Возен парк (ЈСП - двокатни автобуси)

Елена Мачевска

Министерството за транспорт и врски, наместо најавената набавка на 302 двокатни автобуси, со тендерот кој ќе биде распишан во текот на неделава најавува набавка на 202 двокатни, а останатите 100 автобуси ќе бидат едноподни. Министерството со четвртиот тендер по ред кој има намера да го објави и со кој ќе се обнови возниот парк на ЈСП „Скопје“, покрај автобусите, ќе купи и 16 минибуси кои ќе се користат на линиите на јавниот градски превоз каде што има помалку патници. - Прво ќе биде објавен јавен оглас за набавка на автобусите во меѓународните и домашните медиуми. Огласот за јавна набавка на автобуси, со кој ќе се обнови возниот парк во јавниот градски превоз во Скопје, ќе биде јавен и критериумите за набавката дополнително ќе бидат утврдени и“вели Драган Симоновски, портпарол на Министерството за транспорт и врски. Според него, во новиот тендер за набавка на 100 едноподни автобуси ќе се бара 80 од нив да бидат единечни, а четири да бидат зглобни автобуси. Најавата на Министерството за транспорт и врски за објавување нов јавен оглас за заинтересираните фирми што сакаат да ги произведат бараните возила за градски превоз, следува по три пропаднати тендери и по најавата на Владата дека од буџетот за годинава нема да бидат издвоени средства за оваа намена. Првиот јавен оглас пропадна затоа што ниту една фирма не понуди изглед на автобусите како тие што се користеле во минатото во Скопје. Вториот тендер, пак, се поништи со образложение дека ниту една од компаниите не доставила банкарска гаранција, освен словенечката компанија која излезе од игра поради превисоката понуда од 111 милион евра за производство и испорака на 302 двокатни автобуси. На третиот тендер, пак, пристигнаа понуди од заинтересираните фирми, турската компанија „Гулерјуз“, бугарската „Кинг Лонг“, кинеската групација „Џенгџоу јутонг“ и од домашната „Санос“. На тендерот победи кинеската групација „Џенгџоу јутонг“. По ваквата одлука на Министерството останатите три фирми ја обжалија одлуката. По разгледувањето на поднесените жалби од бугарската и од македонската компанија, беше донесена одлука за поништување и на овој тендер и за распишување на нов, кој е најавено да се случи во текот на оваа недела, но со делумно променети критериуми и намален број двокатни автобуси.

Нова владина одлука за автобуси за Скопје

Наместо 302 автобуса, ќе се купуваат 202 двокатни и 100 едноподни

Деспина Трајковска

Три компании доставиле понуди на тендерот за набавка на 202 двокатни автобус, информираат од Министерството за транспорт и врски. На тендерот се јавиле бугарската Кинг Лонг, која учествуваше и на претходните тендери, фирмата Александар Денис од Велика Британија и компанијата од Кина Џенгџоу Јоутонг Групација.

“Во следниот период Комисијата за спроведување на јавната набавка ќе
изврши преглед на комплетноста и валидноста на доставената
документација, како и евалуација на пристигнатите понуди, по што ќе
биде одбран најповолниот понудувач.Согласно условите во Тендерската документација“, информираат од Транспорт.

Компанијата што ќе биде избрана ќе има обврска да даде две години гаранција за автобусите, најмалку пет години гаранција на шасијата на втобусите и да обезбеди резервни делови за најмалку 15 години по испораката.

Најповолниот понудувач, според условите одредени од Транспорт, ќе има рок до 2011 година да испорача 75 автобус 

“Целта на оваа набавка, заедно со набавката на едноподни автобуси е
целосно обновување на возниот парк на јавното сообраќајно претпријатие во Скопје, а со тоа овозможување и подобри услуги на корисниците на јавниот превоз и намалување на сообраќајниот застој“ велат од Министерството.

Досега беа распишани два тендери за набавка на 302 двокатни автобус за потребите на ЈСП.

http://netpress.com.mk/vest.asp?id=64264&kategorija=2