Разно

Шахта е едно, бесплатно паркинг место во центар на голем град е друго.

Или кириличен натпис или казна од 2.000 евра

 

Помалите правни субјекти не веруваат дека законот за промената на натписите и плакатите од латиница во кирилица ќе важи и за поголемите фирми, блиски со власта

Инспектори од Министерството за култура поминале во мојот дуќан и на мојата вработена и' кажале дека мора таблата на латиница, на која ми е напишано името на фирмата, да ја заменам со кирилична. Во спротивно ќе ме казнат. Ништо не ми е јасно!? Па, на секој чекор има натписи на латиница. Прашувам - што е со големите фирми и компании? Или, пак, на Министерството најлесно му е да демонстрира закон и сила само врз помалите субјекти?

Револтираната Сандра Б., сопственичка на приватна фирма во центар, вака ја опиша акцијата на Министерството со која се бара замена на јавните натписи од латиницата во кирилица. Според неа, требало прво сопствениците на дуќаните да ги едуцираат, па да дадат преоден период со опомени, а дури потоа да санкционираат. Таа вели дека многу дуќанџии се затекнати бидејќи првпат слушаат за оваа законска обврска. Но инспекторите веќе им изготвуваат записници на правните субјекти, со најава за казна ако промената не ја направат во рок од 30 дена.

- Навистина не ми е проблем да ја заменам латиницата со кирилица, ќе ме чини веројатно околу 1.000 денари. Но, сакам да верувам дека ваквиот пристап ќе биде еднаков за сите, односно да не биде селективен само кон фирмите што немаат протекција од локалната или од државната власт -вели Коста С., сопственик на дуќан.

На кажувањата од граѓаните дека се затекнати од ваквата акција, од Министерството за култура објаснуваат дека инспекциските надзори во врска со примената на Законот за употребата на македонскиот јазик се редовни. Признаваат дека можеби во овој период се зачестени, но не и дека се нешто ново годинава. Се повикуваат на Законот за употребата на македонскиот јазик како задолжителен, како во органите на државната власт, локалната самоуправа и градот Скопје, така и во трговските друштва, претпријатијата, установите и другите регистрирани правни лица. Законот ги опфаќа таблите со имињата на фирмите, рекламите и плакатите на правните лица, називите и упатствата на производите, лекарствата, етикетите, фактурите, сметките, потврдите и други информации на амбалажата на производите. Исклучок се двојазичните општини, каде што комбинирано се користи и македонскиот и јазикот на малцинствата.

- Во согласност со програмските определби на Министерството за култура, во 2010 година приоритетна обврска е примената и спроведувањето на Законот за употребата на македонскиот јазик, а оттука и зачестените инспекциски надзори во сите градови низ државава од аспект на примената на овој закон - изјавија од одделението за односи со јавност при Министерството за култура.

Точна е констатацијата на граѓаните дека голем број фирми, односно називи и реклами се објавени со латинично писмо, велат оттаму. За тоа како ќе успеат физички да ги посетат сите оние чии називи се спротивни на Законот, објаснуваат дека инспекторите „како досега, така и во иднина, ќе бидат постојано на терен, а ќе дејствуваат и во координација со другите инспекциски служби“.

- Во однос на селективноста, невозможно е да се изврши инспекциски надзор врз сите субјекти истовремено, но тоа не значи дека приодот е селективен, особено ако се има предвид дека покрај редовниот инспекциски надзор се врши и вонреден надзор, по иницијатива на физички и правни лица, а се дејствува превентивно - појаснуваат од Министерството.

Казните за оние што нема да ги заменат таблите и по препораката на инспекторите се високи. Освен платен налог, се поведува и прекршочна постапка пред надлежен суд. Од Министерството рекоа дека глобата е од 2.500 до 3.000 евра за правно лице и од 700 до 900 евра за одговорното лице во правното лице. Но, појаснија дека со последните измени и дополнувања на Законот, износот на глобата е соодветно намален, не прецизирајќи за колку. Граѓаните кај кои поминале инспектори велат дека им било кажано дека ако во рок од еден месец не ги заменат таблите, ќе мора да платат казна од 2.000 евра.

