Коритото и кејот на Вардар низ Скопје

Од средувањето на левата страна,сепак дивата населба спроти ПИОМ останува лоша глетка и помалку безбеден дел поради многуте кучиња скитници

расчистување на кејот е нешто што треба да се прави редовно на неколку месеци барем

Детално влегле. Што би рекол Шилегов, првпат после 70 години

НА КЕЈОТ СТАВИВМЕ АСФАЛТ МЕСТО КОЦКА ОТИ САМО НА ТАКОВ МАТЕРИЈАЛ ЌЕ МОЖЕ ДА СЕ ВОЗАТ ТОЧАЦИ, ВЕЛАТ ОД „УЛИЦИ И ПАТИШТА“



Асфалт ист како во Градскиот парк поставија Град Скопје и екипите на ЈП „Улици и патишта“ и на пешачката патека на кејот на Вардар кај мостот Обединети нации. Овој потег уште од изградбата на кејот беше поплочен со коцка. Низ годините коцките беа оштетени, извадени и патеката беше полна со дупки. Град Скопје сега во рамките на акцијата за уредување на кејот на местото на искршените коцки постави црн асфалт кој освен што е несоодветен за овој потег, го грди шеталиштето и поставен е колку да се рече дека се закрпени дупките.

Од „Улици и патишта“, на прашањето на САКАМДАКАЖАМ.МК зошто на кејот е поставен асфалт место коцки или друг материјал соодветен за шеталиште покрај река, ни рекоа дека само на таков материјал можеле граѓаните да возат велосипеди и ролери.

„Ги демантираме наводите во јавноста дека врз травертин плочи е извршена санацијата. На потегот имаше дупка од извршување на градежни работи на фирма во минативе години. Сега тој дел е саниран со асфалтна маса од причина што само на таков материјал би можеле граѓаните што возат ролери и велосипеди непречено да се движат и е моментално решение”, велат од „Улици и патишта“.

Од претпријатието додаваат дека во моментов екипите работат за да го уредат целосно тој дел од кејот.

„За целиот потег во постапка е изработка на проект за поврзување на ролерската и велопатеката до улица Васил Чакаларов. Проектот е во изработка на ЈП ‘Улици и патишта’ во консултација со стручни лица од Град Скопје и кога ќе биде готов ќе знаеме со каков материјал ќе се работи целиот потег и на кој начин ќе биде извршено поврзувањето на велопатеката патека“, велат од „Улици и патишта“.

По налог на градоначалничката Данела Арсовска, градското претпријатие минатата недела почна да ги асфалтира земјените патеки во парк. По реакциите на јавноста активностите беа стопирани.

https://sdk.mk/index.php/dopisna-mrezha/na-kejot-stavivme-asfalt-mesto-kotska-oti-samo-na-takov-materijal-ke-mozhe-da-se-vozat-tochatsi-velat-od-ulitsi-i-patishta/

Неверојатно како може да е толку мизерно извршено...срамота

Кеј 13 Ноември, Археолошки музеј, АЕК, МНР, Вардар

Ова е резултатот на такви душебрижнички "стории" на новинари што ги мрзи гзот да го мрднат од Скопје, па наоѓаат влакна у јајце. Ете ви, контраефект

Денес видов дека кај Влада почнале да го раскопуваат стариот плочник на шеталиштето, што е добра вест. Лоша вест е што старите плочки ќе ги замени бекатон.

Еве како би изгледало:

ФОТОВЕСТ: Камиони, бетонски плочи и кабли на рекреативната патека покрај Вардар



Денеска беше раздвижено на кејот на реката Вардар во минор коритото во делот пред мостот кај една од галиите. Можеа да се забележат камиони и кранови, но и песок, бетонски плочи, клопчиња кабли истурени во и тоа малку зеленило што го има во средишниот дел.



Она што се случуваше може буквално да се нарече еколошка катастрофа. Покрај тоа што со истурање на материјалот се уништува и она малку преостанато зеленило на кое се познаваат трагите од камионите, се уништува и пешачката и велосипедска патека, а со тоа се оневозможува нормалното движење на пешаците, велосипедистите, бидејќи таа со прегради буквално е пресечена, а дел од патеката е веќе раскопан.

Се разорува и уништува единствената рекреативна зона во строгиот центар на градот под тежината на камионите. Граѓани реагираат, бидејќи сметаат дека на тој начин им се уништува прекрасна рекреативна зона каде земаат здив од секојдневната бука, пешачејќи или возејќи велосипеди, ролери, тротинети или џогирајќи.

Во потрага по тоа кој работи и што всушност работи кога од активностите се оградија и јавното претпријатие „Улици и патишта“ и ЈП „Паркови и зеленило“, се утврди дека станува збор за активности на ЕВН.

Како што објаснија оттаму се работи за реконструкција и модернизирање на електро-дистрибутивната мрежа, со цел подобрување на напонските прилики на корисниците.



– Екипите на Електродистрибуција во моментов работат на тој потег – одговорија од ЕВН.

Добро е тоа што се работи на модернизирање на електро-дистрибутивната мрежа и подобрување на напонските прилики на корисниците, но тоа не треба да се прави на сметка на уништување на зеленилото и попречување на слободното и нормалното движење на граѓаните. Да се надеваме барем дека по завршување на активностите состојбата ќе биде вратена како што била пред нивното започнување.

https://www.vecer.press/фотовест-камиони-бетонски-плочи-и-каб/