Експресен пат Градско - Прилеп

вид во изградбата на експресниот пат Градско-Прилеп, делница Дреново-Фариш И покрај тоа што настапи есенското променливо време интензивно се работи на изградбата на експресниот пат Градско–Прилеп, поточно на втората делница Дреново–Фариш каде што увид извршија заменик директорот на Јавното претпријатие за државни патишта Благојче Трпевски заедно со претседателот на Владата на РСМ Димитар Ковачевски и министерот за транспорт и врски Благој Бочварски. Во овој појас од само 10-тина километри се градат два тунела, 21 мост, 5 подвозници, 11 потпорни ѕидови, еден кружен тек на локалниот пат со клучка кај Дреново и еден вијадукт. Инаку, ширината на делницата Дреново-Фариш е променлива, па така 5 км се со асфалтна платформа од 12,4 m што одговара на експресен пат, а преостанатите повеќе од 5 км се со платформа од 17 m што одговара на автопат со намалена ширина. „Денеска извршивме увид и во работите на тунелот и како што може да видите едната страна е пробиена, а на другата се работи на пробивањето, од трасата, пак 5 км се асфалтирани со прв слој и физичкиот прогрес на работите е 55 %. За делницата Дреново-Фариш која е 10.2 км издвоени се 33,3 милиони евра средства обезбедени од ЕБОР. На овој дел изведувач на работите е Синохидро, а надзор се ГЕИНГ ДОО и ЕВРО КОНСАЛТИНГ. Многу пати сме нагласиле дека овој патен правец е еден од најзначајните патни правци во државата. Низ него дневно поминуваат околу 6 илјади возила од сите категории и карактеристично е тоа што е патен правец каде што гравитираат многу товарни возила што дополнително го оптоварува. Токму од овие причини посветуваме внимание на изградбата на експресниот пат Градско-Прилеп со кој значително ќе се олесни протокот на стоки и услуги“, изјави заменик директорот на Јавното претпријатие за државни патишта Благојче Трпевски. Веќе е во завршна фаза и рехабилитацијата на патниот правец Фаришка клисура–Прилеп, превој Плетвар, во должина од 19 км и вредност од 5,6 милиони евра со што кракот Д на Паневропскиот транспортен коридор 10 ќе биде брз и безбеден за проток на сообраќај.

https://www.facebook.com/drzavnipatista/

Originally posted by hcitrS И сега фактички откако ќе се доврши ова, највртениот и најопасен дел од Плетвар ќе си биде ист ко шо е?

Да, и исто така кога ќе фати зима снег, плетвар пак ќе се затвори...

и што сме направиле после? џабе и пат со 400 ленти да направиме, кога поминува низ промашена локација пан - европски коридор, локација каде што нема никакво место за таков важен коридор

Заради глупостите на Црвенковски и Груевски, еве што добиваме денес. Не се жалам, но проблемите ќе останат, рутата ќе е подолга.
Сега знам зошто неможе во блиска иднина да се изгради автопат преку Бабуна, колку скапо би чинело тоа, и дека сме во криза. Но мора кога тогаш тој автопат да стане приоритет, и да се изгради веќе еднаш за секогаш и оваа сага да заврши.

И немојте ве молам дека не е исплатливо, коштало многу, итн итн... па еве Бехтел и Енка што ќе градат се фрлија повеќе од 5 милијарди евра, и тоа во кризно време. Наместо да се одеше на правен начин, начин со избор на изведувач преку тендер, оваа корумпирана багра (која што за жал народот уште си ја трпи и гласа...) си направи на нај лош, матен и корумпиран начин да си испере пари преку овој проект, ама пак ајде можеби стварно поголемиот дел од Коридорот 8 ќе се заврши докај 2026 година

( Не верувам...)

Во програмата (МОЖЕМЕ 2020- 2024) е предвидено изградба на автопат (ВЕЛЕС - ПРИЛЕП - БИТОЛА) независно од ГРАДСКО - ПРИЛЕП.

