Такси превоз

Велешките таксисти добија дополнителни 6 месеци за да ги префарбаат возилата во жолта боја. Крајниот рок е 30 јуни годинава.

 Ваква одлука, по иницијатива на здружението на авто таксипревозниците, донесе Советот на општина Велес.

Здружението имало сознанија дека државата подготвува нов закон за превоз во патниот сообраќај, со кој се регулира и такси превозот.

Инаку во Велес се регистрирани над 250 такси возила. Сите имаат лиценци издадени од општината. Според законот за патен сообраќај секое такси возило мора да има лиценца и фискален таксиметар. За непочитување на овие одредби следуваат казни и најниската е 500 евра.

Но и покрај високите казни, во градов се уште има таксисти кои возат на диво. Неофицијално по велешките улици стотина такси возила превезуваат патници кои немаат дозвола за тоа. Од друга страна, тие наплатуваат различни цени за одредени дестинации.

Такси превозниците пак се жалат дека давачките се многу поголеми од она што го заработуваат. Велат дека голем проблем им претставува и недостигот на паркинг простор, кој честопати им го узурпирале останатите учесници во сообраќајот.

Од одлуката на Советот незадоволни се авто лакерите. Тие ќе чекаат уште шест месеци  за да им процвета бизнисот со фарбање на возилата на велешките таксисти.

Групацијата од 26 радио-такси компании од Скопје ја смирува топката. Нема простор за паника или протест, специјален Закон за траен договор ќе ги реши проблемите на мнозинството професионални возачи низ главниот град, но после изборите рече Сашо Рајчановски, претседателот на најголемата групацијата на авто-такси превоз од Скопје на вчерашната прес конференција.
- Градот Скопје преку секторот за сообраќај продолжува намерно да прави паника кај таксистите со барањето на потврда за подмирен данок од вршење дејност како услов за продолжување на лиценцата, потврда, која според нас, точно е неоснована и законски неиздржана, вели Рајчановски. Според него, новите пресметки за бруто-платите кои изминативе денови ги уплашија и збунија таксистите, се несогласувањата и барањата кои ќе им се стави дефинитивно крај по изборите.
- Деновиве остваривме средба со министерот за финансии Трајко Славевски и министерот за труд и социјала Џељаљ Бајрами, кои ни излегоа во пресрет на нашите барања околу заостанатите давачки, целата плата, и ни ветија итен Закон за трајно решение на нашата проблематика. Во него ќе бидат ставени и таксистите Трговци поединци, најзагрозени од сите нас кои, веруваме дека ќе бидат праведно опфатени со Законот тврдат од групацијата на такси превозници.

Станува збор за предлог-закон на Владата, со кој ќе бидат прифатени дел од барањата на таксисите, меѓу кои и пролонгирање на правилникот за унифицирање, набавка на нови возила со АБС, клима итн. до 1.1. 2011 година, датум до кога ќе се преговара и за укинување на Административна такса од 3000 денари како и и враќање на старата тарифа за месечни придонеси и персонален данок. Инаку, спротивниот табор од одборот на групацијата на таксисти при регионалната комора се уште стојат на штрајкот во понеделник закажан на последниот нивен одбор.

http://vecer.com.mk/?ItemID=5C65CCDED2FE6743AD158F591DD7D487

А1 - Емилија Јовановска - 04.03.2008

Пак одложенa одлуката за една боја на такси-возилата

Скопските таксисти се' уште нема да мора да ја унифицираат бојата на возилата и покрај одлуката на Градот Скопје донесена уште минатата година. Рокот за оваа обврска на превозниците, доколку наиде на поддршка од советниците на градскиот Совет, ќе се одложи вторпат, сега до октомври. Образложението, според градските власти, е лошата економска состојба во која се наоѓа оваа дејност, поради што таксистите немаат доволно средства за инвестиции во своите возила.

Во Градот велат дека одлуката, покрај финансиската компонента, пролонгирана е и со цел новиот Совет на Скопје подобро да се запознае со состојбите во такси-превозот. Веројатно е советниците да направат измени и во самиот документ и да ја избришат оваа обврска.

Според одлуката за автотакси-превоз на патници, бојата на такси-возилата е бела, освен бојата на предниот капак на моторот и задниот капак на багажниот простор, која е жолта. Унифицирањето на бојата на такси-возилата во жолто-бели требаше да почне во јануари годинава, но и тогаш беше одложена за 6 месеци, односно до јуни. Сега, по барање на таксистите, градските власти повторно бараат одложување, овој пат за четири месеци.

Превозниците и пред донесувањето на одлуката имаа забелешки на делот со унифицирањето на бојата, но не од финансиски причини. Тие сметаат дека препознатливоста на бојата на одредени компании е дел од нивниот бренд, заради што и сакаат да ја задржат. Од друга страна, пак, градските власти сметаат дека единствената боја на такси-возилата што имаат лиценца за работа е еден од начините да се спречи нелојалната конкуренција и да се намали бројот на дивите таксисти. (С.Н.)

До крајот на годинава велешките таксисти ќе треба да ги бојосаат возилата во жолта боја. Тие овој дополнителен рок од шест месеци го добија од градоначалникот Горан Петров, кој дозволи да им се продолжи рокот кој истекуваше на први јули годинава. Според Петров до вакво решение е дојдено поради лошата економска состојба во која што се наоѓаат градските таксисти, поради што не се во можност да ги покријат и овие давачки.

Јадранка Стефкова, портпарол во Општина Велес, вели дека сепак одложувањето не значи откажување на идејата за воведување единствена боја во такси превозот.
-Градоначалникот им го продолжи за да им излезе во пресрет на барањата на граѓаните, но Општината се откажува од примена на законот, вели Стефкова. Според неа таксистите ќе имаат поддршка од општинскиот совет и оптштина.

Ваквата одлука на градоначалникот ги подели мислењата на велешките таксистите. Едни ја поздравуваат, други пак и понатаму се жалат дека тоа сепак им е дополнителен трошок.
-За да префарбаш едно возило минимум се потребни од 500-600, се жалат таксистите. Тие укажаа и на други проблеми како што е нелојалната конуренција од страна на нелиценцираните таксисти, како проблемот со недоволните паркинг простори. Тие реагираат и на слабата контрола на полицијата и сообраќајниот инспектор.

Одлуката на градоначалникот се чека да биде потврдена и од страна на советниците.