Повеќе од две илјади луѓе ја минаа ноќта длабоко под морското дно, заробени во тунелот под Ла Манш, откако четири возови „Евростар“ се расипаа го блокираа сообрќајот, јави дописникот на МИА од Лондон. Два од заробените возови, до раните утрински часови се извлечени од тунелот со помош на нови локомотиви, додека патниците од другите два воза се евакуирани. Луѓето подоцна се префрлани во возовите што се користат за пренеос на патнички возила и камиони, за да дојадат до Фолкстон, каде е британскиот влез во тунелот. Поради инцидентот, „Евростар“ во Лондон претпладнево соопшти дека на „неопределено време“ ги откажува сите возови кон Франција и Белгија, а подоцна беше јавено дека сообраќајот под тунелот ќе продолжи денеска во попладневните часови. Првите патници кои утринава допатуваа во Лондон, за телевизија Скај изјавија дека имале неочекувано „тешка и стресна ноќ“ чекајки извлекување од тунелот под Ла Манш. Луѓето изјавија дека немало доволно храна и ќебиња за сите патници, како и дека светеле само сигналните светла во вагоните, а греењето откажало. Поради снегот и студот што ја зафати Велика Британија, особено југоисточните делови на Англија каде што минуваат возовите на „Евростар“, патниците кои беа евакуирани од расипаните возови од брегот на Каналот до Лондон патувале три часа. Во нормални услови, оддалеченоста меѓу британскиот главен град и Париз возовите ја минуваат за 2,5 часа. На британската страна од Ла Манш, долга колона од повеќе стотици возила стои заглавена по патиштата што водат кон Фолкстон и Довер, од каде тргнуваат фериботите за префрлање во Франција. Полицијата засега безуспешно се обидува да ги натера возачите да не тргнуваат на пат кон областите зафатени со студ и снег, како што се југоисточните делови на Англија.
Повеќе од две илјади луѓе ја минаа ноќта длабоко под морското дно, заробени во тунелот под Ла Манш, откако четири возови „Евростар“ се расипаа го блокираа сообрќајот, јави дописникот на МИА од Лондон. Два од заробените возови, до раните утрински часови се извлечени од тунелот со помош на нови локомотиви, додека патниците од другите два воза се евакуирани. Луѓето подоцна се префрлани во возовите што се користат за пренеос на патнички возила и камиони, за да дојадат до Фолкстон, каде е британскиот влез во тунелот. Поради инцидентот, „Евростар“ во Лондон претпладнево соопшти дека на „неопределено време“ ги откажува сите возови кон Франција и Белгија, а подоцна беше јавено дека сообраќајот под тунелот ќе продолжи денеска во попладневните часови. Првите патници кои утринава допатуваа во Лондон, за телевизија Скај изјавија дека имале неочекувано „тешка и стресна ноќ“ чекајки извлекување од тунелот под Ла Манш. Луѓето изјавија дека немало доволно храна и ќебиња за сите патници, како и дека светеле само сигналните светла во вагоните, а греењето откажало. Поради снегот и студот што ја зафати Велика Британија, особено југоисточните делови на Англија каде што минуваат возовите на „Евростар“, патниците кои беа евакуирани од расипаните возови од брегот на Каналот до Лондон патувале три часа. Во нормални услови, оддалеченоста меѓу британскиот главен град и Париз возовите ја минуваат за 2,5 часа. На британската страна од Ла Манш, долга колона од повеќе стотици возила стои заглавена по патиштата што водат кон Фолкстон и Довер, од каде тргнуваат фериботите за префрлање во Франција. Полицијата засега безуспешно се обидува да ги натера возачите да не тргнуваат на пат кон областите зафатени со студ и снег, како што се југоисточните делови на Англија.