Црква на Плоштад Македонија

Апсолутната победа на последните избори ù дава полно право на партијата во вентарот на Скопје да се изгради православната црква со пари од буџетот

 соопштија денеска од партијата на Груевски. „На овие избори ВМРО-ДПМНЕ се здоби со голема поддршка од страна на граѓаните со од прилика 500 илјади гласови, а со тоа и нивната поддршка тука на ова место да се изгради православниот објект со буџетски пари“, се вели во соопштението на ВМРО-ДПМНЕ. Од оваа партија се споменуваат неколку од причините зошто треба да се изгради црквата. Била урната по катастрофалниот земјотрес од тогашните комунистички власти кои со репресивни средства ги казнувале сите кои мислеле поинаку. Ако државата ја урнала оваа црква, тогаш државата мора да ја изгради, се вели во реакцијата на ВМРО-ДПМНЕ. Оттаму не ги споменаа многуте џамии урнати во комунизмот. Џамиите во реакцијата на партијата се  спомнуваат само на едно место и тоа во делот каде се наведува оти актуелната, како и претходните влади досега финансирале верски објекти, изградба на крстот на Водно, црквата на Плаошник, изградба на илјадници други цркви, манастири како и џамии во Република Македонија. И новоизбраниот градоначалник на општина Центар од редовите на оваа партија денеска рече дека е одлучен црквата да се изгради. Според него, изградбата е дел од урбанистичкиот план на општината, но не и изградбата на Бурмали џамијата што ја бараат 38 невладини исламски организации заедно со ИВЗ.

“Не сум размислувал да бидам искрен. Јас сум должен да го реализирам урбанистичкиот план, тој е донесен и моја должност е да постапувам по него. Во тој урбанистички план не е предвиден верски објект на тоа место и во мојот мандат сходно програмата треба почне реализација на урбанистичкиот план“ изјави   Тодоровиќ – новоизбран градоначалник на општина Центар
Изјава на мак

Оваа џамија ја урнале властите на кралска Југославија во 1925 година, а на нејзино место бил изграден Офицерскиот дом. Градоначалникот Тодоровиќ по денешното конституирање на новиот општински совет најави и дека наскоро на плоштадот ќе се постави и планираниот споменик на Александар Македонски.