Градилишта

(Фото) Со месеци: Поради бетонирање на градилиште во Центар, родители не можат ни деца во градинка да си остават – рекација нема





Камиони на градилиште секојдневно блокираат влез на градинка во Центар. Граѓаните неколкупати алармирале кај градоначалникот на Општината, Горан Герасимовски, кој пак им посочувал дека се преземени мерки. Но утринава, родителите кои носат деца во оваа градинка, немаат каде да ги паркираат возилата оти паркинг местата се блокирани.

Градинката Наум Наумовски Борче (ул.Борка Талески бр.50) е клон на ЈУДГ ОЦ Кочо Рацин Скопје во Центар. Карши градинката, се градат две згради и секој ден кога ги носиме децата во градинка, има камиони кои ја блокираат целата улицата. Од 7:30 до 8:30 (време кое е наменето за оставање на децата во градинка) неможе да се помине со кола и мораме да наоѓаме место за паркинг во соседните улички и да носиме деца во раце. Од 15:30 до 16:30, работниците најбезобразно низ целиот паркинг ставаат конуси и не ни дозволуваат да се паркираме затоа што ќе вршеле градежни работи“, сведочи Маја Арсовска, чии деца одат во оваа градинка.

Таа посочува дека ова се се случува пет месеци. Дополнително, проблем за градинката создава и бучавата која се зодава.

„И ве замолуваме, кој и да е инвеститор да си постави некаква звучна изолација, секој ден се вршат градежни работи и децата неможат да спијат.
И државата сериозно да подразмисли на едукација на градежните работници, бидејќи вчера двајца работници ме убедуваа дека тоа не е паркинг на градинката додека стоеја под знак за паркинг на кој пишување “Паркингот е наменет за градинката”, додава Арсовска.

„Скопје1“ за овој проблем алармираше кај Герасимовски кон средината на ноември, но и денеска, сликата е иста.

https://skopje1.mk/archives/274299

Хаос со градилиштата: Граѓаните наместо на тротоар по булевар заедно со автобусите и возилата



Во хаотичното живеење во Скопје, каде што автобусите на ЈСП и на приватните превозници, такви какви што се, се единствениот јавен превоз, каде нечистотијата по улиците стана препознатливо градско обележје, а улиците останаа претесни да го примат сѐ поголемиот наплив на возила, она што сериозно ги загрижува граѓаните е и незапирливата изградба на станбени и деловни објекти.

Целиот град е претворен во големо градилиште, се гради буквално во сите општини, во секој нов ДУП се предвидуваат нови градби. Откако советниците во општините ќе ги усвојат плановите, на граѓаните веќе не им помагаат никакви реакции и протести за да спречат каква било изградба. Па, така, во општина Ѓорче Петров, на пример, на просторот спроти пазарчето треба да никнат дваететина згради со височина од 7 до 20 ката.

Но, освен незапирливата изградба во Скопје која градот постепено го претвора во голема бетонска „спална соба“ без доволно вистински паркови, а не мали зелени површини што локалните власти од неразбирливи причини ги нарекуваат паркови, граѓаните реагираат и дека со градилиштата се узурпираат јавни површини.

Лимените тараби што ги оградуваат градилиштата одземаат тротоари, велосипедски патеки, а општинските инспектори сето тоа го толерираат, иако е надвор од парцелата за градба. Велат дека е само привремено решение, а штом заврши градбата, дека сѐ ќе се врати во претходната состојба.

Но изградбата трае и неколку години, како што е на пример случај со градилиштето на булевар Партизански одреди спроти Порта Буњаковец. Таму сосема е одземен тротоарот, а пешаците и велосипедистите се движат по велосипедската патека, протнувајќи се покрај кабастите контејнери, кои исто така се лоцирани на оваа патека. Денеска пак, не беше овозможено ниту движењето на тој простор, затоа што на едната лента беше поставена механизација, која граѓаните мораа да ја заобиколуваат движејќи се на средната лента по Партизанска заедно со автобусите и автомобилите.

