Гранични премини и царински терминали

Средба помеѓу градоначалниците на општина Преспа во Грција Панајотис Пасхалидис, и општина Пустец во Албанија Пали Колевски, со апели за поврзување на регионот Преспа и идеја за граничен премин Церје АЛ - Граждено ГР (Вронтеро). Нашиот во Дупени никако да му дојде ред. Нормално, македонските медиуми никако да известат нешто подалеку од партиски штаб, нема никакво инфо по Македонски медиуми дека воопшто се случила средба која е од интерес на Македонија.



Edited by user8642 - 23-Oct-2021 at 15:17

Па нашите јужни соседи не ги ратификуваат меморандумите во нивното Собрание, односно Мицотакис го опструира Преспанскиот договор, колку изненадувачки.

Исто како што ниту ги менуваат таблите, исто како што и понатаму не го користат официјалното име, исто како што не ги користат официјалните кратенки МК/МКД, итн.

НА ГРАНИЧНИТЕ ПРЕМИНИ ЌЕ ИМА ЕДЕН КОНТРОЛЕН ШАТЛЕР: Албанија го ратификува договорот со Македонија за заеднички контроли

Албанија го ратификува договорот со Македонија за заеднички контроли на граничните премини.

Албанскиот Парламент, на денешната пленарна седница, што ја почна со едноминутно молчење во знак на почит на загинатите македонски патници во автобуската несреќа во Бугарија, го ратификува договорот за заеднички контроли на граничните премини меѓу Северна Македонија и Албанија.

„Албанија и Северна Македонија ќе имаат заеднички гранични контроли по истиот модел што го имаме со Косово и Црна Гора“, изјави министерот за внатрешни работи Бледи Чучи во своето обраќање во Собранието.

Вели дека на сите шест гранични премини ќе има само еден контролен шалтер.

https://faktor.mk/na-granichnite-premini-kje-ima-eden-kontrolen-shatler--albanija-go-ratifikuva-dogovorot-so-makedonija-za-zaednichki-kontroli

Границата Македонија-Албанија не „паѓа“, има договор за „One-stop shop“ но не и да нема никаква контрола



https://mk.tv21.tv/granitsata-makedonija-albanija-ne-paga-ima-dogovor-za-one-stop-shop-no-ne-i-da-nema-nikakva-kontrola/

Пуштен во употреба концептот оне-стоп-шоп на Ќафасан

Од денеска е пуштен во употреба концептот оне-стоп-шоп на граничниот премин Ќафасан со Република Албанија. Со овој концепт, според премиерот Димитар Ковачевски, се овозможува побрз проток на граѓаните од двете држави, но и на компаниите кои транспортираат производи на овој граничен премин, пренесе МИА. Тој денеска во своето обраќање на граничниот премин Ќафасан – Ќафтане потенцираше дека на овој начин се олеснува работата на 11 илјади компании од нашата држава кои се ориентирани кон извоз и кон трговија со други држави, а се овозможува и полесен пристап до пристаништата и до туристичките места во Албанија. -Овозможувањето на проток на луѓе и капитал истовремено ги зголемува и врските, комуникација помеѓу луѓето. Го зголемува и дружењето меѓу луѓето, нешто што цели половина век недостасуваше меѓу Албанија и тогашна Македонија, но сега претставуваме пример како треба да се однесуваат две соседни држави, рече Ковачевски.

https://civilmedia.mk/pushten-vo-upotreba-kontseptot-one-stop-shop-na-kafasan/

Pred nekolku dena bev na Tabanovce i se pominuva so tn. "one-stop" koncept, koj vo sustina i ne e "one-stop. Kontrolata e dvojna i pak se zastanuva na dve mesta so taa razlika sto vtorata kontrola se vrsi na istiot granicen premin.

Клепало- недокументиран граничен премин на приватни ливади



Тесниот пат, на места разјаден, а некаде прекриен со паднати дрва и камења не навестува дека патувате до некое значајно место, како на пример до граничен премин со соседна држава. Но, по речиси полчасовното возење од Берово до Клепало, стигнувате до големата бела зграда наменета да биде токму тоа- граничен премин. Од неа, денес се останати здрави само ѕидовите.

