Дали знаевте дека Зоолошката градина во Скопје е стара 84 години? Кога последен пат сте ја посетиле скопската зоолошка? Можеби тоа место во последните години не им будеше убави чувстава на жителите на овој град и ретко го посетуваа. Но, во последно време работите се променети. Екипата на Бркај работа реши да се увери во тоа и ја посети зоолошката градина. Одиме со ред... 

Зоолошката градина Скопје е формирана во далечната 1926 година од страна на тричлена комисија со која раководел доктор Станко Караман. Тогаш е предложена и денешната локација која до крајот на 1965 година зафаќала 4 хектари површина. Во тоа време, градината располагала со скромен број животни. Но, со текот на годините градината се проширувала и ја зголемувала колекцијата.

Тоа би бил почетокот. Но, доколку растевте во 90-те или пред тоа, можете да потврдите дека разубавувањето на зоолошката градина беше застанало во 1965 година. Состојбата беше навистина катастрофална. Кафезите беа мали, тесни и неверојатно валкани. Неподнослива смрдеа се ширеше насекаде, а животните беа тажни и депримирани или пак нервозни и исплашени. Поради тоа тие не се размножуваа (освен козите или сличните на нив) и често умираа.

За среќа, денес работите се променети на подобро. Денес, градината е лоцирана на површина од 12 хектари и располага со колекција од 300 животни од 56 видови (цицачи, птици, влекачи). Располага со економски дел, работилница, ветеринарна амбуланта, забавен парк за деца итн. 

Откако си почекавме неколку минути за да купиме билет (чини само 50 денари!) влеговме во Зоолошката градина и бевме пријатно изненадени од тоа што го видовме. Погледот веднаш ќе Ви го привлече игротеката со лулашки и големиот гумен тигар во кој децата можат слободно да лудуваат. Не ги заборавиле ниту “поголемите деца“, за кои има кафуле. 

Но, немојте да нè сфатите погрешно. Оваа статија не е реклама за Зоолошката градина. Овде, покрај убавите работи, ќе ги наведеме и недостатоците. Првиот е очигледен уште пред да влезете во неа. Нема соодветен паркинг простор. А, скопјани се такви што доколку би можеле, ќе влезат во кафезите на животните со своите автомобили. Сите ги испопикале автомобилите каде што мислеле дека има место. Сепак, заборавиле дека стотина метри подолу, во паркот има огромен паркинг кој зјаеше полупразен.

Втората работа којашто ни придизвика мал проблем беше тоа што не постои мапа од зоолошката. Не знаевме во кој правец е најпогодно да се упатиме, па инстинктивно тргнавме в десно. А, ова може многу лесно да се реши. Сè што треба да се стори е да се нацртаат стрелки на патеките. 

Но, движејќи се по патеките набрзо заборавивме на недостатоците. Оваа зоолошка градина не е онаа којшто ја паметевме. Патеките се уредени. Зелените површини се уредни. Кафезите се големи. Гледајќи така наоколу вниманието ни го привлекоа лемурите кои групно се сончаа. Не беа посебно расположени за игра, но сепак беа слатки. 

Веднаш до нив се наоѓаат Јагуарите. Овој пар егзотични мачки нè привлече и останавме со нив неколку минути. Имаат релативно голем кафез од жица, на која има електрична ограда низ која тече слаба струја. Ќе ни простите што на дел од фотографиите ја имаа оградата, но тоа беше единствениот начин да Ви ги покажеме овие прекрасни животни. 

Продолживме понатаму и ги видовме лавовите кои исто така се излежуваа на есенското сонце. Тие навистина имаат огромен простор и тешко е да ги видите одблизу.

Но, затоа одблизу можете да им се восхитувате на елените и срните. Нив можете да ги храните со зеленчук и овошје кои можете да ги купите во самата зоолошка,  што е одлична идеја. Подобро отколку да им давате смоки, нели?

Рисот уживаше во своето прекрасно живеалиште, а којотите и волците си трчкаа лево-десно. Најверојатно, сè уште не можат да му се изнарадуваат на својот нов дом. 

Црниот леопард веројатно ќе почека за подобра куќа уште некое време. Но, изгледаше како тоа да не му пречи да си дремне. 

