6 милиони евра под гаранции од државата, додека проектот ќе биде кофинансиран со 20,8 милиони евра инвестициски грант обезбеден од Европската Унија (ЕУ) преку Инвестициската рамка за Западен Балкан (WBIF).

ЈПДП додава дека последните два километри до косовската граница веќе се финансирани од јавното претпријатие и таму градежните активности, како што велат од „Државни патишта“, се во тек.

„Проектот ќе ја финансира изградбата на нова под-делница долга 10 километри на автопатот TEN-T Рута 6 што оди од Скопје (обиколница Стенковец) до клучка Блаце, блиску до границата со Република Косово“, се вели во повикот.

Во законот за гаранција, кој веќе е изгласан во Собранието, е утврдена истата сума, а дополнително се наведува дека долгот ќе се отплаќа 16 години. За двата коловоза на автопатот предвидени се вкупно 11 единечни тунели со вкупна должина од околу 4,8 километри, а предвидени се 9 мостови по коловоз во правец, во должина од 1,35 километри.
Проценет датум на почеток на проектот е 17 ноември годинава. Првата рата од заемот треба да се исплати во 2026. Автопатот би се градел 48 месеци.

Изградбата на првиот дел од автопатот Скопје-Блаце доцни речиси една година. Во јануари 2020 година, властите потпишаа договор со градежно претпријатие Гранит за започнување на првиот дел од работите, поточно за изградба на два, од вкупно 12 километри, но рокот не се почитува.

https://faktor.mk/avtopatot-od-skopje-do-blace-kje-chini-18-milioni-evra-po-kilometar

200 милиони ама за една саглам клучка со обиколницата пак не стигаат.