Вандализам и примитивизам

Originally posted by Cloverstack Anti-ngo, гледам не ти е воопшто проблем да вперуваш прст и да обвинуваш без никаква поткрепа... а откако директно го впери прстот во цела група луѓе, мудро заклучи дека некои се препознале и тоа го сервираше како некаква „аргументација“ Твоите обвинувања се тенденциозни, дегутантни, злобни... Начинот на кој ти ги поврзуваш работите е тотално бесмислен. Силен е впечатокот дека всушност тебе ти пречи различно мислење од твоето, а револтот од вандализмот тука е само добра амбалажа во која ја завитка твојата нетрпеливост кон неистомислениците. Ќе ти одговорам токму како што заслужуваш - со кое право и кредибилитет обвинуваш и си присвојуваш за себе некаков повисок морален авторитет? Ајде посочи ми еден единствен пост од твоите досега вкупно 37, каде што не бараш кривци (и предавници) меѓу членовите на форумов, каде што не делиш обвинувања, каде што не влегуваш во лични и групни конфликти и препукувања. На тоа ли се сведува твоето учество и „придонес“? Originally posted by SkyBoy го разбирам и него затоа што навистина од петни жили се дискредитираше се поврзано со Ск2014 па и надвор од него.. (но да се задржам на скулптуриве) со право е револтиран..   сега дали некој тука е среќен со вандализмов, не верувам, ама ајде нека биде за памет за во иднина..   Поточно за што тоа е со право револтиран? И од кога тоа критичкото размислување (особено кога човек се труди да употреби логика и аргументи) е еднакво на подршка за вандализми? И за што тоа треба да ни дојде памет за во иднина? Треба сите да се обединиме околу вкусот и ставовите на Anti-ngo, па така ќе ги спречиме вандализмите? Океј тогаш, еве давам подршка за триумфалната капија, за кога некој ќе нашкраба графит врз нејзе, да не испаднам јас крив

Фројдовски, секој си поаѓа од својата ментална матрица во анализата на психологијата на другиот. Твое право е како ќе гледаш на моите постови. Јас сум член на форумот многу повеќе од тие 37 постови на форумот (многу слики имам ставено за стадионот и идеи за други проекти). Не знам зашто се рестартираше бројот.

Едноставно, не обвинувам никого директно. А што ако навистина некое дете ги читало некои постови со голема количина на плунка, цинизам, иронија и омраза кон Скопје 2014 и решило работите да ги земе "во свои раце"? Дали треба да го премолчам (иако го мислам) тоа заради некаква ''коректност" и "забранета тема" на форумот?

Едноставно, самите знаеме дека критиките беа многу повеќе од нормални критики. Јас имам сличен впечаток за некои постови на некои членови како што ти имаш за мене. И јас мислам дека не ме трпиш заради став. Само што тешко е да се гледа објективно на самиот себе (и јас се ставам тука).

А тоа кажува Скај дека некој веќе ги прифаќаат новостите е точно. Само гледајте како некој сега мисли за спомениците на Гоце и Даме. Дали мислите дека процутот на Старата Чаршија не е поврзан со градбите во центарот? И други примери. 

Битолски вандали урнаа бисти и урбана опрема

Пеце Стефановски	Коментари (11)

Уторово, битолското шеталиште личеше како Бјерут од највоинствените времиња.

Четири бисти на народни херои беа срушени, а покрај алејата на борците од НОБ, вандалите ноќеска уништиле пред себе се што им дошло од урбаната опрема-клупи, канти за ѓубре и плочки, а некои бисти стасале и да ги сквернават.

Битолчани навикнати на утрински прошетки на Шеталиштето со кое се гордеат, беа стаписани од ваквата глетка.

„Битола оној епитет што го има како конзулски град, ова не го заслужува и секој нормален граѓанин во овој град и во оваа држава би го осудил. Навистина е срамота ова што се случува“, рече утрово актерот Петар Мирчевски.

„Споменик да се турне не е играчка. Лошо е, ама така дојде“, вели битолчанката Цвета Новачевска.

Полициските службеници кои вршеа увид за ова злодело, очекуваат помош од граѓаните, за да се фатат сторителите кои се дрзнале на толку фреквентно место да посегнат по спомен- бистите и урбаната опрема.

Битолчани се шокирани и се плашат дека може повторно да се случува, доколку не се преземат најургентни и ригорозни мерки.

Претставниците од боречката организација, бараат од првите луѓе на локалната власт да преземат мерки за заштита на алејата и целокупниот комплекс на Шеталиштето и Градскиот парк.

„Конечно треба да преземат мерки ,прво, за заштита на паркот, заштита на алеата на бистите на првоборците од НОБ и заштита на урбаната опрема“, рече Митко Недановски, секретар на Сојузот на борци од Битола.

Мината година, битолските вандали на ова шеталиште ги уништија сите канделабри, а при поставувањето на новите, градоначалникот Талески најави видео -надзор , меѓутоа се уште нема трага од камерите, ниту пак има чувари.