Деградиран Офицерскиот во Битола

Руинирани простории, искршени прозорци, оштетени ѕидови, електрична и водоводна инсталација, искорнат паркет, украдени уреди за парно... Во ваква катастрофална состојба Битолската општина преку децентрализација го презеде во владение Офицерскиот дом во Битола. Зградата според надворешноста се смета за архитектонски бисер на Широк Сокак. За жал, во изминатите години често се менуваа неговите газди и поради негрижата го загуби стариот сјај. По распаѓањето на ЈНА премина во сопственост на АРМ, па за време на претходната политичка власт под Министерството за култура, кое извесен период го имаше дадено под наем на приватник. Неколку години објектот не се користеше, неодамна му беше даден на Центарот за култура, а тој, немајќи средства за одржување, вчера и' го пренесе на Битолската општина.

Градоначалникот Владимир Талески, кој во Офицерски влезе со пописна комисија за да види што наследува, беше изненаден од грдата слика. По обиколката не можеше да прецизира колку пари ќе бидат потребни за санирање и кога ќе заврши реновирањето.

- Многу делови се во катастрофална ситуација. Ќе треба голема инвестиција за да се санира, а Општина Битола ќе треба да се потруди да ја најде на повеќе начини. Најпрво, за ова лето, ќе се обидеме да ставиме во функција дел од објектот и околината за потребите на „Битфест“ - изјави Талески.

Од општината најавија дека ќе побараат и одговорност за бедната состојба во која е доведен еден од најрепрезентативните објекти во Битола.

- Знаеме дека Министерството за култура во 2006 година го презеде Офицерскиот дом. Кому го давале, со кого потпишувале договори ќе покаже постапката што ќе ја спроведе Општина Битола. Не знам дали ќе следуваат кривични пријави, но прво ќе истражуваме што се' е правено -додаде Талески.

По санацијата ќе се утврди за што Домот ќе се користи во иднина. Објектот има историско минато и е заштитен како споменик на културата. Бил изграден во 1911 година од управителот на битолскиот вилает Абдул Керим-паша и претставувал синтеза на палата и тврдина. Во него се одржуваа познатите битолски балови, а престојувале и познати личности, политичарите Тито, Демирел, шахистот Карпов и други.

Целосната конзервација, реставрација и ревитализација на овој објект во кој ќе биде сместена и изложбената етнолошка поставка,  Министерството за култура ја финансираше со 3.770.000 денари. Овој споменик на културата, кој во одреден период функционирал како турска пошта, е изграден во 19-от век и претставува еден од неколкуте преостанати објекти од старата градска архитектура во Струмица. Објектот импресионира со своите пропорции, а кај него се присутни и првите зачетоци на модернизмот, односно кубизмот, во обликувањето. Турската пошта, според своите архитектонски, стилски и програмски карактеристики, спаѓа во редот на најрепрезентативните споменици на градителството во Струмица.

Министерката за култура Елизабета Камческа-Милевска, во присуство на директорот на Управата за заштита на културното наследство, Паско Кузман и директорката на Завод и Музеј Струмица, Славица Тасева, денеска во Струмица ја отвори реставрираната куќа од тип на стара градска архитектура, позната како „Турска пошта“.

“Овој споменик на културата, кој во одреден период функционирал како турска пошта, е изграден во 19 век и е еден од неколкуте преостанати објекти од старата градска архитектура во Струмица. Објектот импресионира со своите пропорции, а кај него се присутни и првите зачетоци на модернизмот, односно кубизмот во обликувањето“ – рече министерката Камческа-Милевска.

Турската пошта, според своите архитектонски, стилски и програмски карактеристики, спаѓа во редот на најрепрезентативните споменици на градителството во Струмица.

“Куќата има мултифункционална употреба и е единствена од ваков вид во Македонија. На неа се работеше со разни техники за конзервација, а целта беше да се задржи бондручната конструкција“ – вели директорката на Завод и Музеј Струмица, Славица Тасева.

За реализација на овој проект Министерството за култура на РМ ја откупи оваа куќа од поранешните нејзини сопственици и сега е во сопственост на Заводот и Музеј Струмица.

Богородица Перивлепта нема време за чекање

Оштетувањата од влага на живописот на црквата „Св. Богородица Перивлепта“ во Охрид, експанзивно се прошируваат и нема многу време за чекање, алармираат домашните и странските експерти