Продолживме понатаму и дојдовме до живеалиштето на кафеавите мечки кадешто две мечиња нè забавуваа обидувајќи се да добијат малку лапачка пред зимскиот сон. 

Иако има импресиво уредено живеалиште, не успеавме да го видиме бенгалскиот тигар. Можеби му беше малку ладно.

Импресивно е и живеалиштето на белоглавите мршојадци кои уживаа позирајќи пред нашиот апарат. Орлите, јастребите и бувот, не беа толку расположени. 

Вниманието на посетителите го привлекоа малите нурии кои трчкаа наоколу грицкајќи го она што им беше понудено.  

Ноевите се перчеа наоколу, а биковите, јаковите, ламите и сличните на нив го правеа она што најдобро го прават - одмараа и преживаа. 

Нилските коњи исто така не го пропуштија топлото есенско сонце и мрзливо се излежуваа. Штета што тие сè уште се сместени во старото живеалиште кое очигледно не им ги задоволува потребите. Но, новото е речиси готово и се наоѓа веднаш до нив. Се надеваме дека што поскоро и тие ќе го добијат својот нов дом бидејќи се навистина популарни кај дечињата. 

За крај ги оставивме мајмуните. Ги нема во голем број, ниту пак ги има вообичаените жители на зоолошките низ светот. Нема шимпанза (Коко се лекува во Холандија), нема орангутани, ниту пак горили. Но, павијаните одлично ги забавуваат посетителите. Особено популарно е новото малечко кое мајка му не го испушта од раце. 

Зоолошката е дом и на животни кои овде не ги споменавме, но во интерес на просторот само ќе ги наброиме. Има зебри, гнуа, антилопи, валаби (вид на кенгур), дивокози, пауни, фазани, папагали, питони, желки, зебу говеда и други. Бидејќи има многу неискористен простор, се надеваме дека во иднина ќе можеме да видиме уште многу животински видови во Скопје, со што нашата зоолошка градина ќе заличи на оние во светот и дека ќе биде место со кое сите се гордееме.

Не смееме да заборавиме да напоменеме дека во зоолошката постои и едукативен центар во кој се организираат предавања, работилници и изложби. Има и чист тоалет (што е реткост во Скопје) над кој има видиковец од кадешто можете да си земете кафе од кафематот и да уживате во погледот на живеалиштето на лавовите и јагуарите. Исто така, има доволно клупи и места за одмор, а на секој кафез има информативна табла. Интересно е тоа што доколку сакате, можете да организирате роденденска забава за Вашето дете во градината. Како роденденски подарок можете да му подарите јавање на пони. Само, да знаете дека јавањето е многу популарно, па можеби ќе треба малку да почекате. 

Ние бевме пријатно изненадени од зоолошката градина и си поминавме прекрасно. Ви препорачуваме да не се двоумите и првиот сончев ден да го искористите за посета. Ако не сега, тогаш штом ќе затопли во пролет не пропуштајте да појдете таму. Дотогаш се надеваме дека ќе имаат уште нови работи што ќе им бидат понудени на посетителите. 

Останатите фотографии од Зоолошката градина можете да ги погледнате во галеријата.

http://brkajrabota.mk/lifestyle/patuvanja/fotoreportaza-od-zooloskata-gradina-vo-skopje

Да така е, и јас во 2005 бев изненаден и видов дека животните едвај преживуваа беа до умирачка, во 2008 видов голем напредок, а сега пред неколку дена ја посетив и навистина се воодушевив, имам сликано нешто се надевам наскоро ке ги уплодирам и ке ги споделам со вас , навистина многу е направено за кратко време, и навистина сега личи на нешто, не дека е сјајно али анализирајки ја состојбата порано и сега ,навистина е голема разлика, животните живеат во поубави живеалишта , досега сите живеалишта ми се допаднаа освен живеалиштето на црниот јагуар ,кој некако беше осамен, а во неколку зоолошки градини низ интернет сум видел дека јагуарот и црниот јагуар се сместени во ист кафез а кај нас одделно ,се надевам и тоа ке го средат.

 Tоа е јагуар црн јагуар или леопард, истиот поим се користи како што пишува на википедиа.

http://en.wikipedia.org/wiki/Black_panther
 како и да е... просторот е мал.. како што успеав да видам и да читам во зоо постовите ,изгледа нема да ја менјаваат... велат дека е доволно просторот.


