Од регионот

„Косова А“ пак се враќа во погон

По 18 години неработење, ќе се активираат блоковите А1 и А2 на термоцентралата. По ремонтите и инвестицијата од 50 милиони евра, двата блока ќе произведуваат над 240 мегавати електрична енергија на час

Косовската влада и косовската електрокорпорација КЕК по 18 години неработење ја разгледуваат можноста да се врати во погон блокот А1 од термоцентралата „Косова А“. Откако ќе се се обезбеди трансформатор, во функција ќе бил ставен и блокот А2. По ремонтите и инвестицијата од 50 милиони евра, двата блока ќе произведуваат над 240 мегавати електрична енергија на час. Со овие инвестиции се очекува да се намали количината на увезена енергија. КЕК и' должи електрична енергија на Албанија.

Во исто време косовската влада одлучи овие два блока, заедно со другите три, да не ги користи по 2015 година. Но, управата на КЕК пресмета дека овие капацитети може да се користат се' додека не се отстранат.

КЕК е во процес да го врати во погон и блокот А4 кому му недостига еден трансформатор, за кој се очекува да пристигне набрзо. Со враќањето во погон на А4, кое се очекува во декември, ќе се добијат уште 120 мегавати на час.

Портпаролот на КЕК, Виктор Бужала, за весникот „Експрес“ вели дека овие активности се планирани и набрзо се очекува да се реализираат.

- Блоковите А3 и А5 се во функција и произведуваат околу 240 мегавати заедно, а се разгледува можноста по цели 18 години да се реактивираат А1 и А2 - вели Бужала.

ТЦ „Косова А“ има пет производствени единици. Турбината на А1 не е ремонтирана 18 години и како таква се смета дека не е безбедна за работа. Блокот А2 поради оштетување на блок-трансформаторот е вон функција.

- За блоковите А1 и А2 се разгледува можноста за нивно реактивирање. Блокот А3 е во состојба на работа и произведува енергија во сите изминати години со капацитет од 120 мегавати. Врз блокот А3 деновиве се изведува планирана годишна ревизија која ќе трае 30 дена - вели Бужала.

КЕК во функција ги има блоковите А5, А3, Б1 и Б2 кои даваат над 600 мегавати заедно. Б1 и Б2 прозведуваат до 530 мегавати на час. „Косова Б“ е во многу добра состојба. Од друга страна, Владата одлучи пред два месеца еднаш-засекогаш да ја избрише од земјата ТЦ „Косова А“. ТЦ „Косова Б“ ќе се приватизира, а во 2015 година ќе заврши изградбата на ТЦ „Косова Ц“.

Вера Тодорова

RWE mulls withdrawal from Belene nuclear station - report

Ердоган - „Набуко“ нема да биде успешен без Иран

Изградбата на атомската централа „Белене“ во Бугарија, доверена на руската компанија „Атомстројекспорт“ ќе чини најмногу 6,5 милијарди евра, сметајќи го и можниот скок на цените поради инфлација, оцени шефот на руската државна корпорација „Росатом“ Сергеј Киријенко, во интервју за бугарскиот весник „Стандард“.
Киријенко смета дека неодамна проценетата сума од 10 милијарди евра и повеќе, во најмала рака, не е коректна.
- Поаѓајќи од написите на медиумите, сфатив дека во цената на изградбата на нуклеарната централа одделни колеги вклучуваат трошоци што не се во никаква врска со трошоците за градење - истакна Киријенко, прецизирајќи дека, на пример, каматите за сервисирање на кредитот немаат ништо со изградбата бидејќи тоа се ризици на инвеститорот.
- Во цената на атомската централа, исто така, никогаш не се вградуваат трошоците за пренос на мрежа и објекти неопходни за приклучување на енергетскиот систем на земјата - рече Киријенко.
Фиксната цена на договорот, кој го потпишаа „Атомстројекспорт“ и Националната енергетска корпорација на Бугарија е 3,997 милијарди евра, а со договорот е предвидена и формула по која е можно да се направи корекција на таа цена - укажа Киријенко.
Според прелиминарните пресметки на „Росатом“ цената на електричната енергија од нуклеарната централа „Белене“ е проценета на 4,5 евроценти за еден киловат-час, но Киријенко потсетува дека централата ќе почне да остварува профит дури во 2015 и во 2016 година.
До тогаш цената, според најпесимистичките процени, ќе изнесува шест евроценти за киловат-час.
- Лично сметам дека најреални се процените на цената од осум до 12 евроценти, колку што прогнозира Европската унија, која цената на електричната енергија од бугарската нуклеарна централа ја проектираше на околу десет евроценти за киловат-час - заклучува Киријенко.
Постојните прогнози до 2015 година, кога се очекува почеток на работата на атомската централа „Белене“, предвидуваат дека на Балканот, па дури и со бугарската нуклеарна централа, ќе недостигаат енергетски капацитети со интензитет од 1.500 до 2.000 мегавати.