Спомен куќа на Мајка Тереза

не значи дека се што е надвор од македонија, дека е прекрасно или идеално, доста веќе со тоа другите имаат, ај и ние како нив 
а еве да не го судиме според изгледот, да ја видиме вклопеноста, таа не се однесува само на објектите во околината, туку и на тоа како е поставена, на кој простор
претходно тој простор беше мало плоштадче, релаксирачко (замисли си сега на сред плоштадчето филип втори да стават вакво здание
јас така го гледам

СПОМЕН КУЌАТА ПРЕД АРМ ЌЕ СЕ ПРОМОВИРА НА 30-ТИ ЈАНУАРИ Бунар - аквариум со 88 златни рипки за Мајка Тереза Во музјскиот дел на спомен куќата ќе бидат изложени скулптури на Мајка Тереза и нејзиното семјество Министерството за култура на 30-ти овој месец свечено ќе ја промовира спомен куќата на Мајка Тереза, што се гради пред Домот на АРМ во центарот на градот. Спомен-куќата, која зафаќа површина од 600 квадратни метри, претставува трансформација на родната куќа на Агнес Бојаџиу во молитвен простор, односно во неа покрај музејскиот простор, објектот содржи и личен молитвен простор на Мајка Тереза со придружни простории. Надлежните во Министерството за култура објаснуваат дека во спомен-куќата на Мајка Тереза ќе има и мултимедијален простор за камерни претстави, амфитеатар за поголеми претстави, продавница за сувенири, соба за сестринскиот Ред на Милосрдието, и покриен традиционален трем, каде ќе има бунар кој се трансформира во аквариум со златни рипки. "Од едната страна ќе биде бунар, а од другата аквариум, каде ќе има 88 златни рипки, колку што имаше години Мајка Тереза. Бунераот и аквариумот симболично го претсавува архитипскиот сон на Мајка Тереза, односно го симболизира бунарот што се наоѓал пред нејзината куќа и со тарнсформацијата во аквариум го симболизира нејзиното прочистување и осветување", велат од Министерството. Во музјскиот дел на спомен куќата ќе бидат изложени скулптури на Мајка Тереза и нејзиното семјество, односно ќе има скулптура на Агнес-Гонџа Бојаџиу како 10-годишно девојче, кое седи на камен и држи гулаб в рака. "Оваа скулптура, како и скулптурите на целото нејзино семејство ќе бидат во реалистична форма. Носечките столбови на објектот пак се направени како апстрактни скулптури на таткото, мајката, братот и сестрата на Мајка Тереза", велат од Министерството за култура. Спомен куќата на Мајка Тереза Министерството за култура ја гради по проект на Вангел Божиновски, а околу неа ќе има уреден двор кој исто како и куќтата зафаќа површина од 600 квадратни метри. Изградбата на куќата почна лани во јуни, а изведувач на градежните работи е ГП"Гранит".

