Железнички станици

a za liftot ne pisuvase nisto

koga bev u skopje na zeleznicka stanica na televizorot kade se prikaziva vozniot red(vozot za kocani trgina vo 18:00 ova e primer), tamu namesto da sedi VELES pisuva TITOV VELES sega neznam dali e smeneto

Елена Мачевска


Мирисот на мувла и на фекалии им посакува среќен пат или добредојде на илјадниците патници кои секојдневно поминуваат низ мрачните и недоволно осветлени простории во скопската железничка станица. Излупените ѕидови од влага, старите искршени и извалкани плочки им покажуваат на домашните, но и на странските патници, кои со воз пристигнуваат во главниот град, дека во станицата времето застанало пред триесетина години. Ужасната состојба во која се наоѓа железничката станица ја надополнуваат валкани и расипани врати, непроветрениот воздух, прав и нечистотија, а во секој агол може да се забележи надвисната пајажина. Најпосетувано место во холот на железничката станица е просторот кај билетарниците. Откако патниците ќе купат билети треба да поминат по искршените скали што водат до чекалниците, додека подвижните, кои биле направени за полесен транспорт на багажот, веќе со години не работат. Луѓето се принудени да ги влечкаат куферите по скалите и да се обидат да најдат празно место во чекалницата, каде што дел од столчињата или се извадени или искршени. Додека чекаат возот да тргне, доколку имаат потреба да одат во јавниот тоалет, каде буквално се е запуштено, мувлосано и распаднато, за влез ќе мора да платат по 10 денари. На пероните, пак, има само неколку дотраени клупи, неколку бетонски канти за отпадоци и ‘рѓосани светилки. Поради ваквата очајна состојба во која се наоѓа скопската железничка станица, граѓаните кои што секојдневно патуваат се гневни од игнорантскиот однос на институциите кон оваа станица. - Десетина години, речиси секој ден патувам од Велес за Скопје и обратно. Цела деценија, никој не се сети дека треба да изврши целосна реконструкција на станицата и да ги подобри условите за патниците - вели Тони од Скопје. Од ЈП „Македонски железници“, тврдат дека веќе имаат изготвено проект за целосна реконструкција на железничката станица, со кој, како што велат, се надеваат дека ќе добијат средства во висина од околу 1.200.000 евра од претпристапните европски фондови. - Доколку овие средства ни бидат одобрени, ќе почнеме со реконструкција на станицата, која во секој случај е капитален проект за чија реализација е потребно доста време и средства - информира Љупчо Арсов, раководител на проектантското биро во ЈП „Македонски железници“. Станицата е изградена во 1980 година, а била проектирана од јапонски архитект Кензо Танге. Оттогаш до денес ништо не е реновирано, а просторот под транспортниот центар и покрај многубројните најави, се уште не е завршен.