Срамно е ова што се случува, ќе испогинеме тука затоа што нема каде да се помине. И никој не реагира. Изведувачите си прават што сакаат, а ако се пожалиме во инспекција, велат дека мора така поради изведување на градежните работи и дека брзо ќе се тргнат. Истото се случува и на улицата зад „Холидеј ин“, а поминете да видите зад Универзална сала како е. На улицата „9 Мај“ има неколку градилишта и како им текне ја затвараат улицата со механизација. Значи, во овој град никој не се грижи за граѓаните – реагира Ема Стојанова, која ја затекнавме токму на оваа локација.



Безбедноста на граѓаните честопати е загрозена поради градежните зафати на изведувачите на објектите. Притоа, никој не се грижи во такви случаи, кога механизацијата е неопходно да биде поставена надвор од градилиштата, да биде овозможен безбеден премин на пешаците, дали со помош на сообраќајна полиција или со редари од градилиштата.

За жал, апелите на граѓаните што бараат поголема безбедност на градските улици честопати не стигнуваат до „ушите“ на локалните власти. Инвеститорите и изведувачите со разни времени одобренија си ги изведуваат потребните активности, додека граѓаните се нервираат. Ним нема кој да им издаде „одобрение“ за безбедно и непречено движење по скопските улици.

https://www.slobodenpecat.mk/haos-so-gradilishtata-gragjanite-namesto-na-trotoar-po-bulevar-zaedno-so-avtobusite-i-vozilata/

Двете згради кои се градат тука се тежок криминал...
Треба слика за да се долови, повисоки се од околните згради за кат...
Со име и презиме треба да се објават сите кои учествувале во носење решенија!

Необезбедени градилишта демнат на секој агол



Сè почесто гледаме неорганизирани и небезбедни градилишта каде што владее општ хаос, опасност од повреди, застој во изведувањето на работите, опасност од пожари, застој во функционирањето на сообраќајот и на околниот простор. Типичен пример е градилиштето на улицата „50 Дивизија“ на влезот на Клиничкиот центар „Мајка Тереза“ од страната на капелата. Во ископаната огромна дупка се почнати градежни активности. Тротоарот на улицата е покриен со земја од направениот ископ, што го попречува нормалното движење на пешаците. Се гради објект, но од она што може да се види, градилиштето не е соодветно оградено и обезбедено. Наместо лимени табли, просторот е заграден со зелена мрежа која на места е и падната. Според Законот за градење, пред почетокот на изведувањето на земјените работи на градежната парцела, инвеститорот е должен да обезбеди обележување на проектираната градба на терен, со соодветни знаци, во спротивно се предвидуваат високи казни



Скопје е елдорадо за градење, но многу малку се посветува потребното внимание на речиси секое градилиште во земјава, особено на локациите со тесни грла или на локации со целосна околна изграденост. Затоа, сè почесто гледаме неорганизирани и небезбедни градилишта каде што владее општ хаос, опасност од повреди, застој во изведувањето на работите, опасност од пожари, застој во функционирањето на сообраќајот и на околниот простор.

Една од темелните фази при изградба на објектите е добрата организација и изработка на шемата на градилиштето, но инвеститорите, проектантите, ревидентите, изведувачите, надзорот и инспекциските служби како да забораваат да ги исполнат своите професионални и законски обврски. Ретко се монтираат заштитни оплати за минувачите и за соседните објекти или соодветни заштитни скелиња за работниците и техничкиот персонал на објектот.

Посебна приказна е транспортот на градежните материјали, особено при транспортот на бетон, цемент, вар, разни малтери, земја, песок и чакал, кога од пумпите за бетон, миксерите за бетон и камионите се истураат многу од набројаните материјали, кои потоа не се чистат и се разнесуваат во околните објекти или преку воздухот се пренесуваат и во подалечната околина.

