Реставрациja / Реконструкциja

Message Topic Search Topic Options Post Reply Create New Topic Printable Version

Скопје ги губи калдрмите зашто се тешки за одржување

								Автор:  Бојана Стојчевска

								Улиците
покриени со калдрми, карактеристични за 50-тите и 60-тите години на
минатиот век, денес ги има сè помалку. Пред катастрофалниот земјотрес
во 1963 година, поголемиот дел скопски улици биле со коцка, а само 38
од нив се останати досега. Иван Ставрев, техничкиот директор на јавното
претпријатие „Улици и патишта“, истакна дека овие улици сè помалку се
сретнуваат во нашиот град бидејќи нивното одржување е посложено,
потешко, но и поскапо. Најголема улица од ваков тип е плоштадот
„Македонија“, со површина од 15 илјади квадратни метри, а најмлада е
Македонска војска со 840 квадрати. Постарите скопјани, но и тие што
сега се во своите средни години, велат дека во нивната младост
поголемиот дел, односно околу 90 отсто, улици биле во коцка, како што
некогаш биле улиците Водњанска, 11 Октомври, Кузман Јосифовски Питу,
Мито Хаџивасилев Јасмин, Гоце Делчев и многу други. 

САМО 38 УЛИЦИ ИМААТ КАЛДРМИ

Коловозите
во градот зафаќаат 1,3 милион квадратни метри, а од нив 184.590 им
припаѓаат на улици со површина од коцка, калдрма и травертин. За
улиците што се наоѓаат во надлежност на градските власти, како
асфалтираните така и оние од коцка, калдрма и травертин, се грижи
јавното претпријатие „Улици и патишта“ и тие зафаќаат должина од 73.900
квадратни метри. Нивното одржување е малку потешко од она на
асфалтираните улици. 

Иван Ставрев објасни дека од вкупно 38
вакви улици на подрачјето на Скопје во нивна надлежност спаѓаат 12, од
кои три во општината Гази Баба, по една во Карпош, Чаир и Кисела Вода и
шест во Центар. Тој додава дека нивното одржување е различно отколку
кај обичните улици.

- Разликата е во тоа што овие улици се
санираат на различен начин, односно за нивната долготрајна употреба е
потребно често да се набљудуваат. Санацијата се врши по налог, најпрво
се вади коцката, а потоа се тампонира делот, се става ситен песок за на
крајот таа повторно да се нареди. Нивното одржување е многу поскапо од
тоа за асфалтираните улици. Наш приоритет се улиците во градското
подрачје, а за оние што се под надлежност на општините тие самите треба
да се грижат за нив - објасни Ставрев.

Од општините, Центар е
таа што на своето подрачје има најмногу калдрма, односно 26 улици, а во
Бутел и во Аеродром воопшто ги нема. 

Момо Николовски,
портпаролот на општината Ѓорче Петров, истакна дека кај нив имало само
три коловози со калдрми, кои претставувале историски дел на општината.

-
Не планираме да ги асфалтираме бидејќи тие за нас претставуваат
историски дел, односно некогаш на овие улици било корзото каде што се
забавувале младите. Не сакаме да го уништиме овој дел и затоа планираме
тој да остане таков каков што е и нашите жители да можат во секој
момент да се потсетуваат на нивната младост и деновите што ги имаат
поминато низ овие улици - изјави Николовски.

КАЛДРМАТА БУДИ СПОМЕНИ КАЈ СТАРИТЕ СКОПЈАНИ

Повозрасните
скопјани се сеќаваат дека градот изгледал многу поинаку во нивната
младост. Калдрмите биле дел од нивниот живот, корзото што тогаш било
главното собиралиште и муабетите водени на него го претставувале
ноќниот живот што тогаш постоел.

- Речиси 90 отсто од улиците
тогаш беа калдрми. Сите се среќававме на корзото, кое и сè уште е
калдрма, каде во попладневните часови им немаше крај на муабетите и на
убавите глетки на градот. Улиците со коцка ги имаше насекаде, покрај
Собранието, кејот, кај Арапската куќа. Тие беа на некој начин заштитен
знак на нашиот град. Многу од нив повеќе ги нема, како оние на улиците
Водњанска, 11 Октомври, Гоце Делчев, Мито Хаџивасилев Јасмин, Кузман
Јосифовски Питу и многу други - изјави Александар Стојановски, жител на
центарот. 

Меѓу ретките улици во централното подрачје каде што
сè уште има калдрма се третиот дел од улицата Македонија кај Старата
железничка станица, Црвена скопска општина пред црквата „Свети
Димитрија“ и дел од Самоилова кај Калето.

http://www.novamakedonija.com.mk/DesktopDefault.aspx?tabindex=1&tabid=2&fCat=1&top=1&EditionID=326&ArticleID=18931