ама тоа и воопшто не е голема работа, од друга страна и не конвенционална клучка.... односно клучки.... зборувам општо.....

затоа што не е комплицирана работа.....впрочем е многу проста.....во склоп на улиците....

значи мислам на случајот..... главна улица и споредна која ја сече..... со што се дава поголема предност на главната со тоа што возилата кои продолжуваат ќе немаат потреба да се задржуваат на вакви точки

Жителите на Драчево, кои секојдневно ја поминуваат Првомајска за да се поврзат со централното градско подрачје и со останатите населби, веќе со години бараат проширување и средување на улицата, која повеќе функционира како селски пат отколку како градска сообраќајница. За нејзината катастрофална состојба зборува тоа што од мостот кај Драчево, па се до „Охис“, улицата нема осветлување, полна со дупки, наместо тротоари или рабници од страните има камчиња, песок и земја, поради што со текот на времето ширината на коловозот се смалила, а има и неколку опасни кривини. Место за пешаци воопшто нема затоа што по целата улица се изградени индустриски објекти. - На десет километри сме од градот, а веќе 50 години живееме во мрак. Населбава е направена по земјотресот и оттогаш е проширена колку еден мал град, има пошти, болница, но го нема најосновното, нормална сообраќајница. Срам ми е секојпат кога треба да викнам гости затоа што на половина пат ми се јавуваат и ми кажуваат дека не знаат каде се, се изгубиле на улицата на која нема светло, ниту, пак, каква било сигнализација. Ако властите не ја шират Првомајска, тогаш навистина нема поента што било друго да прават - вели Наташа Б. жителка на населбата. Жителите бараат Првомајска што поскоро да се прошири и поради тоа што таа е главна сообраќајна врска за околните села како Студеничани, Орешани, Зелениково и затоа што по неа постојано возат товарни камиони. - Веројатно градските власти никогаш не дошле наутро да видат како се вози од Драчево до Усје. Улицава е најголем проблем за населението од Драчево, ја користат околу 60.000 жители, а сите локални власти досега гласовите оттука ги освојуваа токму со ветувањата за проширување на Првомајска - вели Перо Ј. од Драчево. Со последниот ребаланс на буџетот градоначалникот Коце Трајановски издвои пари за реконструкција на Првомајска, од Маркова Река до „Охис“. Истовремено, останува и планот за проширување. До крајот на годината улицата треба да почне да се шири на потегот од Стара рампа до „Расадник“, а работите да продолжат и во наредната година, додека втората фаза кон Драчево, очигледно, ќе чека подобри времиња. Дали со ова, всушност, двапати се прави трошок за иста делница од улицата, која прво ќе се поправа, а потоа и ќе се шири, градските власти не дадоа образложение. - Станува збор за реконструкција на Првомајска од „Охис“ до Драчево затоа што асфалтот е уништен, а проектот за проширување ќе се реализира, онака како што беше најавено, и во првата фаза ќе почне од Стара рампа до „Расадник“. Реализацијата ќе почне по добивањето на средствата од меѓународниот кредитор, а договарањето со него е во тек - велат одговорните за односи со јавноста во Град Скопје. Ваквото решение, како што велат оттаму, било за да не трпи вториот дел од улицата, кој е во доста лоша состојба и додека се работи на ширење на првата делница. Според нив, нема само да се крпат дупките на улицата, туку ќе се направи целосна реконструкција на асфалтот. Досега ниту една локална власт не се нафати да ја среди целата улица, од едниот до другиот крај, туку се работеше на делови. Од салата „Расадник“ до Усје улицата пред неколку години доби уште две ленти, а со четири коловозни ленти треба да биде по целата должина. Во Градот не одговорија ни како планираат да го прошират индустрискиот дел на улицата, во правецот кон Драчево кој е густо начичкан со стопански објекти, кои оградите ги имаат донесено до самиот асфалт. Не објаснија градските власти како ќе го договорат рушењето на оградите и дали ќе трошат пари за обесштетување на стопанствениците. Единствено се знае дека за проширувањето Градот ќе се задолжи со кредит од три милиони евра.

Се нешто од околу никаде јасно во ниеден медиум што точно ќе се прави и која е корелазијата на овој зафат со претстојната реконструкција. еве сега нов рок за почнување е септември. Ај да почекаме да видиме.

Роза Петкова

Реконструкцијата на асфалтот на Првомајска, која неодамна ја почна Град Скопје, ги разлути драчевци. Жителите од населбата, кои со години чекаат да се прошири улицата, целосно да се смени стариот асфалт и, конечно, да се осветли коловозот, разочарани се од сегашната акција на градските власти со која на потегот од „Охис“ до мостот кај Маркова Река, само одредени делови се заменуваат со нов асфалт. - Уште еднаш се чувствуваме излажани од Градот. Место да се стави целосно нов асфалт, како привремена опција додека не почне проширувањето на целата улица, што е конечно решение ветувано на секои избори, ние добивме класично крпење на улица, а проширувањето, очигледно, ќе почека. Сега се менуваат само парчиња од асфалтот, кои некаде се поголеми, а некаде помали - вели Перо Ј. од населбата Драчево. Жителите на кои оваа улица, заедно со населението од Батинци, Студеничани и Зелениково, им е главната врска со градот, реагираат и на метежот што се создава поради градежните работи.
- Има голем сообраќаен метеж и поради тоа доцниме на работа. Додека траат градежните работи, некаде до 14 или 15 часот, има работници на улицата, кои наизменично го регулираат сообраќајот. Но, попладне е вистински хаос бидејќи нема кој да регулира. Исечените делови од улицата остануваат на трасата, па во темница тешко се забележуваат и може гума да се искине - велат жителите. Во Град Скопје велат дека на почетокот од градежните работи јасно кажале дека коловозот ќе се санира само на одредени делови.
- Во самата најава на проектот за реконструкција на Првомајска беше кажано дека санирањето на коловозот ќе се врши со отстранување на помали и на поголеми сегменти од оштетениот коловоз, што е драстично различно од крпењето ударни дупки. Град Скопје подготвува и проект за осветлување на потегот, кој во моментов се реконструира, по целата должина до Маркова Река - велат од одделението за односи со јавност.
Реконструкцијата на Првомајска од Маркова Река до „Охис“ почна на крајот од минатиот месец. Со неа треба да се санираат вкупно 2,5 километри, на кои во зависност од оштетувањата и од конфигурацијата на теренот, ќе се врши копање и гребење на оштетениот слој асфалт, а потоа ќе се нанесе нов материјал. На некои делови од улицата, каде што дозволува теренот, ќе се тампонира и трета коловозна лента што ќе се користи за престигнување. За оваа активност Градот ќе потроши 14.500.000 денари.