За чистење и миење на транспортните средства ретко се преземаат активности. Неретко на градилиштата се среќаваат импровизирани електрични приклучоци, кои се потенцијална опасност за вработените и минувачите. Исто така, на повеќето градилишта не се почитува обврската за носење лична заштитна опрема, а нема ниту соодветни информациони табли за градилиштето. Сите овие пропусти и недостатоци придонесуваат за поскапа градба и небезбедна организација на градилиштата, која пак доведува градежната индустрија да биде при врвот по повредени и починати работници, за што одговорност речиси никој и не презема.

Типичен пример на вакво градилиште е она на улицата „50. Дивизија“ на влезот на Клиничкиот центар „Мајка Тереза“ од страната на капелата. Во ископаната огромна дупка се почнати градежни активности. Тротоарот на улицата е покриен со земја од направениот ископ, што го попречува нормалното движење на пешаците. Се гради објект, но од она што може да се види, градилиштето не е соодветно оградено и обезбедено. Наместо лимени табли, просторот е заграден со зелена мрежа која на места е и падната.

Дека инвеститорите не ги почитуваат градежните правила и прописи, како и правилата при градење говори и случајот кога поради непочитување на градежните и безбедносните процедури при градба на зграда, лани пропадна улицата „9 Мај“, зад Универзална сала. На тој начин инвеститорот ги доведе во опасност пешаците, а на соседните објекти им отвори дупки во подрумите, страв и несигурност.

Од градилиштето за зградата беше блокирана половина улица, затоа што беше заградена со лимени табли. Делот од улицата кој беше влезен во градилиштето беше пропаднат, а земјата под асфалтот се свлекуваше. Поради тоа, инвеститорот доби казни од 12.500 евра. Ова градилиште неколку пати беше затворено од градежната инспекција, но инвеститорот на своја рака ги отстрануваше заштитните инспекциски ленти и продолжуваше со градење, не земајќи ги предвид законските одредби и решенијата од инспекцијата.

И не е само тоа, повеќе пати, од страна на Општина Центар беше интервенирано и на градилиштето кај некогашно „Беко“ или ТЦЦ Плаза, каде и покрај тоа што се градеше без дозвола, градежните материјали се оставаа на самата улица. Не само што не се обезбедени градилиштата, не се води сметка ниту за камионите кои излегуваат од нив со правливи и калливи тркала со кои правта и калта ја оставаат на улиците. Наместо тркалата од возилата да се измијат на излезот од градилиштето, тие се пуштаат валкани, иако тоа е недозволиво, бидејќи правта потоа ја дишеме сите ние.

Ништо од тоа не се почитува и покрај тоа што убаво е пропишано во законите за градење и за јавна чистота.

Според член 82 од Законот за градење, пред почетокот на изведувањето на земјаните работи на градежната парцела, инвеститор е должен да обезбеди обележување на проектираната градба на терен, со соодветни знаци. Според член 83 од Законот за градење, изведувачот е должен градилиштето да го загради заради спречување на неконтролиран пристап во него со соодветна ограда на начин што работата во градилиштето нема да ги загрози минувачите. Исто така, градилиштето мора да биде означено со информативна табла која задолжително треба да содржи име, односно назив на учесниците во изградбата, назив и вид на градбата која се гради, надлежниот орган, број и датум на издаденото одобрение за градење, како и назнаката дека се работи за заштитено недвижно културно наследство согласно со закон, ако таа градба е запишана во Националниот регистар на културно наследство.

Со овие закони пропишани се и казните за непочитување на одредбите во нив. Така, во Законот за градење е предвидена глоба во износ од 6.000 до 9.000 евра во денарска противвредност на правно лице изведувач, ако на градилиштето не спроведува мерки за заштита и сигурност согласно со закон, не определи инженер за изведба на градилиште

https://www.vecer.press/%D0%BD%D0%B5%D0%BE%D0%B1%D0%B5%D0%B7%D0%B1%D0%B5%D0%B4%D0%B5%D0%BD%D0%B8-%D0%B3%D1%80%D0%B0%D0%B4%D0%B8%D0%BB%D0%B8%D1%88%D1%82%D0%B0-%D0%B4%D0%B5%D0%BC%D0%BD%D0%B0%D1%82-%D0%BD%D0%B0-%D1%81%D0%B5/