Скопски сообраќај (општо)

Ниту еден од капиталните градежни проекти на Град Скопје најавени уште минатата година во нивниот акциски план не е завршен. Се уште се работи на булеварот Гоце Делчев, бавно оди и проширувањето на крстосницата кај „Тутунски комбинат“, а не е завршена ниту клучката во форма на детелина кај Бит-пазар. Пред четири месеци надлежните велеа дека проширувањето на булеварот Гоце Делчев ќе го продолжат со реконструкција на пешачките острови на крстосницата кај Судска палата, за да се исправи линијата на движење на таа крстосница и да се овозможи булеварите Гоце Делчев и Крсте Петков Мисирков да се вкрстат под агол од 90 степени. Но потоа се најдоа оправдувања дека е зима и не е почната градежната сезона, па следеа избори, за на крај повторно и пролетните дождови да се искористат како пречка за завршувањето на работите. Сега градските власти повторно уверуваат дека булеварот Гоце Делчев е во завршна фаза. - Останува само финото асфалтирање на приклучоците кон МТВ и поставувањето на семафорската сигнализација на новоформираната крстосница меѓу Универзитетот и МТВ. Бидејќи се работи за асфалтирање на главниот слој на приклучоците и делот од крстосницата, неопходно е истото да се направи во услови кога основниот слој е сув. Деновиве ќе почне инсталирањето на семафорските светла “ објаснуваат од Градот. Со оваа реконструкција е поврзано и проширувањето на автобуската станица пред влезот во трговскиот центар „Мавровка“, која стои раскопана цела зима. Општинските власти од Чаир лани почнаа да го уредуваат просторот и ја оставија недовршена постојката со изговор дека треба да ја направи Градот заедно со проширувањето на булеварот Гоце Делчев. Сега градските власти објаснуваат дека, сепак, автобуската станица треба да ја уреди Општината, но дури откако ќе завршат работите на булеварот. За проширувањето кај „Тутунски комбинат“ надлежните велат дека се одвива според предвидената динамика. - Проблем е што се чека на дислокација на подземните инсталации, кои се обврска на ЕВН. Градоначалникот Коце Трајановски со раководството на компанијата го договори реализирањето на оваа нова обврска на сите локации каде што Градот реализира проекти и проблемот е решен. Со дислокацијата на инсталацијата ќе може да се пробие целата траса и да се тампонира, а потоа ќе се асфалтираат новите ленти кои се прават во моментов - објаснуваат од Град Скопје.

Се асфалтираат детелинката и раскрсницата кај Тутунски

Градежните работи се одвиваат без прекин на сообраќајот, поради што секојдневно има нов режим

Сања Наумовска

ЗАПОЧНА РЕКОНСТРУКЦИЈАТА НА УЛИЦАТА ТОДОР ЧАНГОВ

УЛИЦАТА ПРЕД ГРАДСКИОТ СТАДИОН СО МЕСЕЦИ ОСТАНУВА РАСКОПАНА

Раскопани дупки, извадени коцки, крпеници… Вака изгледа улицата пред Градскиот стадион на влезот на Градскиот парк.

Уште пред неколку месеци улицата беше раскопана поради менување на кабли, но по завршувањето на работата никој не најде време и начин да ја врати барем во првобитната состојба. Ниту оние кои ја раскопаа, ниту општината. Граѓаните се револтирани. Велат како може една толку фрекфентна улица да биде оставена во ваква сосотојба.

Наспроти ова, подобрување во општина Аеродром. Улицата Тодор Чангов која со години беше заборавена од претходните градоначалници, од денеска добива нов лик.

Како што посочи и министерот за транспорт и врски и останатите градоначалници треба да го следат овој пример и да ги исполнат ветувањата пред граѓаните.