Разно

Три градилишта во Центар се затворени

22.03.2010 17:42

Три градилишта во Центар се затворени. Стопирана е изградбата на објектите - веднаш зад Универзалната сала. Станува збор за три згради со стотина станови

Уривањата на Бејта го чинат Гостивар 1.700.000 евра

Гостивар - Гостиварци од општината Гостивар побаруваат околу 1.700.000 евра отштета за незаконски урнати бараки, куќи, гаражи и други објекти.

Во 2005 и 2006 година, Невзат Бејта, како градоначалник на Општина Гостивар, урна околу 1.000 привремени објекти, бараки, куќи, занаетчиски и други објекти, изградени без потребна документација. Сопствениците кои сметаа дека уривањето им било незаконско поведоа судски спорови. Правдата ја докажаа на суд, добија пресуди со кои Општината треба да им исплати околу 1.700.000 евра.

Во гостиварската локалната самоуправа велат дека се завршени девет предмети со судско решение или се надвор од судска спогодба за која Општината треба да плати 17.000.000 денари.

За овој наследен долг, градоначалникот Руфи Османи го обвинува својот претходник Невзат Бејта. Спротивно на позитивните законски решенија, Бејта ги уривал објектите, со што на граѓаните и на Општината им нанесе големи материјални штети. Османи информира дека Владата и' одобрила кредит на Општината од 15.000.000 денари со кои само 25 отсто може да ги покрие долговите што ги оставил Бејта поради нелегалното уривање градежни објекти. (К.К.)

Ограничен сообраќај за сите моторни возила ќе се воведе од утре на кејот 13 Ноември во периодот од 10 до 2 часот. Сообраќајот ќе се регулира со активирање на пневматско столпче што е поставено на кејот, до паркинг-просторот на хотелот „Холидеј ин“. - Столпчето за регулирање на режимот за сообраќај ќе биде активирано, односно подигнато, секој ден од 10 до 2 часот и во тој период сообраќајот за моторни возила ќе биде забранет - соопштуваат од Градот. Градските власти ги потсетуваат сите правни и физички лица кои имаат добиено одобрение за движење по кејот да се придржуваат до пропишаните услови во него, бидејќи во спротивно ќе им биде одземено. Оние, пак, кои с* уште немаат одобрение, а имаат потреба да се движат и запираат на кејот, треба да се обратат во градскиот сектор за сообраќај и да почнат постапка за добивање дозвола.

Д.Т.

Велешани нема каде да градат

Велес има 18.000 објекти за живеење, а стручњаците посочуваат дека од една четвртина до една третина од нив се дивоградби, чиј број се зголемува бидејќи нема плацови за легална градба

За една година три одрони на земја и камења во Велес ги загрозија животите на исто толку велешки семејства. Откако карпи тешки и по неколку стотини килограми, а некои и со тони, се срушија врз нивните домови, тие имаат кошмари. Таквата судбина ја делат уште стотина велешки семејства, кои куќи изградиле по Дервенскиот Поток, Рамина, Долни Дуќани, во супстандардни услови, каде што е опасно да се живее. Овие настани ја отвораат дилемата, за велешани присутна со години, за местоположбата, локацијата на куќите, каде да се гради легално, има ли простор каде да се шири и простира градот. Ваквата состојба најдобро ја илустрира изјавата на странец, кој патувал низ Велес и додека возот минувал низ центарот на градот, погледот му бил кон околните ридишта. А таму странецот видел „куќа врз куќа, а на покривот магаре пасе“. Оваа анегдота велешани често ја раскажуваа во шега за тоа како изгледа нивниот град, кој наместо во рамнината кон север, се издигнува во височина, по околните ридови.

- Каде да го градам мојот дом, кога нема простор. Кој и да сака да побара локација за градба на урбанизиран простор во Велес нема да ја најде. На север на најдоброто земјиште е изградена Топилницата, на исток Речани е земјоделски регион, кој ги храни велешани. И што ми остана мене како избор, Долни Дуќани од левата страна, Дервенски Поток или Тунелот - вели велешанец, кој направил дивоградба каде што е тешко да се стигне.

Ако градот според статистиката има 18.000 објекти за живеење, стручњаците посочуваат дека од една четвртина до една третина од куќите се дивоградби. За илустрација, лани биле побарани 56 одобренија за градење, што е четири помалку отколку во 2008 година, но и тие не се на нови градежни парцели, туку на постојни. Затоа разбирлив беше големиот интерес на велешани за четирите парцели во близина на ОУ „Блаже Конески“, кои пред половина година се распродадоа на лицитација по значително повисоки цени од почетната. Проблемот со ширењето на градот е познат за архитектите што сметаат дека Велес се задушува во постојниот простор за живеење.

- Вистинско чудо е како градот функционира. Реално имаме место за живеење на 25 до 30 илјади луѓе, за толку е проектираната моќ и на водоводот и канализацијата, целокупната инфраструктура. Погледнете ги тесните сокаци, каде што е узурпиран дел од улиците, па во половина град не може да стигне пожарна, брза помош, се случува починатите да не може да бидат навреме на погребани. Факт е дека немаме ни атмосферска одводна мрежа, па водата од секој порој ги поплавува куќите од стариот дел на градот, а улиците со чамец може да се минат - велат архитектите.

Прашањето каде Велес треба да се шири во однос на локациите за изградба на домови за живеење е проблем што треба да го решава локалната власт. Таа се судрува со него со години, бидејќи кога граѓаните ќе дојдат да побараат локација го слушаат одговорот дека нема место, единственото урбанизирано и можно за градење е одамна распродадено во Тунелот на улицата Жифко Фирфов. Но, сепак, има надеж, голем потенцијал е просторот од касарната „Алексо Демниевски Бауман“.

- Место каде што во иднина може да се градат станбени објекти гледам во сегашната касарна. Тоа е огромен простор, каде што е извесно дека на еден мал простор ќе се градат објекти за припадниците на војската, во рамките на проектот „АРМ мој вистински дом“. Очекувам дека остатокот ќе биде отстапен за изградба на згради или индивидуални домови. Преговорите се веќе во одмината фаза и позитивниот одговор ќе значи голем импулс за станбената изградба во Велес - изјави градоначалникот Горан Петров.

Просторот од касарната како можно градилиште е идеален, бидејќи од стотина хектари, колку што таа зафаќа, употребен е само мал дел, а преостанатиот е неискористен.

Поплавен подрумскиот дел од нова зграда во Скопје