Метро во Скопје?

koga go vidov ova se ''utepav od smeenje'' metro vo skopje, skopje kako prvin ima mala povrsina(od vlezot od kaj tetovo do izlezot nakaj veles) 

Драган, Скопје има се, но не и мала површина според бројот на жители! Градот е долгнавест, во насока исток-запад како што знаеш а не круена како Љубљана, Софија или Белград на пример.
Метро е супер стварчица (како што би рекол Трифке на Еднооки) и многу ми се сака Скопје да ги имаше потребните услови. Но ги нема. Дури јас не се сложувам дека потребен услов за градба на метро е број или густина на население, толку колку што е важен факторот колку луѓе се подготвени/би го користеле во еден ден! Под 250 000 - 300 000 луѓе (на една линија евентуална во Скопје), апсолутно не се исплати да се гради. Може би ќе најдат нашиве пари еден ден за такво нешто, но целата капиталистичката економија  е затемелена на поимот Opportunity Costs! Односно, дали со истите пари нема да успееме да направиме нешто попродуктивно.
Скопје плаче за С-Бан и ЛРТ мрежа. Дајте еден преглед на околните балкански градови според врстата на транспорт:
Љубљана 300 000: Автобуси + Трамвај пред почеток на изградба.
Загреб околу 1 000 000 (заедно со предградијата ала Савски Мароф, Сесвете итн): Автобуси + Трамваи + С-Бан (го води ХЖ со линии до сите предградија и поголеми периферни населби)
Сарајево 450 000: Автобуси+Трамвај+Тролејбус.
Белград 2 000 000: Автобуси + Трамваи + Тролејбус + С-Бан (БеоВоз)
Софија 2 000 000: Автобуси + Трамваи + Тролејбуси + Маршрутки + Метро + Регионален Воз Софија (ала С-Бан).
Пловдив 500 000: Автобус + Тролејбус + С-Бан!
Солун урбана - 750 000, метро - над 1 000 000: Автобуси + Метро во изградба.
СКОПЈЕ според мене не може да е над 700 000 сосе сите студенти, транзит и дневна и/емиграција: САМО АВТОБУС! Најлош градски превоз од сите поголеми балкански градови.
Мора под итно да се направи мрежа од С-Бан и ЛРТ (никако класичен трамвај да биде рбетот на градскиот превоз, иако би се сложил за класичен трамвај во некои делови на градот, да речеме може по од пл. Македонија, по ул. Македонија, преку Рамстор и НИП до Клинички центар или пак кон Чаир и Кисела вода)!

Така е планирано и според ГУП, а подземни делници се одлика и на многу ЛРТ системи. Но дали ќе се вика вака или онака се разбира дека не е многу битно, битно е да се изведе квалитетно што нормално го вклучува и подземниот дел помеѓу НБМ и Партизанска.
Иако Коце трамвајот засега го стави на стенд бај, предизборно го ветуваше тунелот под плоштад, па ваљда имаат до толку сенс за тунелот во обзир да го земат и трамот.


Edited by Cloverstack - 24-May-2009 at 01:55

Dali znae nekoj dali Monorail e poeftina verzija od Metro ?
Gledam nekoi sliki od sidnejskiot monorail , i izgleda dosta eftino da e napraveno no sepak efikasno

Не ги заборавајте и самите возила, со специфична технологија

Ние не можеме да измислиме-пуштиме тркало, а не ова 

Supervisor, има огромна разлика од „трамвај“ до „трамвај“. Точно, некои варијанти се смешни за Скопје, но некои се далеку од смешни, всушност се многу адекватни.

Види ова http://www.spectator.sk/articles/view/7979
плановите датираат уште во 80тите во времето на комунизмот и таа тема повторно се отвара во1997, па денес после 12 години станува реалност дека ќе се гради.
Еве и некои мапи и скици http://images.google.com/images?hl=en&source=hp&q=bratislava%20metro&um=1&ie=UTF-8&sa=N&tab=wi

МЕТРО СКОПЈЕ, СПОРЕД МЕТОДОТ НА СОВЕТСКИОТ МЕТРО-ТРИАГОЛНИК:

Во последно време го проучував т.н. систем за изградба на метро мрежи - Советскиот Триаглоник. Се работи за метро систем составен од 3 линии, кои се сечат меѓусебно на три трансферни станици на најфрекфрентните точки во градовите. Наменети се за млади метро системи (во градовите поголеми од 1,5 милиони жители, Киев, Софија, Будимпешта), како и за градови под 1,5 милиони жители (Прага, Баку, Тбилиси). Оваа организација на мрежата овозможува патување низ целата мрежа на метрото со само едно сменување на линија (затоа што секоја линија се сече со останатите две). ... така решив да направам една скица, како би изгледал евентуален советски метро-триаголник во нашиот главен град.



