Тодоров најави обнова на постојните и изградба на нови студентски домови

Затоплување, топла вода во секое време, и она што недостасуваше досега, wc во секоја соба се само дел од поволностите кои студентите ќе ги уживаат.

Студентите задоволни од сегашните услови во домот. Велат, од нив зависи дали ќе ги сочуваат добрите услови за живеење и за идните генерации.   

Тодоров, за наредната година најави дека МОН ќе одвои 38 милиони денари со кои целосно ќе се обнови студентскиот дом Медицинар, а ќе се инвестира и во студентскиот дом Гоце Делчев. Покрај ова, според ресорниот министер, студијата за изградба на три нови студенски домови кои ќе имаат капацитет од 1.500 легла е веќе завршена, за која Владата треба да донесе одлука за почнување постапка за јавно – приватно партнерство.

ПРОДОЛЖУВААТ ГРАДЕЖНИТЕ РАБОТИ НА ОУ "КОНГРЕСИ И МАНАСТИРИ"

Прокт вреден 2 милиони евра

Откако ќе биде завршена изградбата на овој објект, исто така е предвидено тука во склоп на самото училиште да биде изградена и спортска сала, за да ја користат учениците. Површината на која ќе се гради основното училиште ќе изнесува 2000 квадратни метри, а е предвидено да задоволи околу 1000 ученици

Заменик-министерката за образование и наука, Линдита Љазими, заедно со градоначалникот на Општина Чаир, Изет Меџхити, вчера го означи започнувањето на градежните работи за изградба на основното учиилиште Конгреси и Манастири", поранешно О.У. "Лирија".
- Денеска сме тука за да видиме како ќе се одвиваат градежните работи околу изградбата на ОУ "Конгреси и Манастири". Градежните работи некое време беа во застој, поради технички проблеми, но од денеска почна интензивно продолжување на работите и ние како Министерство чекаме наредната година овој објект да биде готов за потребите на учениците од ова училиште, изјави заменик-министерката Љазими.

Таа додаде дека училиштето кое е во тек на изградба е предвидено да ги задоволува потребите на учениците кои учат во ова училиште.
- Откако ќе биде завршена изградбата на овој објект, исто така е предвидено тука во склоп на самото училиште да биде изградена и спортска сала, за да ја користат учениците со што и ќе им се подобрат часовите по физичка култура, рече Љазими.

Градоначалникот на Општина Чаир Изет Меџити, истакна дека и покрај финансиската криза која се рефлектираше во сите сфери, таа се рефлектираше и во капиталните инвестиции.
- Со инсистирање наша страна, но и од страна на родителите, со добро разбирање со Министерството за образование ние го надминавме овој проблем, односно овој застој којшто беше кратко време, но сега има гаранции и интензивно ќе продолжи работа, рече градоначалникот Меџити.

Тој напомена дека во 2011 за ова училиште се предвидени најмногу средства и се планира да биде готово до крајот на 2011 година и дека во иднина планираат да продолжат да инвестираме во подигнување на квалитетот на образованието и воведување на нови стандарди и реконструкција на овие училишта.

Површината на која ќе се гради основното училиште ќе изнесува 2000 квадратни метри, а е предвидено да задоволи околу 1000 ученици. Вкупната инвестиција за овој проект ќе изнесува 2 милиони евра.