Јавен автобуски превоз (општо)

ЈСП ќе добие нови или ќе добие употребувани автобуси од Белград?

ОД ПОПЛАДНЕВО ЌЕ НЕМА АВТОБУСИ ВО СКОПЈЕ, ЈСП НЕМА ГОРИВО ПОРАДИ ДОЛГ КОН „ПУЦКО ПЕТРОЛ”

Од попладнево нема да има јавен превоз во Скопје оти нема гориво за автобусите. ЈСП „Скопје” има долг кон фирмата добавувач „Пуцко петрол” и поради тоа веќе не се испорачува нафта.

Ќе можат да возат само автобусите на гас, односно 25 возила.

Вработени во ЈСП за САКАМДАКАЖАМ.МК велат дека автобусите веќе почнуваат да се исклучуваат од сообраќај оти во базите нема нафта.

„Во понеделникот имаше мала испорака, но долгот пак не е платен и нафта веќе не се носи во базите во Автокоманда и Ѓорче Петров”, велат вработени во претпријатието.

Од Град Скопје нема никакво соопштение дека градот ќе остане без превоз и дека граѓаните ќе мора да се снаоѓаат за да се вратат дома од работа и училиште.

https://sdk.mk/index.php/dopisna-mrezha/od-popladnevo-ke-nema-avtobusi-vo-skopje-jsp-nema-gorivo-poradi-dolg-kon-putsko-petrov/

BMC турски автобуси, веројатно овој модел PROCITY 12 M CNG

Скопје кубури со автобуси, а привилегијата на бесплатен превоз може да ја изгубат и пензионерите и студентите      

Додека нашата метропола кубури со јавниот градски превоз, со недостиг од автобуси, а скопската градоначалничка, Данела Арсовска, на почетокот од својот мандат вети и ја доби довербата на граѓаните со проектот „Бесплатен превоз за сите“, Белград ќе го реализира тоа од 1 јануари. Не само тоа, туку и до крајот на идната година на градските улици нема да има автобуси постари од две години. Приватните превозници, исто така, се обврзани да купат нови автобуси. Тоа го соопшти градоначалникот на Град Белград, Александар Шапиќ, кој посочи дека е во тек најголемата реформа во јавниот градски превоз и дека во следните три години целосно ќе се обнови возниот парк.

И додека Белград оди напред, Скопје тапка во место. Наместо бесплатен превоз за сите, сега се доведува во прашање и бесплатниот превоз и за пензионерите (вторник, петок, сабота и недела) и за студентите, на кои таквата можност воопшто не им се допаѓа. Реагираа и од Сојузот на здруженија на пензионери на Македонија и од Партијата на пензионери.

Универзитетското студентско собрание при Универзитетот „Свети Кирил и Методиј“ во Скопје упати барање за јавна информација за бесплатен јавен превоз за студентите во 2025 година. Барањето е во име на сите студенти, а, како што велат, го праќаат по бројни прашања и поплаки дека картичките за бесплатен јавен превоз не им се продолжени за 2025 година. Барањето го испраќаат до Драги Кушовски, директор на Јавното сообраќајно претпријатие Скопје; Трајко Славески, претседател на Советот на Град Скопје; Христијан Мицкоски, претседател на Владата на Република Северна Македонија; Весна Јаневска, министерка за образование и наука и Данела Арсовска, градоначалничка на Град Скопје.

Претседателот на Универзитетското студентско собрание на Универзитетот „Свети Кирил и Методиј“, Александар Николоски, изјави дека останува да почекаат одговор од институциите. Доколку не добијат, УСС на УКИМ ќе преземе соодветни реакции и мерки со кои ќе го искаже ставот.

– Смешно е студентите да немаат бесплатен превоз, мерка што е обезбедена десет години по ред од страна на Владата. Навистина не би било во ред за студентскиот стандард – изјави Николоски.

Тој нагласи дека од дел од институциите им било кажано дека нема да има бесплатен градски превоз, додека од ЈСП, во телефонска комуникација, им било одговорено дека сè уште се чека одлука од Град Скопје.

– Одговорот од МОН е дека има предвидено средства, чекаме да се произнесе дали ќе има или ќе нема за веќе да може да им ги продолжат картичките на студентите. Во текот на идната недела, треба да има одговор од институциите – изјави Николоски, нагласувајќи дека доколку останат без бесплатен превоз, една од опциите е да протестираат пред институциите, а друга е да се комуницира и да се притиска мерката да продолжи.