Зградата, рампите и неколкуте кабини во кои требало да работат полицајците и цариниците се изградени во 1993 година. Во неа требало да работат заедно македонските и бугарските службеници. Но, никогаш од тука не поминале патници од двете страни на границата. Бугарија не изградила пат, па зградата без функција, останала да скапува осамена на ридот.

Сега, состојбата треба да се смени, откако на двете земји им се одобрени ИПА фондови за да ја изградат потребната инфраструктура. Но, постојат и административни пречки на патот до новата македонско- бугарска граница.

Македонија, иако го изградила објектот никогаш не го завела како свој имот, па зградата воопшто ја нема во Катастарот, а земјиштето врз кое се наоѓа се води на приватни лица.

Најмалку пет години Царинската управа, под чии ингеренции е граничниот премин Клепало, се обидува да ги собере потребните документи за да ја заврши легализацијата.

Но, засега процесот е во фаза на барање и чекање документи. Од Царината за БИРН велат дека ги побарале “одобрението за градење и целокупната градежна документација за проектот од Министерство за транспорт и врски и од Министерството за внатрешни работи како надлежна институција за изградба на гранична инфраструктура во тоа време“.

Обврска имал и катастарот кого владата го задолжила да изработи елаборати. Катастарот тоа го направил во 2022 година, но и елаборатите веќе две години се препратени „до Државниот првобранител, како надлежен за штитење на државните интереси за понатамошно спроведување“.

Нејасна експропријација

Поради ваквите лавиринти во кои институциите се обидуваат да ги најдат документите стари декади, зградата на граничниот премин останува одбележана само како бела коцка во Катастарот без никаков сопственик. Трите парцели, врз кои лежи овој стратешки објект, а кои се водат како ливади, имаат сопственици. Според Катастар тоа се физички лица од Берово.

За овие имоти државата ја почнала постапката во 2019 година. Утврдиле дека eкспропријацијата е завршена во 1991 година, за што од Царината нашле документи во струмичкиот архив.

„Од овие акти утврдено е дека имотот е експроприран, што претставува основ за пренос на сопственоста од физичките лица на име на Република Македонија,“ стои во дописот на Царината до БИРН.

Пред пет години Царината ги праќа овие документи до неколку институции за да се изврши упис на имотот во Катастар. Од таму тврдат и дека од Државното правобранителство за подрачјето на Кочани уште истата година е добиено известување во кое е истакнато дека во случајот има правен основ за впишување на земјиштето на име на Македонија.

Но, земјиштето не само што се уште не е впишано, туку и менува сопственици во јануари оваа година. Повторно тоа се локални жители.

Работите сега се забрзуваат и поради одобрените пари од претпристапната помош од Европската унија (ИПА) за граничниот премин да може да функционира, што би вклучувало не само санирање на постоечката зграда туку и изградба на патот од двете страни.

Прво, како што за БИРН кажаа од Царинската управа биле добиени 20 илјади евра за анализа на сегашната состојба и за проект кој е завршен. Лани пак се обезбедени вкупно 9 милиони евра и за двете земји. Од нив за државава се наменети 3,5 милиони евра. Сè треба да биде готово до 2029 година.

Клепало остаре пред да се отвори

ИРН го посети граничниот премин со градоначалникот на Берово Звонко Пекевски.

„Доколку овој граничен премин функционираше или бил отворен пред триесетина години, приказната за Општина Берово ќе беше сосема друга“, ни рече Пекевски.

По патот кон границата има хотели, вили и други сместувачки капацитети. И тоа е очекувано за дестинација која сака да го развива туризмот. Но, неочекувано е по единствениот пат кој води до овие капацитети да ве дочека одрон поради кој градоначалникот мораше да го сопре автомобилот за да ги расчисти камењата.

Крајната дестинација на патот е запуштена двокатна зграда наменета за граничен премин.

„Златен објект, но пропаѓа“, не ја криеше разочараноста Пекевски кој мораше да прескокне скршен прозорец за да влезе во објектот, оти друг начин нема.



Движењето низ зградата неизбежно го следи звукот на газење врз искршено стакло. Генераторот кој требало да произведува струја бил украден, а постојан довод на електрична енергија нема. Затоа во мракот моравме да ги користиме мобилните телефони за светло.

Покрај скалите за горниот кат се поминува покрај две келии кои биле наменети за притвор на осомничени лица.

