Macedonian Orthodox Church

Competition Entry, April 2008, Skopje Civic and Masterplan

The exterior is a contemporary take on the traditional domed church with a bell tower to the rear. Concrete, as a simple, pure material is used inside and out, allowing Icons to become the decorative focus of the building. Offset by shafts and pinpricks of light, the inside space acquires an ethereal, spiritual character. The interplay between light, height of the panels and inclination skywards fills the church with a godlike grace.

Собрани потписите за референдум во Центар

Тони Ангеловски

Невладината организација „Плоштад Слобода“ ќе организира протести за да го покаже револтот поради опструкциите од власта при собирањето потписи за референдум против изградба на верските објекти на скопскиот плоштад. Протестите, според најавите од невладината организација, би требало да се случат во средината на декември доколку во меѓувреме општинските и државните власти не им овозможат соодветни услови за собирање на потписите, но и продолжување на рокот за оваа акција. „Плоштад Слобода“ се обидува да собере 8.800 потписи од граѓаните на општина Центар, кои според законот се потребни за распишување референдум за спречување на изградбата на црквата „Св. Константин и Елена“ и на Бурмали-џамија на скопскиот плоштад. Потписите треба да бидат собрани до 12 декември, кога истекува рокот од 30 дена предвиден со Законот за референдум. - Иако поминаа веќе 15 дена од законските 30 колку што имаме на располагање за да ги собереме потписите, ние немаме собрано ниту еден потпис затоа што едноставно немаме на што да ги собираме. Министерството за правда не ни дава формулари на кои треба да се потпишуваат граѓаните. Тие воопшто не ни одговараат на нашите поднесоци или барања за објаснување, иако ние константно им испраќаме дописи - вели Дамјан Здравев од „Плоштад Слобода“. Оваа невладина организација испратила дописи до сите релевантни институции, кои можат да помогнат конечно да почне собирањето на потписите, но одговор добиле само од градоначалникот на општина Центар, Владимир Тодоровиќ, кој им понудил нови простории во кои ќе се собираат потписите. Но, сега повторно Министерството за правда треба да одреди вработени, кои ќе работат во тие простории и ќе го надгледуваат процесот на собирање на потписите. - Покрај тоа што нема формулари, проблем е и тоа што потписите може да се собираат само во една канцеларија на Министерството за правда, која работи само осум часа во денот, што автоматски значи дека е невозможно да се соберат потписите. Треба во интервали од една минута да се потпишува по еден граѓанин, што е невозможно. Ниту процедурата може да заврши за една минута ниту пак може да се распределат луѓето во идеален ред да доаѓаат сите на период од една минута - објаснува Здравев. Поради сето ова, како што вели, ќе се обратат до Уставниот суд, а ќе извршат и вонинституционален притисок, со протест поради оваа ситуација. Според него, нивната иницијатива за распишување референдум е тест за тоа колку може да се спроведе една граѓанска иницијатива. Ако тие како невладина организација, која има некаква инфраструктура и соодветна помош од правници, вели Здравев, не можат да реализираат една ваква иницијатива, тогаш тоа сигурно нема да можат да го направат ниту преостанатите обични граѓани. Од Министерството за правда, пак, тврдат дека тие во ниту еден случај немале различен пристап за иницијативата на „Плоштад Слобода“ и за другите иницијативи, но проблемот е во непознавањето на законската регулатива од страна на организаторот на собирањето на потписите. - Тие сами треба да ги испечатат формуларите, а не ние. Очигледно им истекува рокот, па сега си бараат виновник. Ние не сме должни да ги работиме нивните работи, иако сме отворени за соработка и може да дојдат да им помогнеме. Според законот, тие обрасци се објавени во Службен весник и организаторот треба да си ги испечати и да ни ги достави. Нема тука што некој да им дозволува или не. Така беше и при последното собирање потписи за референдумот за грбот. Законите важат за сите граѓани подеднакво и нашите служби се секогаш подготвени да одговорат на сите прашања во врска со тоа - вели Мирјана Илевски, портпарол на Министерство за правда.

„Плоштад слобода“ ќе тужи поради пропаднатиот референдум

Граѓанското здружение „Плоштад слобода“ ќе ги тужи Министерството за правда и Општината Центар поради прекршување на граѓанското право да се изјаснат на референдум. Активистите од здружението неодамна ја прекинаа постапката за собирање потписи за распишување референдум, но најавија дека својата борба против изградба на верски објекти на плоштад „Македонија“ ќе ја продолжат на друг начин.

Референдум нема да има откако Министерството за правда не го прифати дописот од Советот на Општина Центар со потпис на претседателот Здравев и побара за законитоста на иницијативата да расправаат сите советници. Од „Плоштад слобода“ велат дека Министерството и Општината намерно ги саботирале нивните обиди да ја спроведат граѓанската иницијатива за референдум против изградба на црква и на други објекти на плоштадот.

Во Општина Центар, пак, велат дека целосно го испочитувале законот. Општинарите на законски начин констатирале дека во вториот обид „Плоштад слобода“ законски собрале 104 потписи во подрачната единица на Министерството за правда, по што создале услови за собирање потписи за распишување референдум. Легалноста на активноста со допис ја потврдил и претседателот на Советот, Владимир Здравев, кој на 5 ноември им упатил писмо на иницијаторите дека можат да продолжат со постапката. Во Општината објаснуваат дека според законот, доколку иницијативата е во ред, за неа не мора да расправа Советот, туку, како и што е направено, со потпис на претседателот на Советот може да продолжи натаму.

Во Министерството за правда вчера не ни одговорија зошто ја одбиле иницијативата на „Плоштад слобода“. Одговорните за овој предмет имаа преполна агенда, а одговорот го најавија за деновиве. (С.Н.)