Мислам дека законот не е доискажан, или барем не е добро пренесена веста од медиумите. Веројатно мислат да не се пишува македонски на латиница од типот: frizersko studio Zaneta, а не дека McDonalds ќе треба да биде МекДоналдс.

Како и да е, го поздравувам законот, подобро МакДоналдс отколку berber Stojce.

КАНАЛОТ ПРЖИНО Е ЦЕЛОСНО ИСЧИСТЕН           Според програмата на Град Скопје за одржување на отворените канали на подрачјето на градот за 2010 година, деновиве екипи на ЈП „Улици и патишта“ целосно го исчистија Каналот Пржино. Косините и внатрешноста на каналот со вкупна површина од 1 600 квадратни метри се чистеа рачно и со мешана механизација. Работниците, што рачно работеа на терен, со пили ја сечеа нискостеблестата вегетација, а со мотики и со копачи ја отстрануваа изникнатата трева од косините и од  внатрешноста на каналот. Машинското чистење на Каналот Пржино се изведуваше  со комбинирана механизација, односно со  скип машини и со моторни пили од типот MS 250. http://www.skopje.gov.mk/ShowAnnouncements.aspx?ItemID=3638&mid=482&tabId=1&tabindex=0

Edited by lslcrew - 14-Sep-2010 at 14:52

И во горно нерези видов ваков компјутер, но за жал не фунскионираше интернетот во општо.

Се работи интензивно на уредувањето на Кејот на Вардар Одговорните велат дека работите најверојатно ќе завршат кон крајот на овој месец.

Уредувањето на Кејот на Вардар е проектот кој победи во Програмата “Форуми во заедницата“ каде што граѓаните имаа можност да бираат еден од четирите проекти кој ќе го финансира Општина Гостивар и СДЦ.




http://www.gostivari.gov.mk/index.php?option=com_content&task=view&id=766&Itemid=1

Се средуваат јавните тоалети кај мостот Гоце Делчев

Видов дека од профилите сеуште не се извадени налепниците, па мислев дека моментално се работи. А плочките веќе се искршени, ама очигледно биле и импровизирано наредени.


Edited by Cloverstack - 16-Nov-2010 at 16:40

Уште еден поздрав за град Скопје и изненадувањето со снегот на 16 декември

Обично у мај го чекаат и тогаш се во топ форма за негово расчистување...
Ако немате некоја неодложна работа, не влегувајте денеска во кола, ќе си возите саат време 2-3 километри....

Не можам да најдам никаде на форумов, а веројатно имало некаква дискусија за тоа како се формираат градилиштата во Скопје, поточно односот кон околината. Ме инспирираше едно големо градилиште на ул. Митрополит Теодосиј Гологанов, на местото на поранешна Гранит - Механизација, каде што моментално се врши ископ на јамите (за станбени згради). Во еден период се мотаа некакви работници кои што со црева ги „переа“ гумите на камионите што ја одвезуваат ископаната земја, па после испадна дека во должина до семафорите е направена каллива трага што сега ја покри снегот, ама претходно се расфрлаше насекаде. Ако продолжам да барам примери, ги има мал милион. Во истата тема би влегло и оградување на тротоарот за време на градење на објектите, поставување на оплати, арматури, песоци и што се' не по тротарите, неозначување на градилиштата, ископување на ленти низ улиците за довод на инсталации и не-враќање на коловозот или тротоарот во претходна состојба и сл. насилнички дејствија, кои би влегле и во темата „вандализми и примитивизми“. Би било убаво да се актуелизира како тема за понатаму повеќе да се води сметка за вакви дебилни појави за кои само нас не заболе, а во целиот нормален свет се фино регулирани и нивно непочитување е строго казниво.