Спомен куќа на Мајка Тереза

Споменикот на Мисирков е кич

Не е проблем да се направи лоша скулптура на Мисирков, проблем е да се симне!

Мајка Тереза беше личност што ги врзува луѓето. За жал, светот се' уште не е способен вистински да ги разбере овие луѓе. Да можеше, светот не би бил ваков, вели скулпторот и академик Томе Серафимовски, кој повеќе години тематски ја обработува светата жена. Неговата бронзена скулптура поставена пред Домот на АРМ ќе стане дел од културниот комплекс посветен на Мајка Тереза. Спомен-домот посветен на големата хуманистка и нобеловска денеска ќе биде свечено отворен. Академик Серафимовски зборува за нејзиното дело, за своите дела, за повеќе актуелни теми.

* Скулптурата на Мајка Тереза пред неколку години беше откриена пред Домот на АРМ. Што Ве поттикна да ја изработите?

- Човекот како мотив е моја животна определба, за мене е почеток и крај. Мајка Тереза е еден синоним на човештво, благородност, духовност, на човек што му помага на светот и на луѓето. Никогаш во животот не сум ја сретнал Мајка Тереза. Не ја познавав. Но, за неа сум слушнал одамна, уште пред 45 години. Кога почина, јас и мојот пријател Трифун Костовски се договоривме да ја одбележиме годишнината од нејзината смрт. Решивме на Скопје да му подариме една скулптура, споменик на Мајка Тереза. Заедно ја работевме скулптурата - тој го плати материјалот, а јас се откажав од хонорар. Потоа дојде време да се одбележува 20-годишнина од збратимувањето на Скопје и Нирнберг. Тогашниот градоначалник, Ристо Пенов, ме праша дали е можно да излееме еден примерок од Мајка Тереза, да му го подариме на Нирнберг и да го одбележи?е јубилејот. Костовски и тогаш се согласи да ја плати бронзата, а јас пак се откажав од хонорарот. Тие две скулптури им ги подаривме на Скопје и на Нирнберг.

* Каква симболика има за Вас Мајка Тереза?

- Таа е личност што ги врзува луѓето. Кај нас се појави многу невкусна работа меѓу Македонците и Албанците. Мајка Тереза не е Македонка, туку е Албанка, таа не е ваша, туку е наша... Оваа идеја ниту ми е блиска како човек, ниту како филозофија, ниту е блиска на делото и личноста на Мајка Тереза. Таа треба да биде лигамент на спојување на луѓето, а не на нивна делба. Иако е родена во Скопје, денес таа е Мајка Тереза од Калкута. Цел живот таа им служела на луѓето во Калкута.

* Денеска свечено ќе биде отворен Спомен-домот на Мајка Тереза, кој со Вашата скулптура треба да прерасне во културен комплекс во центарот на Скопје. Сметате ли дека Македонија достојно го одбележува делото на Мајка Тереза?

- Порано имав идеја скулптура на Мајка Тереза да биде поставена на плоштадот Македонија, да биде висока десетина метри и да биде симбол на Скопје. Со тоа ќе станевме препознатливи во светот и Мајка Тереза ќе го добиеше своето вистинско име. Спомен-домот, овој проект и објект може да го задоволи окото на обичниот граѓанин. Но, јас сум скулптор со изострен архитектонски вкус. Многу е опасно и ризично да се мешаат традиционалните стари и новите материјали во архитектурата. Среде Лувр, објект од 18 век, е поставена пирамида од стакло. Французите 60 години размислуваа како да ја постават. Спомен-куќата на Мајка Тереза ја направија за нецела година. Тоа значи дека ние сме добри градители, работиме се' преку ноќ.

Но, има судир на многу материјали. Нека ми простат архитектите ако грешам, но тие материјали се неинтегрални, не виреат еден со друг, си пречат. На пример горниот дел е целиот од стакло, кое не е дефинирано. Не е чисто стакло, ниту е витраж. Под стаклото има еден многу стар наш, рустичен камен, кој е доминантен. Има и неколку добри детали. Објектот може да се спаси со одредени интервенции, но архитектот треба да има доблест да прифати дека скулптурата, архитектурата се колективни работи. Не е доволно скулптурата само мене да ми се допаѓа, таа треба да им се допадне и на луѓето. 

http://www.dnevnik.com.mk/?ItemID=46CDD1C992F2EC46BBB4AC3D94F8D76B

Тој на присутните им откри една тајна дека со помош на Католичката црква се донесени дел од моштите на Мајка Тереза, кои ќе бидат сместени во куќата.

Министерката за култура Елизабета Канческа Милевска, рече дека Мајка Тереза со своето дело, со благородната духовна и световна мисија е богатство на нашата современост кое му припаѓа на човештвото и цивилизациите.

“Овој проект е голем придонес за македонската култура и историја. Овој Спомен дом е најубав дар за светот, посветен на малата жена со големо срце, која со своите дела во текот на животот стана Светица, вели министерката.

Инаку, спомен куќата е изградена на некогашната “Поп Кочина улица“ каде што се наоѓале католичката црква “Пресвето срце Исусово“.

Бискупот скопски и апостолски егзарх за Македонија, Киро Стојанов, кажа дека овој Спомен дом на блажената Мајка Тереза и божји храм во него, ќе биде знак на нашето заедништво и посвета како да ги живееме божјите дарови, дарот на вербата, светлината и љубовта. Мајка Тереза го помина својот живот потврдувајќи го и вреднувајќи го животот на другите.

“Амбасадата на САД им честита на граѓаните на Македонија за отворањето на меморијалниот дом во чест на Мајка Тереза. Таа претставува пример за сите нас и за тоа што се една личност може да постигне кога го посветува целиот свој живот на потребите на другите. Ова е голем ден за сите граѓани на Македонија, а особено е значаен за етничките Албанци кои претставуваат важен дел од силата и богатството на оваа земја. Колку повеќе Македонија го признава и го прифаќа своето мултиетничко наследство, толку повеќе таа ќе има успех да обезбеди најдобра можна иднина за своите граѓани. Ние во Соединетите Држави се гордееме со нашето многу разнобразно наследство и затоа, особено задоволство е да се види овој прекрасен меморијален дом“, соопшти Амбасадата на САД во Скопје.