Извор: Вест

Торнадо, кристални завеси и златни рипки во Домот на Мајка Тереза Бунар со 88 златни риби што во подрумските простории ќе се трансформира во аквариум, фасада што ќе биде претставена како стаклена завеса од кристали, торнадо од птици и риби што имаат симболика на мир и на Исус Христос и мозаик од два типа камења во форма на концентрични кругови ќе содржи спомен-домот на Мајка Тереза што се гради на улицата Македонија пред Домот на АРМ. Овие елементи треба да се довршат до 30 јануари, за кога е закажана големата свеченост со која објектот ќе се пушти во употреба. Вангел Божиновски, архитектот според чиј проект се гради спомен-домот, додава дека интересен дел е изградбата на бунарот во дворот на куќата во кој ќе бидат пуштени 88 златни риби, кои ќе ги симболизираат годините на Мајка Тереза, а во подрумските молитвени простории тој ќе се трансформира во аквариум низ кој ќе влегува дневна светлина, која ќе биде основно осветлување на подземните молитвени простории. Од Министерството за култура велат дека официјалната промоција на објектот е закажана за 30 јануари. Тоа требаше да се случи пред новогодишните празници, но беше одложено поради неповолните временски услови и поради најавеното присуство на гости од Милосрдието на Мајка Тереза од Калкута. - При изградбата се појавија проблеми што не беа предвидени, а и временските услови беа лоши, па затоа имаше мало одложување на промоцијата на објектот. На 16 јуни почна изградбата на домот, а целиот проект се работи според идејното решение на архитектот Вангел Божиновски, во соработка со Министерството за култура и со Католичката црква, која дава инструкции за верскиот дел. Со изградбата на ваков објект ќе се привлечат голем број туристи, а со тоа државата се оддолжува на ликот и на делото на Мајка Тереза, како значајна личност што потекнува од градот Скопје - објаснува Анита Јованоска, портпарол во Министерството за култура. Таа додава дека во внатрешноста на објектот ќе има скулптури од Мајка Тереза на десетгодишна возраст, како и дека носечките столбови ќе бидат стилизирани и ќе ги претставуваат нејзините мајка, татко, брат и сестра. Околу куќата ќе се постави мозаик од два типа камења, во форма на концентрични кругови, кои ќе отсликуваат капка што паѓа во вода. Спомен-домот има подрум, приземје и два ката и зафаќа површина од 1.000 квадратни метри, од кои 500 квадрати е куќата околу која треба да се изгради плоштад и парк. Во внатрешноста на објектот покрај изложбениот дел, придружните простории, како мултимедијален простор за камерни претстави и амфитеатар за поголеми претстави, ќе има и простор за изведување миси и духовни чествувања. Градежните работи ги изведува фирмата „Гранит“, која беше избрана на тендер, а се финансираат од буџетот на државата. Првичната идеја била куќата да се обнови на местото каде што се наоѓала, на плоштадот „Македонија“, но таму немало услови за да таа се изгради, а потоа било решено да се изгради пред платото на Домот на АРМ, каде што во минатото се наоѓал католичкиот храм „Срце Исусово“, во кој Мајка Тереза била благословена да тргне на хуманитарните мисии низ светот. За изборот на идејното решение за објектот беа распишани два конкурса, од кои на првиот што беше анонимен победи Португалецот Жорге Манум, а комисијата го оцени проектот на Божиновски како несоодветен, бидејќи не се вклопувал во зададениот простор. Сепак, тој победил на вториот конкурс, кој беше јавен, а во проектот биле направени мали измени. Пред да почне изградбата на спомен-домот имаше остри критики околу изборот на идејното решение на Вангел Божиновски, особено од професорите и студентите на Архитектонскиот факултетот. Тие тврдеа дека неговиот проект асоцира на раскош, а не на скромност, што била главна одлика на Мајка Тереза. http://www.novamakedonija.com.mk/DesktopDefault.aspx?tabindex=1&tabid=2&fCat=1&top=1&EditionID=285&ArticleID=15416

Пун е со симболики овој недокваканиов вангел 


Edited by Cloverstack - 13-Jan-2009 at 15:26

Нема доволно симболика!

Originally posted by lslcrew Izlishno e da komentirame vakvi proekti koga vekje bidna rabotava so drug proekt. Ovoj e kade kade podobar od ovoj shto se gradi, ama ipak ne mi fakja oko. p.s. Sorry za latinicava, pishuvam od linux i neznam kade e kirilicata.

Па не е излишно нишкава ќе остане како сведоштво како можело да биде а како искочило така да е битно да имаме собрано што повеќе материјали.