Состојбата на горниот кат не е ништо подобра. И таму ѕидовите се со влага, а по подовите има остатоци од градежни материјали и стара облека. Во една од просториите имаше две распаднати перници.

„Најверојатно тука спиеле дрвокрадци“, коментираше градоначалникот.

Зад граничните куќарки Пекевски не поведе до крајот на македонска територија која завршува со рѓосана рампа среде ливада.

Таму е единствениот патоказ поставен од странска невладина организација за пешачки патеки во Малешевијата.

Но засега единствените посетители на областа се локалните жители кои таму пасат стока и дрвокрадците. Беровци велат дека ако се отвори преминот и нивниот град ќе живне.

Шанса за заживување на градот

Во меѓувреме Берово економски страда и се празни од луѓе и поради неотворањето на овој премин. За да стигнат на пример до Сандански, беровци треба да возат 133 километри преку граничниот премин Делчево. Од Клепало до Сандански има 45 километри.

Отворањето на Клепало потенцијално би довело и бугарски туристи кои веројатно многу почесто би го посетувале градот ако можат лесно и брзо да стигнат до таму.

„Сега сме ‘слепо црево’. Од нас на друго место нема излез. Единствено преку Кочани и Струмица“, вели Љупчо, повозрасен беровец кој не верува дека ќе доживее да го види отворен овој граничен премин.

Ваквата местоположба на источното гратче придонела многу од луѓето да се иселат. Според пописот од 2021 година Берово има речиси 11 илјади жители, но во реалноста, според проценките на градоначалникот Пекевски, таму живеат половина од таа бројка.

Отворањето на граничниот премин како спас за регионот било визија уште во поранешна Југославија. Првата проектна документација за преминот официјално именуван Берово-Струмјани датира од 1992 година. Една година подоцна за време на премиерот Никола Кљусев преминот е веќе изграден.

Прво со објектот раководело Министерството за внатрешни работи. Беровци се сеќаваат дека тогаш имало и чувари па зградата не била запуштена. Потоа за објектот задолжено било Јавното претпријатие за стопанисување со станбен и деловен простор, а од 2008 е под управување на Царината.

Идејата било граничниот премин да функционира со заедничка зграда која би ја делеле двете држави. Но, денес таа е неостварлива оти Бугарија стана членка на ЕУ. Беровци се уште гледаат надеж во проширувањето на тесниот пат кој треба да ги поврзе со европскиот сосед.

„Бев дете. Имав 18 години кога се ова се градеше. Луѓето што тогаш се вработија да бидат граничари се пензионираа како вработени во полициската станица во Берово“, вели Пекевски обидувајќи се да ја отслика долгата историја на градењето на преминот.

https://prizma.mk/klepalo-nedokumentiran-granichen-premin-na-privatni-livadi/

ГРЦИЈА ПОТВРДИ ДЕКА ПОЧНУВА ИЗГРАДБАТА НА ГРАНИЧНИОТ ПРЕМИН МАРКОВА НОГА – ЛЕМОС ВО ПРЕСПА, ЗАТВОРЕН 57 ГОДИНИ



Граничниот премин Маркова Нога – Лемос меѓу Република Северна Македонија и Република Грција ќе почне да се гради догодина, а во 2027 треба да биде отворен. Со тоа, после 60 години откако преминот е затворен, повторно ќе може да се минува меѓу двете земји и тоа во голема мера ќе влијае на развојот на туризмот и економијата во регионот Преспа. Ова за САКАМДАКАЖАМ.МК го потврдија грчките власти и од Kанцеларијата на Програмата за развој на Обединетите нации (УНДП) во земјава што го спроведуваат проектот „ЕУ за Преспа“.

Граничниот премин Маркова Нога помеѓу Грција и Југославија беше затворен во 1967 година со политичка одлука на грчката воена хунта што тогаш дојде на власт со државен удар, но остана затворен до денес и по укинувањето на монархијата и паѓањето на хунтата во 1974.

