Тролејбус во Скопје?

Message Topic Search Topic Options Post Reply Create New Topic Printable Version

   Мене ова ми изгледа како win-win ситуација  Дај Боже да испадне нешто од ова

			„ЛАЗ“ нуди тролејбуси за Скопје

			Украинската 
фирма што го доби тендерот 
за 84 нископодни градски 
автобуси вели дека може за 
три и пол години да 
ги создаде сите 
предуслови за 
да се воведе алтернативен 
јавен 
превоз во 
градот

			Украинската
фирма „Лвовски автобусни завод“ (ЛАЗ), која победи на тендерот за
набавка на 84 едноподни автобуси, сака да прави и тролејбуси за Скопје,
што би овозможило да се воведе алтернативен јавен превоз во градот.
Оттаму велат дека уште од 1992 година имаат искуство во производство на
тролејбуси, а проектот го понудиле и го презентирале и пред владините и
градските структури. 

- Планираме целото производство на
автобуси и тролејбуси да оди преку Македонија. На Скопје му треба
алтернативен јавен превоз бидејќи во сите европски метрополи покрај
автобуси, има и тролејбус, трамвај или метро. „ЛАЗ“ е подготвен во рок
од три и пол години да ги создаде сите предуслови за тролејбуси и тие
да почнат да сообраќаат низ градските улици. Иако возилата се двојно
поскапи од автобусите, цената би можела да се исплати веќе една и пол
година од нивното користење затоа што нивните трошоци за работа се
многу пониски - објаснуваат од фирмата „Специјална опрема Скопје“, која
е соработник и иден претставник на „ЛАЗ“ во Скопје. 

Оттаму
велат дека постои можност да и дадат десетгодишен кредит на државата за
полесно да ги отплати возилата. Програмата на „ЛАЗ“ е прво да се
изгради и да се опреми тролејбусна електромрежа со трансформатор,
терминал за качување и симнување и со тролејбусни станици. На крајот,
тие се подготвени да испорачаат 200 возила со низок под „електро ЛАЗ
20“, кои имаат по 46 седишта, а собираат по 210 патници. 

Градските
власти не потврдија дека им бил презентиран овој проект, ниту
одговорија дали на градоначалникот Коце Трајановски му се допаднала
идејата. 

- Во градот постојано нешто се презентира и се нудат
проекти, но ние имаме програма според која работиме. Сега се чека да се
избере консултант за трамвајот како алтернативен превоз, па ќе се
направи студија за привлекување концесионери - велат од градот. 

И
од Министерството за транспорт и врски, кое ја спроведуваше целата
постапка за купување нископодни и двокатни автобуси, не одговорија дали
би размислиле да ги заменат „даблдекерите“ со тролејбуси. Оттаму
истакнаа дека во тек е изработка на студија за сообраќајниот систем во
градот, која ја прави шпанската компанија „Идом ингенериа и
консилториа“. Сега се анализирале податоците од анкетата што опфатила
11.000 граѓани за нивните сообраќајни потреби и проблеми.

Предности на тролејбусот 

Во проектот што „ЛАЗ“ го претставиле пред нашите институции се истакнуваат сите предности на овој вид јавен превоз.

- Работат
на струја, што значи дека не загадуваат и се бесшумни, а може да возат
без напојување дури два километри. Исто така, при кочењето вишокот
енергија се враќа назад во мрежата и може да се користи од другите
тролејбуси. Тоа е систем за рекуперација, со што потрошувачката се
намалува за 42 отсто.

- Цената на превозот со тролејбус е за 42 отсто пониска од таа за едно возење со автобус.

- Трошоците
за изработка за тролејбуската линија се помали од тие за трамвајската
затоа што нема потреба од пруга или издвоен пат, туку само воздушна
контактна мрежа.

- Тролејбусите може лесно да ги заобиколуваат непрописно паркираните возила, што е чест проблем во Скопје.

Договорот за автобусите ќе се потпише во Киев 

Министерот
за транспорт и врски Миле Јанакиески од 28 до 31 јануари ќе престојува
во Украина, каде што ќе ја посети фабриката „ЛАЗ“ и ќе ги види погоните
за автобусите, а во Киев ќе го потпише и договорот со компанијата за
производство на 80 единечни и четири зглобни возила за јавниот превоз
во Скопје, согласно резултатите од веќе одржаниот тендер.

Игор
Чуркин, сопственикот на „ЛАЗ“, при посетата на Скопје во декември
минатата година истакна дека тие се подготвени сите автобуси да ги
испорачаат до крајот на оваа година бидејќи нарачката е само мал дел од
капацитетите што ги има фабриката.

Автор: Радмила Заревска 