Возен парк (ЈСП - двокатни автобуси)

Message Topic Search Topic Options Post Reply Create New Topic Printable Version

   Аналогијава не држи вода зошто всушност не се работи за половни автобуси, туку за нови (нов модел дури ) што имаат само Р од ретро-дизајн (предната маска и навидум делови од формата на каросеријата). А во целава дискусија заборавате една важна работа, а тоа е цената. Да речеме дека автобусиве ќе бидат квалитетни, издржливи, со примерен ентериер; дека симнувањето и качувањето на горниот кат ќе оди брзо (од мое искуство тоа било случај); дека линиите се доволно долги за горниот кат да не биде празен (и тоа мислам дека нема да биде проблем); дека проблем со надвозници нема да има; и дека оштетувањето на асфалтот поради поголемата тежина на оска е незначително поголемо. Квалитетот на моторот и потрошувачката воопшто не ги ни земам како потенцијални проблеми. 

Дури и ова да е случај, сепак останува прашањето дали вредат 10000е заштеда по автобус (160000 спрема 170000 за зглобни од ЛАЗ), со единствени предности во однос на зглобните: 1) помала искористеност на плоштина асфалт 2) интересно искуство и удобно возење на горниот кат 3)атракција и белег на Скопје (кој и да не сакаме, спонтано ќе стане, па ништо чудно и како дел од брендот да биде одговорен за привлекување туристи; иако тешко замисливо од перспектива на обичен Скопјанец, сепак е реално сценарио). Во однос на мааните, капацитетот е помал и секако сите набројани можни проблеми со двокатните автобуси воопшто во град, кои се надевам дека нема да се случат. Не е толку црно-бела ситуацијата, постојат уште неколку променливи кои уште ни се непознати за да знаеме дали ќе ни се допаднат автобусиве и што е уште поважно да се вклопат во јавниот превоз во Скопје. Студија не верувам дека ќе сменеше нешто, зошто не се сомневам дека ќе покажеше дека еднокатни автобуси се подобри за градски превоз. 