Јорго Аманатидис, регионален гувернер на областа Западна Македонија, за САКАМДАКАЖАМ.МК вели дека од грчка страна работат на овој проект кој е клучен чекор за зајакнување на билатералните односи меѓу двете земји и ќе доведе до значителни еколошки, социјални и економски придобивки за регионот. Во моментов се работи на втората фаза од проектот „Гранична станица во областа Преспанско Езеро: Подготвителни активности за воспоставување на граничниот премин“ (BorPres) во рамките на програмата INTERREG IPA CBC 2014-2020.



Оваа фаза предвидува изградба на новата зграда од грчка страна, реконструкција и реновирање на полициската станица на државната граница кај Маркова Нога каде што ќе биде воспоставен идниот премин и воспоставување на пешачка врска со објектите на граничниот премин Маркова Нога – Лемос. Оваа втора фаза од проектот (BorPres2) беше поднесена на 11 октомври 2024 година како Стратешки проект кој ќе се финансира во рамките на INTERREG IPA CBC Програмата 2021-2027 со вкупен износ од 7,7 милиони евра. Според процедурите на програмата, реализацијата на проектот ќе започне на почетокот на 2025 година и ќе биде финализиран до крајот на 2027 година. Повторното отворање на граничниот премин меѓу двете земји ќе помогне во развојот на туризмот во регионот“, вели Аманатидис, регионален гувернер на областа Западна Македонија.

До 1967, од едната на другата страна на границата се минувало само со лична карта. Жителите на Преспа 57 години чекаат границата повторно да се отвори. Голем дел од мештаните од околните села при нашата посета на преминот ни рекоа дека со години се зборува за повторното отворање на границата, но не веруваат дека тоа ќе се случи.

„Сега нема никакво движење. На лето кога има повеќе посетители и странски туристи, се случува странците да заскитаат, односно да продолжат да возат велосипеди накај границата, не знаејќи дека таа постои и дека не може да се мине. Многу ќе значи за нас ако се отвори границата, веруваме дека ќе има движење и овој регион ќе заживее како што беше во минатото“, ни рекоа мештани од селото Долно Дупени, кое е последно село во македонскиот дел од Преспа и се наоѓа близу граничниот премин.

Сега овој дел е пуст, единствено има полициската станица од македонска страна и воопшто нема никакво движење, ниту пак некакви активности кои навестуваат дека се работи на отварање на преминот. Меѓуграничниот простор потсетува дека тука некогаш имало премин, но штом ќе се стигне до рампата и почнува грчкиот дел нема никакви знаци дека тука имало организиран меѓудржавен премин. Нема асфалтиран пат, туку земјен.

Проектот од македонската страна го спроведува канцеларија на УНДП во земјава преку проектот „ЕУ за Преспа“ финансиран од Европската унија. Веќе е објавен тендерот за изградба на зграда за Царината и на сите придружни елементи за преминот и напролет како што велат од УНДП се очекува да се почне со градба.

Дел од тимот на УНДП кој работи на овој проект е Зоран Трајчевски од Ресен, кој вели дека откако знае за себе слуша за повторно отворање на границата меѓу Македонија Грција кај Маркова Нога.

„Дојде ред јас да работам на отварање на преминот и за мене тоа е лична сатисфакција, а да не разговараме за важноста за цел регион и колку за развојот ќе придонесе овој проект. Тендерот е објавен. Има заинтересираност на фирми. На 20 ноември имавме посета на преминот со потенцијалните кандидати кои сакаат да учествуваат на тендерот, за да се запознаат со теренот и да можат да дадат понуди. Тендерот завршува за 20 дена, па имаме процес на евалуација, склучување договор и напролет ќе почне градбата. Рокот на изградба е година и половина, што значи во 2027 преминот ќе биде отворен“, вели Трајчевски, проект менаџер на проектот „ЕУ за Преспа“.

Тимот на УНДП кој работи на овој проект деновиве ќе има средба со грчката страна која го спроведува проектот, за да се разменат информации за предвидената динамика на двете страни.

Проектот за повторното отварање на граничниот премин е дел од Договорот од Преспа потпишан во 2018 година, со кој се смени уставното име на државата и се реши 30-годишниот спор меѓу двете земји. Во 2019 година беше потпишан договор за повторно отварање на преминот во Преспа.

https://sdk.mk/index.php/makedonija/grtsija-potvrdi-deka-pochnuva-izgradbata-na-granichniot-premin-markova-noga-lemos-vo-prespa-zatvoren-57-godini/