Заменик-министерот за образование и наука, Лулзим Алиу, на одговор на прашањата за проблемот со бесплатниот превоз на студентите во Скопје, колку пари должи МОН и дали се обезбедени средства во буџетот, кој Собранието го усвои минатата недела, упати кај скопската градоначалничка.

– Можам да кажам дека во буџетот за 2025 се предвидени средства за транспорт на студентите, но за тоа ќе треба да се донесе дополнителна одлука од Владата. Буџетот треба да помине на Собрание, да не кажуваме бројки што може да бидат изменети и додека се носи буџетот – рече Алиу.

Пратеничката од ЛДП, Моника Зајкова, повика „институциите да престанат да си ја подаваат топката едни на други“ и, како што рече, „во најкраток можен рок, до крајот на неделава или наредната, да го решат ова прашање на студентите“.

https://www.vecer.press/skopje-kuburi-so-avtobusi/

Originally posted by stef4o Originally posted by Џоле ЈСП ќе добие шест еколошки автобуси, донација од ЕУ Јавното сообраќајно претпријатие денеска добива шест нови еколошки автобуси кои ќе возат на компримиран природен гас. Овие автобуси се донација од Европската унија, преку проектот „ЕУ за чист воздух“. Добиј ги најважните вести, бесплатно на Viber Од Министерството за животна средина и просторно планирање соопштија дека новите автобуси ќе бидат значаен чекор кон намалување на емисиите и подобрување на воздухот, како и промовирање на урбана мобилност во Град Скопје. Примопредавањето на автобусите ќе се одржи во Дирекцијата на Јавното сообраќајно претпријатие Автокоманда. https://www.slobodenpecat.mk/jsp-kje-dobie-shest-ekoloshki-avtobusi-donacija-od-eu/ Згрешен број на шасија ги паркираше шесте нови еко-автобуси Шесте нови еколошки автобуси кои се донација од Европската унија за Градот Скопје, речиси еден месец откако беа промовирани и претставени на јавноста пред бројни политичари и медиуми, останаа паркирани во депото на Јавното сообраќајно претпријатие – Скопје (ЈСП). За тоа, според ЈСП, има најмалку две причини. Првата е тоа што еден од автобусите бил заведен со погрешен број на шасија. Грешката наводно била утврдена откако ЈСП ги презело автобусите. Втората причина за доцнењето е блокираната сметка на претпријатието, што го одложило плаќањето на осигурувањето за новите возила. „Ни беше замрзната сметката поради долг кон „Пуцко петрол“ и затоа не можевме да го платиме осигурувањето за автобусите. Моравме да ја одблокираме. Освен тоа требаше да се допреведат уште некои документи од турски јазик за хомологација. Сега само чекаме да заврши постапката за каско осигурувањето. Во вторник, на седница на совет на град Скопје, како седма точка на дневен ред треба да помине Одлуката за изменување на Одлуката за пренесување на правото на сопственост на 6 автобуси“, велат од кабинетот на директорот. Оттаму додаваат дека е всушност потребно да се изгласа Одлуката во која е наведен точниот број на шасија на автобусот оти внесениот е погрешен. „Тоа го забележавме при увозот“, ни објаснија во кабинетот на директорот Драги Кушовски. Во ЈСП рекоа дека според очекувањата, граѓаните ќе можат да се возат во новите автобуси за десетина дена. Инаку, промоцијата на новите автобуси на метан се одржа на 26 ноември во седиштето на ЈСП – Скопје каде покрај евроамбасадор Михалис Рокас, присутвуваа и градоначалничката Данела Арсовска, вицепремиерот и министер за животна средина Изет Меџити и претставничка на УНОПС во земјата, Микела Телатин. На настанот имаше десетици новинари и сниматели. Донираните еко-автобуси се произведени во Турција. За нив има гаранција две години, а одговорните тврдат дека кај нас има фирма во која би се вршел сервис и која би обезбедила резервни делови ако за тоа има потреба. Автобусите возат на метан и имаат автоматски менувач. Од ЈСП велат дека на возачите нема да им биде потребна обука околу управувањето со нив. Оваа донацијата дојде непосредно по расправијата меѓу Арсовска и ВМРО-ДПМНЕ, кога градот доживеа колапс на јавниот транспорт. Поради поништување на тендерот за набавка на нафта, сите автобуси на ЈСП престанаа да сообраќаат, што предизвика хаос на скопските улици. Автобуските станици беа преполни со патници, улиците блокирани од возила. Потоа, следуваше владина одлука со која му се овозможи на градот Скопје да користи нафта од државните резерви. Еден ден потоа, граѓаните на Шуто Оризари протестираа пред градските бараки, бидејќи 730 дена немаат никаков јавен превоз во нивната општина https://nezavisen.mk/zgreshen-broj-na-shasija-gi-parkirashe-sheste-novi-eko-avtobusi/