Edited by mitatos - 10-Nov-2010 at 17:40

Посетителите се заштитени, но не и животните од посетителите. Мислам дека бифето во кругот на Зоолошката треба да се дополни со ресторан или некоја продавница за бели печива, мислам дека треба да има поголем простор каде што посетителите ќе можат да се одморат, да останат подолго време во неа, игралиштето за деца да се направи на подолг терен но и да се обнови Природнонаучниот музеј за да се оформи комплетна целина која целодневно ќе го задржи посетителот во Зоолошката градина.

Годинава 281 животно станаа жители на градината. Бројот на Зоо-семејството сé повеќе се зголемува, а со тоа расте и бројот на посетителите       Зоолошката градина врие како во кошница. Деца на сите страни, основци на екскурзија од повеќе градови во земјава, баби, дедовци, мајки со колички. Не е битно дали е обичен ден или викенд. Новите станари што се вселуваат во новите живеалишта и новиот концепт на работа си го направија своето - Зоолошката градина нема зимски сон. Радост, изненадување, восхит се гледа на лицата на посетителите. Петстотината станари се како вистински актери во ова реално шоу. Особено го привлекува вниманието мајмунот, кој оди по јаже низ езерцето и изведува интересни акробации, и лавовите, кои позираат додека чкртапаат апаратите на посетителите. Штотуку пристигнатите тигри се посебна атракција, особено кога се гушкаат и изјавуваат љубов. Мечките се сосема расонети и лежат на благото есенско сонце. Интересни прашања може да се слушнат од децата, кои станарите на градината ги поистоветуваат со јунаците од цртаните: „Дали се ова којотот и брзата птица итрица“, „Еве го волкот, а каде е Црвенкапа“, „Леле, мајмуните од Мадагаскар“. И што уште не. Воодушевени се и најмалите, но и возрасните. - Тигрите се многу убави и големи, баш како што ги гледав на Анимал планет. Конечно во живо ги видов сите животни од моите омилени цртани. Има и некои што не ги знам, ама сега ќе научам се за нив – низ смеа вели третоодделенецот Иван. За жителите на Зоолошката градина нема зима. Ганц новите живеалишта се обезбедени со подно греење, додека оние што живеат во старите но подновени домови ќе се греат на електрични панел-плочи. - Убавото време ќе се искористи и за доизградба на терариумот, живеалиштето на рептилите, кој треба да биде готово до средината на декември. Мајмунијадата, живеалиштето на лавовите и нилскиот коњ се следни на списокот. Живеалиштата за пингвините и фоките, како и тропската куќа, ќе се одложат за понатаму. Во наредниот период, најверојатно идната година, планираме да се направат осветлувањето, патеките, патоказите – изјави Дане Кузмановски, директор на Зоолошката градина. Бројот на Зоо-семејството сé повеќе се зголемува, годинава дури 281 ново животно станаа жители на градината. Се планира да се набават уште животни. - Наскоро ќе пристигне крокодилот од Зоолошката градина во Софија. А се разбира ни фалат слон и жирафа, кои не можеме сега за сега да си ги дозволиме. Од зоолошките градини со кои соработуваме, дознавме дека за купување на жирафа и за нејзиниот транспорт до Скопје ни требаат 4.500 евра. Бараме донатори, па како што досега успеавме за многу нови станари, можеби и за овие ќе се најде некој – вели Кузмановски. Зоолошката градина е формирана во 1926 година. Лоцирана е на површина од 12 хектари. Располага со едукативно катче, ветеринарна амбуланта, забавен парк за деца, работилница, економски дел. Во Зоолошката градина се среќаваат 73 вида животни, а вкупно се здомени 507 жители. Богато мени Јунешко, пилешко, моркови, зелка, банани, јаболка, пченка, јачмен, сено, слама. Ова е дел од менито на станарите на Зоолошката градина. Секое животно има своја омилена храна и сопствени принципи на исхрана, на кои вработените внимаваат и ги почитуваат. Најекономични во исхраната се тревопасните животни, додека месојадите се најскапи за чување. - Лавовите, тигрите, леопардите, волците најмногу јадат. Зиме им даваме повеќе јунешко, пилешко, додека лете им се намалува оброкот од месо и се комбинира со друга храна. Срните, елените, зебрите се големи економи. За нив и есенските лисја се десерт – ни раскажува еден од чуварите. Домот на слонот и на жирафата подарок од градот Минатата недела распишавме тендер за изградба на нови живеалишта за слонот и за жирафата. Јавната набавка е отворена до 14 декември. Градежната фирма со најповолна понуда ќе ја има честа да ги гради живеалиштата, истакна Дане Кузмановски. Сé уште не се направени пресметките за тоа колку ќе чинат новите живеалишта, чија изградба ќе ја финансира градот. Се планира изградбата на овие живеалишта да почне кон крајот на јануари идната година и да заврши за околу пет месеци. Слонот и жирафата ќе станат дел од ЗОО-семејството кон крајот на наредната година.       Автор: Сања Јачевска