Што се однесува до овој и другите проекти. Јас сум генерално против овој објект (т.е. објект со таков габарит) на таа локација. Мислам дека ул. Македонија требаше да се дооформи со една солидна зграда како што првично и беше планирано таму и дека се друго се тешки вратоломи. Впрочем тоа ќе ја продолжеше и ул. Луј Пастер која е веројатно една од најкратките во светот вака. Па со таква зграда дури и ќе имаше некаква логика да се насади еден ваков објект позади во тоа што ќе останеше како помало паркче заедно со феудалната кула. Ќе можеше да се направи една целина. На спојката на оваа хипотетичка зграда со онаа што е позади постоечкиот споменик на Мајка Тереза можеше да се остави еден приземен премин (како што ги има карши Хотел Турист ули пак кај Мекдоналдс на рекорд) кој ќе водеше до паркчето а истото ќе беше достапно и од кај кино Култура. Споменикот на Мајка Тереза кој и онака ги привлекува туристите(колку што имам приметено) ќе беше како убава увертира и од таму ќе имаа лесен пристап до едно потенцијално убаво уредено паркче во центарот на Скопје, апстрахирано од гужвата и буката на ул. Македонија со меморијалниот дом на Мајка Тереза и феудалната кула како "атракции".

Originally posted by zabegan извини малце офтопик, Луј Пастер е уличката кaде што ставаат украсна елка, што поминува покрај палата и кината?

Тоа е онаа што почнува од паркингот кај Југобанка и Лотарија и завршува на раксрсницата со ул. Македонија. Теоретски продолжува мислам до домот на АРМ но нема физиономија на улица таму.

Originally posted by Cloverstack @ pbanks Не се слагам дека тогаш зацртаната (сега избришана) зграда требало да се поврзува со постоечката и да се остави само пролаз за пешаци. Тоа е едно плоштадче кое би било глупо така да се затвора, особено што е влез кон дом на АРМ, а и единствена визуелна и пешачка комуникација кон феудалната кула. На крајот на краиштата и маркицата за зградата беше јасна. Таа зграда + една скромна и добро обмислена/вклопена спомен куќа според мене ќе беше идеално решение. Но во меѓувреме зградата се избриша, а спомен куќа се гради според перверзниот проект на вангел!

Да имаш право малку брзоплето го напишав постот и тоа без да го земам во предвид оригиналниот Мал ринг каде таква лепенка не постои и болдираниот дел од погоре. Можеби потсвесно зошто сакам такви пролази .

Сепак тоа не го менува мојот предлог претерано, т.е. ич.

Originally posted by lslcrew Тука за локацијата околу мајка тереза оддамна имав некое размислување да се направи симетрична зграда во однос на таа од карши. Односно да има доле огромен влез, а куќата на мајка тереза да дојде некако позади исто како што штабот на вмро е сега од другата страна. Така споменикот на мајка тереза ќе требаше да се помести малку во десно и да дојдеше на средина од пролазот, а кулата позади да дојде во чео од пролазот, а пак спомен-домот на мајка тереза ќе дојдеше на локацијата кај што сега се збираат металците и ќе беше малку затскриена, а пак лесно достапна. Ако не ме свативте ќе нацртам!

Мислам дека за слично збориме но ако не те мрзи нацртај

Кога веќе анализираме што би било кога би било, никако не можам да се сложам со вас (пбанкс и лсл) дека таму треба да има споени објекти а пристапот до платото да е со некаков пролаз низ згрдата, па колку и да е тој голем и без разлика на комбинацијата на објектите - тоа ништо суштински не менува. А ситуацијата не може да се споредува ни со пролазот од карши ни со оној на рекорд па од таму да влечеме паралели.

Веќе спомнав -  прво не приличи на плоштад да се влегува низ пролаз, тогаш овој плоштад би бил попромашен и од оној новиот во Гази Баба.
Второ не приличи дом на АРМ тотално да се опколи и приодот кон главниот влез исто така да е низ тој пролаз.
Трето, не би сакал феудалната кула комплетно да се затвори и скрие.


Многу повеќе би ми се допаѓало нешто вакво (доколку се врати маркицата за згрдата карши Палата Македонија, но токму вака да биде повлечена то ест не во линија со палатата туку со зградата накај рекорд и со жардињери во линија на веќе постоечките).

И ова е далеку од идеално, ама во постоечките услови, со веќе изграден дом на АРМ таков каков што е, со веќе збутана феудална кула и со спомен куќа која привршува таква каква што е, барем според мене ова е оптимално.