Аеродроми

ЗГО­ЛЕ­МЕН БРОЈОТ НА СЛЕТУВАЊА НА ПРИВАТНИ АВИОНИ НА "СВЕТИ АПОС­ТОЛ ПАВЛЕ"

Ох­рид­ски­от аеродром станица за богаташи

Бо­га­ти бизнисмени слетуваат на Охридскиот аеродром за да се одморат или да на­пол­нат гориво, а потоа продолжуваат кон некој од грчките острови. Само во јуни сле­та­ле 30 мали авиони, што е речиси двојно повеќе од истиот месец лани

Ох­рид­ски­от аеродром станува сe попривлечен за богати бизнисмени што имаат сопс­тве­ни авиони или, пак, можат да закупат некое помало летало. Само во јуни, на ае­род­ро­мот "Свети Апостол Павле" слетале 30 мали авиони. Тоа е речиси двојно по­ве­ќе од истиот месец лани, кога на Аеродромот слетале 18 авиончиња.
Тие не слетуваат во Охрид зашто нивните газди сакаат да престојуваат во градот, ту­ку Охридскиот аеродром го користат за одмор или за полнење гориво.
Доз­на­ва­ме дека со малите клипни авиони летаат бизнисмени од регионот што, сами или со семејствата, одат на летување на некој од грчките острови. Има парајлии што сами ги управуваат авиончињата, и летовите до Охрид и до грчките дестинации ги из­ве­ду­ва­ат од задоволство.
На Охридскиот аеродром било забележено и слетување на мали амбулантни ави­о­ни, а на прсти се бројат и познати фаци што дошле во Охрид со сопствено авионче. Та­ка славниот тенор Хозе Карерас во 2005 година на Охридско лето стигна со мал приватен авион. Претходно, во 2000 година, топ-моделот Наоми Кембел со при­ва­тен авион дојде во Охрид да го посети тогашниот дечко актерот Џозеф Фајнс, кој во Мариово го снимаше филмот "Прашина" на Милчо Манчевски.
Ста­тис­ти­ка­та покажува дека летово е зголемен сообраќајот на Охридскиот ае­род­ром. Во мај лани имало 1.894 патници што слетале и полетале од "Свети Апостол Пав­ле", а овој мај 2.932. Во јуни лани имало 2.922 патници а годинава во јуни 3.996. Ла­ни во јуни немало ниеден транзитен патник, а истиот месец годинава 1.013. (Д.Ч.)

Ќе има шест патнички моста од каде автобусите ќе ги земаат патниците за да ги однесат до авионот.

-Како тоа?

Инаку добро што почнале.

Не дека се новинари, секој човек знае отприлика како изгледа еден аеродром.

ухуху мене ми се допаѓа многу. Пристоен аеродром кој ќе задоволува потреби, комфор, потреби. Ако споредувам со рендерот што го имавме претходно, овој далеку повеќе ми се допаѓа. Се гледа дека се припазува со финанските средства, но е пристоен и тоа е најважно. А и вопшто не би ми се допаѓал да беше само стакло, ќе беше аквариум.

Едно прашање. А што ќе биде со контролната кула. Останува или нова ќе градат? Какви се обврските околу ова? 

Или пак контролата на летање си е засебна институција (компанија). Дали има некој договор за инвестирање и во во овој сегмент, или пак ова останува на државата.

Сепак на ТАВ би му одговарало да се инвестира во контролата на летање и контролната кула. Ако не сега, кога ќе му се зголеми бизнисот, како што се очекува.