ВАНДАЛИЗМОТ ГО УНИШТИ ПЛАНИНАРСКИОТ ДОМ

„Бреза“ стана пансион за коњи

Домот се наоѓа на 1.200 метри надморска височина, среде букова шума и тука до пред некоја година доаѓаа гости не само од Македонија туку и странци

Реа од лепешки од коњи се шири во запуштениот планинарски дом „Бреза“, на падините на истоимената планина, кој е само на половина час од Велес. Невремето го откорнало покривот, па сега горниот кат е под ведро небо. Напуштениот објект се уништува и се распаѓа, а само до пред некоја година тука доаѓаа планинари не само од Македонија туку и пошироко од Балканот. Тоа е одлично место, за само половина час да се избега од Велес и од градската врева.

- Домот почна да се уништува пред четири-пет години кога беше оставен од сопствениците. Целиот имот, креветите, кујната, бањата, е разграбан. Сега, откако и кровот падна, постои опасност и објектот да се сруши од влага. Тука лете имаше толку гости, што откако се' ќе се исполнеше, тие спиеја под шатори по околните ливади. Имаше планинари и од Словенија, Хрватска, Војводина - вели Митат Лимани, кој во околината има сеча за дрва, а чува и коњи со кои дрвата ги транспортира.

Тој, заедно со уште неколкумина пријатели, спие во соседниот дом, сопственост на ЕВН-ЕСМ, кој не е во толку лоша состојба, но гости и тука нема. И кога температурата во Велес минува над 30-тиот степен, тука е пријатно и свежо. За да оживее домот кој се наоѓа на 1.200 метри надморска височина, среде букова шума и папрат, потребно е да се поправи земјениот пат кој дождот и водата го уништиле, а објектот целосно да се реновира што побрзо.

- Проблемите со домот „Бреза“ почнаа по воениот конфликт од 2001. Се' до 2004-та имавме домар во викендите, но во текот на неделата кога таму немаше никој, од непознати сторители се разграбуваше имотот и опремата. Попусти беа нашите напори да го сочуваме она што го имаме. Бевме немоќни да сториме нешто. За грабежите го информиравме СВР Велес, но не беше пронајден ниту еден разбојник, па бевме принудени да го напуштиме - вели Јован Павлов, претседател на ПСД „Солунска глава“, во чија сопственост е домот заедно со домот на Чеплес.

Домот „Бреза“ има вода, струја, инфраструктура, се наоѓа на само 30 минути од Велес. Сликата околу домот е лоша, но околу се чувствува планинскиот воздух и има прекрасен поглед кон велешката котлина. Мирисот на планинските цвеќиња ја дополнува идиличната слика на планината. Домот е уништен, но не и надежта дека повторно може да заживее, велат планинарите..

http://www.dnevnik.com.mk/?ItemID=5CB56EDC404F7A4B956361F0C87B2D8D

Паркиралиштата узурпирани за мини-автопазари

Паркингот и тротоарите кај „Три бисери“ и паркиралиштето во близина на „Алумина“ се едни од дивите мини-автопазари

Сопствениците на автомобилите ги користат јавните паркинзи како изложбени салони

Десетина предмети, повеќето оригинали, кои се во куќичките на реконструираната праисториска населба на водите на Охридско Езеро, позната како Музеј на вода, се комплетно уништени од посетителите на археолошката туристичка атракција во текот на летната сезона, велат од Управата за заштита на културното наследство.
Се работи за керамички садови, накит, орудија, садови за домаќинство и декоративни предмети од праисториско време, од 1200 до 800 година пр.н.е, кои за време на подводните истражувања беа пронајдени во Охридско Езеро, на местото каде што некогаш се простирала наколната населба, а потоа беа изложени во реконструираните наколни куќички во автентичен амбиент.
Кузман вели дека посетителите на Музејот на вода, и домашни и странски, кои во огромен број го посетуваа наоѓалиштето во текот на летото, немале соодветен однос кон изложените експонати, кои се вредни археолошки парчиња.
- Некои ќе скршат вреден наод, па ќе избегаат. Други, пак, играат со животинските кожи, кои се дел од внатрешниот амбиент на куќите, ги ставаат на глава, се забавуваат, се сликаат со нив. Се на се, ниту малку не се однесуваат како со вредни археолошки парчиња - вели Кузман, нагласувајќи дека варварското однесување на дел од домашните и на странските посетители прави голема штета.
Како резултата на безобразното однесување, археолозите имаат дополнителна работа - да ги коригираат оштетените наоди.
- Тоа одзема многу време, енергија, а и пари - вели Кузман, потсетувајќи дека праисториската наколната населба на Охридско Езеро, неколку месеци по нејзиното отворање во декември 2008 година, стана најпосетуваниот културен објект во Македонија.
Поради варварско однесување, пред неколку месеци иста судбина ја снајде и реконструираната неолитска населба Тумба Маџари, каде што е изложен еден од најпознатите домашни археолошки пронајдоци, статуетката на Големата Мајка. Таму беа демолирани двете колиби, беа искршени керамички садови, статуетки со праисториски божества, разбои и друго.

http://www.vreme.com.mk/DesktopDefault.aspx?tabindex=0&tabid=1&EditionID=1822&ArticleID=122510