Па и во програмата на Интегра беше планирана Брза Железница, и Македонски Сателит 2030г...

Можеби автопат преку Бабуна е скап и најмалку приоритетен проект, но сепак во иднина (15, 20, 25, 30 години...) и те како ќе треба да се изгради. Нема да има смисла, автопат од Прилеп до Битола да има, а према Скопје да нема никакво поврзување директно со автопат.

Дека е од важност тој автопат да, е. И имам претходно објаснето зошто е од голема важност, особено кога ќе погледнеме каде всушност оди Коридорот 10д, и како тоа може да го олесни автопатот А1 од гужви на патарини и граница за време на летна сезона, и како Скопје - Велес - Прилеп - Битола - Меџитлија може да стане многу добра, брза и алтернативна рута за сите оние кои што одат кон Западниот дел / Северозападниот дел па и Југозападниот дел на Грција (Крф, Закинтос, Лефкада, Парга, Траектот кај Игуменица), а и за побрз пристап према Ксамил во Албанија.

Па така да, можеби денес овие патишта што ги имаме немаат толку многу сообраќај, па си викаме дека не треба Коридорот 10д да е во целост автопатска врска, но во иднина како што ќе се отвараат новите делници (Автопат Прилеп - Битола, експресниот пат до Плетвар, експресниот пат до Меџитлија) така се повеќе сообраќајот ќе расте, регионот околу Битола конечно ќе може да се развие. Заборавате и дека за сите оние од Југот и Југоистокот за да отидат до Охрид одат баш преку Прилеп - Битола па после Ресен па стигаат до Охрид.

Ќе видите само автопатот Прилеп - Битола кога ќе се изгради, како ќе почнат се повеќе и повеќе Срби летото да возат по него, после и на Плетвар кога ќе се зголеми сообраќајот па ќе видите убаво дека кога тогаш и ќе треба да се инвестира во Автопатска врска преку Бабуна. Не оди никој од Делчево, Македонска Каменица, Кочани, Пробиштип, Штип, Свети - Николе према Битола, Охрид или Грчка Граница преку Штип - Неготино па после Градско, туку повеќето одат баш према Велес, па после на автопатот А1 се до Градско од каде што се оди накај Битола. Да би имало автопат преку Бабуна, и по можност нов пат од Велес до Кадрифаково, тогаш би се врзале овие градови и тој регион далеку побрзо и побезбедно.



Бенефити големи... цена голема, потреба моментално во кризна состојба нема, но во иднина и те како треба фокус да се стави, и тоа голем фокус.

Edit: Еве и уште една слика подолу, можат да се видат убаво баш каде водат пан - европските коридори



Edited by The Wild Boy - 30-Nov-2022 at 00:45

Манипулација е името ГРАДСКО - ПРИЛЕП. Експресен пат е само Фариш - Градско, а најопасниот дел Плетварот, кривините, се си останува. Мал дел шминка ќе се допрошири на 3 ленти кај што нема и тоа е тоа.. ТАКА ШТО НЕ ДОБИВАМЕ ЦЕЛОСЕН ЕКСПРЕСЕН ПАТ па да збораме за завршена работа.

За источна Македонија, а прочитам новост, е или овај пат е при крај со планирање или онај пат се изведува ...

За БИТОЛА со години читам ''СЕ ПЛАНИРА''само

''Бабуна'' e отпочнат со градба, прекинат е и никако да се рестартира

Здраво, долго време нема коментар на оваа тема
Па дали знае некој повеќе дали се работи активно на делницата или не?
Неколку пати сум поминал последниве месеци, но секогаш било навечер, па не можам да видам дали се работи активно или не.

А би се чекало целосно да се заврши, па да го пуштаат или пак етапно?

Originally posted by Théoden Originally posted by AleksandarTheGreat ... останатите 7,5 км се од Прилеп со Ленишка река кои треба да се прошират до ниво на експресен пат... Да не се однесуваат тие 7,5 km на проширувањето со трета лента на Плетвар? Originally posted by Danielbtmk