Донираните автобуси ќе „остарат“ паркирани, им фали уште каско осигурување

СП „Скопје“ објави јавен оглас на кој бара понуди за каско осигурување на шесте возила, кој е во тек и ќе трае до 23 јануари. Тогаш дури ќе се отворат пристигнатите понуди, па следува законскиот период за жалби, што значи автобусите донирани уште пред два месеца, паркирани ќе го дочекаат и февруари.

Два месеца останаа гаражирани шесте донирани еколошки автобуси, кои според најавите на церемонијата на примопредавањето требаше за една недела да станат дел од јавниот превоз. Сега, како што стојат работите, овие автобуси нема да возат по скопските улици најмалку до крајот на месецов.
Во моментов автобусите сѐ уште не се осигурени, па поради тоа не можат да се пуштат во сообраќај. ЈСП „Скопје“ објави јавен оглас на кој бара понуди за каско осигурување на шесте возила, кој е во тек и ќе трае до 23 јануари. Тогаш дури ќе се отворат пристигнатите понуди, па следува законскиот период за жалби, што значи автобусите паркирани ќе го дочекаат и февруари, доколку дотогаш не се открие дека недостасува уште некој потребен документ пред тие конечно да се пуштат на редовните линии.

Во очекување на понудите од осигурителните компании што треба да понудат меѓу другото осигурување од превртување, судар, удар, лизгање, пожар, удар од гром, експлозија, од последици од снежна лавина и други несакани ситуации што можат да го снајдат автобусот, од ЈСП вообичаено не се огласуваат да соопштат зошто толку долго се одолговлекува со процедурите. Особено што јавно е познато дека секој нов автобус му е неопходен на претпријатието, во услови кога располага со стар и „проретчен“ возен парк.

https://www.slobodenpecat.mk/doniranite-avtobusi-kje-ostarat-parkirani-im-fali-ushte-kasko-osiguruvanje/

Во „подвижните реклами“ на ЈСП, патниците не знаат ни до каде стигнале ни каде да се симнат од автобус



ЈСП има договор за рекламирање со фирмата „Маратон“ потпишан на 10 години, кој важи до 2028 година, во кој очигледно не е забрането со реклами да се залепи целиот автобус. Дали воопшто претпријатието може да влијае врз начинот на рекламирање не е познато, бидејќи оттаму се целосно нетранспарентни кон јавноста.

Во дел од автобусите на ЈСП чувството е како да се возиш во затворена конзерва, во која патникот нема ориентација до каде стигнал на својот пат до саканата одредница. Автобусите што се подвижни реклами, облепени и преку прозорците, создаваат непријатно чувство кај патниците, кои мораат да ѕиркаат низ прозорецот на возачот за да видат дали се ближи нивната станица или можат да видат каде се дури кога на станица ќе се отвори вратата.

Неодамна случајно бевме сведоци кога жена, зборувајќи на телефон, на својот соговорник се обидуваше да му каже каде се наоѓа во моментов. Откако безуспешно се обиде да види нешто преку прозорецот, потстана па го отвори прозорчето и ѕиркајќи констатира дека автобусот поминува покрај Соборниот храм.

Не знам кој им дозволува со рекламите да ги покријат сите прозорци, зарем не е доволен останатиот дел од автобусите што нема да им пречи на патниците. Ужасно е чувството кога се возам во таков автобус, човек е комплетно дезориентиран. Особено е лошо кога е гужва во возилото, па не може да се види ниту преку шофершајбната. Ги бројам станиците за да знам кога треба да се симнам. А што е со луѓето што не го познаваат доволно градот и кои се ориентираат по некои знаменитости или познати објекти? Ова е навистина недозволиво и никому ништо. Никој ништо не презема за да им се овозможат на граѓаните нормални услови за превоз – вели револтиран граѓанин.