ЛИНИЈА М1 (Влае - пл. Македонија - 11 Октомври - Ново Лисиче). Се трудев далечината на станиците да биде околу 1000 метри, со што се запазуваат стандардите за изградба на тешко (класично) метро. Линијата би била долга околу 9, 5 километри и би имала 11 станици, вклучително и две трансферни. Средното растојание помеѓу станиците би било 900 метри.

ЛИНИЈА М2 (Усје - 11 Октомври - Универзитет - Скопје Север). Линијата е долга 6, 2 километри и има 8 станици (вкл. и две трансферни), поставени на средно растојание од околу 800 метри.

ЛИНИЈА М3 (Клинички Центар - пл. Македонија - Универзитет - Железара). Ова е најкусата линија во мрежата. Долга е 5,2 километри и по нејзината должина се расположени 7 станици (вкл. и две трансферни), на просечна далечина од околу 750 метри.

ВКУПНО мрежата била долга 21 километар и би  броела 25 станици, кои би биле на просечна далечина една од друга од околу 850 метри. За изградбата на метрото би биле доволни околу 600 милиони евра (ако сметаме дека конструкцијата би била 20% поскапа од онаа на Софија - 25 милиони евра на километар тунели плус една подземна станица).  Значи со 200 те милиони евра кои одат за Скопје 2014,  ќе се издлабеа 7 километри тешко метро со 7 станици, или како М1 од Аеродром (кај Мајчин Дом), до Лептокарија, во Карпош 3, преку пл. Македонија.

Метрото во центарот на градот:



Подоцна метрото може да се надополни и со приградска железница (со жолто) и трамвајна мрежа (со лилаво), кои ќе имаат за цел опфаќање на регионите кои не се опфатени со метрото, односно придвижување на луѓето кон станиците на метрото:





ЗАКЛУЧОЦИ:

-Метро во тешка форма, на Скопје во никаков случај не му е потребно. Јас се згранав, од фактот дека нашиов град е толку мал (од север до југ на пример е само 6 километри).
-Станиците на линиите М2 и М3 се распоредени на растојание, под 1000 метри, што е минимален стандард (во повеќето случаи).
-Друг услов за изградба на линија на тешко метро е минимум 25000 - 30000 патници по линија на ЧАС. (Дали се мери 24 часа или само времето кога работи метрото, односно максимум 19 часа навистина неможам да кажам, но доколку некој знае би било супер да сподели. Мене не ми се верува дека се мерат толкав број на часови, затоа што линијата 1 во Софија превезува околу 200 000 патници на ден и по тој критериум не го задоволува овој стандард. Можеби се мери пикот на потокот на патници, односно сутрешен и вечерен пик.). Таков поток на патници не верувам да има на линиите освен на М1.
-На Скопје, во среднорочен/долгорочен план, има перспектива само една метро линија, односно М1 Ново Лисиче - пл. Македонија - Влае. Таму станиците се распоредени доволно далеку (дури имаме пример од Прага, кадешто линијата А има должина од само 11 километри и опфаќа 13 станици), а потокот на патници би бил доволен (особено кон/од центарот кон населбите), односно над 25 000 патници на час.

И за крај уште малку да посонуваме... Во текот на изградбата на Јужниот булевар, би можело да се вметне и изградба на четврта метро линија М4, која би се протегала од Влае, преку Капиштец, Буњаковец, Градскиот Стадион, Музејот на современа уметност и би завршувала кај железничката станица Скопје Север.



Се разбира дека ова го праам сонувајќи и од задоволство, инаку сум комплетно свесен колку непотребно  е тешкото метро за град како Скопје. Но, вака визуелно се уверив уште повеќе колку всушност мало е нашево градче и колку малку луѓе живеат во него, за да се гради метро.

Се надевам ви беше интересно...

@ Mартин
Како бе ретко, секој ден сум вклучен. Признавам последниве две недели ме немаше, затоа што бев во странство, но еве ме, ај ем бек. Многу ми е мило што ти се допаѓаат постовите. Порблем е тоа што кај нас стварно многу малку се гради, а пак и темите и инспирацијата за вакви проучувања или големи проекти кај нас се крајно ограничени и да ти кажам право брзо ми се трошат. Но, секогаш кога имам што да кажам или покажам, го правам тоа. Поздрав!