Од ЈСП „Скопје“ како и на многу други прашања, не одговараат ниту на тоа кога ќе престане практиката да се лепат реклами на автобусите што ги покриваат целите прозорци, од кои луѓето не можат да видат до каде се стигнати додека се возат во автобус.

Колку за потсетување, ЈСП има договор за рекламирање со фирмата „Маратон“ потпишан на 10 години, кој важи до 2028 година, значи уште цели три години, во кој очигледно не е забрането со реклами да се облепи целиот автобус. Дали воопшто претпријатието може да влијае врз начинот на рекламирање исто така не е познато, бидејќи оттаму се целосно нетранспарентни кон јавноста или едноставно, не се грижат за проблемите што ги имаат патниците иако тие јавниот превоз не го добиваат бесплатно туку уредно си плаќаат за услугата.

Друг проблем со кој се соочуваат граѓаните што секојдневно користат автобуси е нечистотијата на возилата – и однатре и однадвор. Ретки се тие во кои има пристојни услови за транспорт. Кај некои автобуси надворешноста е толку валкана, што иако на прозорците нема реклами, низ нив не се гледа од нечистотија.

Во врска со ова, од ЈСП досега повеќепати посочиле дека секојдневно се одржува хигиена во сите возила што се пуштаат во сообраќај, дека автобусите се мијат надворешно на крајот од денот и се собира ѓубрето од возилото, но притоа никогаш не забораваат за нехигиената во автобусите да ги обвинат граѓаните кои, како што тврдат, се однесуваат несоодветно во однос на хигиената. Но, доколку возилата се мијат секоја вечер, тогаш како успеваат да наталожат толку нечистотија до првата станица?



Многу недостатоци и проблеми има со јавниот превоз во изминативе две години. Состојбата со редовноста малку се промени откако пред два месеца почнаа повторно да возат приватните превозници, што значи патниците повеќе не чекаат по цел час на автобуските станици. Но, сѐ друго останува исто – истиот стар возен парк, „прикрпени“ автобуси возени со децении, некои со издупчени каросерии, со расипани трепкачи и задни светла, со броеви на линии испишани со маркери на хартија.

Утрово, на пример, на булевар Партизански одреди автобус на линија 7 ги истоварил патниците со објаснување дека автобусот се расипал, иако според патниците, автобусот не покажал такви „знаци“ додека се возеле.

Потоа, еден од контролорите, кои исто така беа присутни во 7-мицата, му „мавна“ на еден од автобусите што поминуваше, кој застана на средната лента на булеварот, ги отвори вратите и ние се протнувавме меѓу автомобилите за да се качиме и да стигнеме навреме на работа. Значи, ужасно е ова што се случува со превозот, не ги интересира безбедноста на патниците. Ќе настрада некој поради нивните импровизации – раскажува еден од патниците за вчерашната случка.

Непроменет останува и односот на некои од возачите кон граѓаните, кои за многумина е многу понижувачки.

На станицата кај Рекорд во правец кон Центар речиси ниеден автобус не застанува точно на станицата, на која редовно чекаат многу граѓани. Продолжуваат да возат уште 20-ина метри и повеќе после станицата и тогаш ги отвораат вратите и луѓето се принудени да трчаат по автобусот за да влезат во него. Па кој стигне, стигне. Срамота, ај што мора да ги чекаме, ај што им се „крш“ автобусите, па уште си поигруваат со нас – вели Дејан Б. од Ѓорче Петров.

https://www.slobodenpecat.mk/vo-podvizhnite-reklami-na-jsp-patnicite-ne-znaat-ni-do-kade-stignale-ni-kade-da-se-simnat-od-avtobus/

Вчера ги видов новите екоавтобуси пуштени во сообраќај.

Еве, две фотки од Слободен печат:





статијата

https://www.slobodenpecat.mk/gragjanite-konechno-gi-probaa-doniranite-avtobusi-sega-gi-ochekuvaat-stotinata-shto-gi-veti-vladata/

Edited by Џоле - 04-Feb-2025 at 09:58