http://www.novamakedonija.com.mk/NewsDetal.asp?vest=112010934352&id=14&setIzdanie=22138

Edited by Cloverstack - 20-Nov-2010 at 18:46

Вака баш влезов не изгледа кул ама подобро е него претходниот ако не друго.

     
Ќе се гради нов паркинг кај Зоолошка

В година посетителите на Зоолошката градина нема да се мачат за наоѓање паркинг-место. Свесни дека постојниот паркинг на ЗОО е со мал капацитет, а по пробивањето на „Илинденска“, дополнително се зголемила потребата од паркирање во реонот, градските власти велат оти одлучиле да изградат нов паркинг кај Зоолошка. За него во нацрт-буџетот се планирани 12 милиони денари, а се очекува изградбата да започне до пролет и да заврши во најкраток можен рок. Паркингот ќе се гради веднаш до ЗОО, на местото на трите стари куќи што наскоро ќе се урнат.

http://www.utrinski.com.mk/default.asp?ItemID=CD4D1F38434C764491CBB2719852A993

Битолската Зоолошка пред затворање Ветеринарни инспектори велат дека ќе мора во одреден рок да биде решен проблемот со канализацијата и со некои живеалишта што не се според стандардите На битолската Зоолошка градина и' се заканува клуч, обвини локалната опозиција. Според нејзините сознанија, ветеринарната инспекција пред десетина дена констатирала катастрофална состојба во објектот и најавила дека ако не се надминат проблемите, следниот чекор ќе биде затворање. Веќе шест децении Зоолошката не е урбанизирана, односно е дивоградба, без канализација, поради што се шири реа, а живеалиштата на животните не ги задоволуваат пропишаните стандарди. Според опозицијата, одговорните лица во Зоолошката го кријат од јавноста записникот со констатациите на ветеринарната инспекција. - Новиот директор уште на почетокот од својот мандат се соочува со опасноста од затворање на Зоолошката, што значи и оставање на вработените на улица. Каде се крие записникот од ветеринарната инспекција, која констатирала несоодветни услови во живеалиштата на животните и проблем со канализацијата? Дали ќе треба нашите деца и внуци наместо да видат лав во живо, да ги носиме во Скопје да ги гледаат како скулптури на плоштадот и на Камениот мост - праша Наташа Струмениковска од СДСМ. Таа ја обвини и битолската Општина дека со години наназад не издвојува средства за надминување на проблемите во оваа јавна општинска установа иако знае за алармантната состојба. Грижата за Зоолошката е и во ингеренции на општината - додава Струмениковска, иако платите за вработените и дел дотации се' уште ги обезбедува Министерството за култура. Директорот на зоолошката градина, Коста Нешковски, вели дека не им се заканува затворање иако условите не се добри. Имале инспекциски надзор, но записникот се' уште не го добиле за да го кријат од јавноста. - Ова се наследени состојби, а инспекции сме имале и ќе имаме. Ќе добиеме инструкции и ќе постапиме по нив. Најпроблематично е што 60 години никој не се погрижил градината да влезе во детаљниот урбанистички план - вели директорот. Нешковски е оптимист дека проблемите ќе се решат, зашто следната година е планирано да се изработи техничка документација за урбанизација на градината. Бидејќи таа има регионален карактер, Центарот за пелагониски плански регион обезбедил пари со кои ќе се изградат и нови живеалишта. Дел од сегашните не ги задоволуваат стандардите пропишани со Законот за благосостојбата на животните. Подот во живеалиштата не смее да биде бетонски, ниту оградата да биде од челични жици, како што се некои од битолските. Ќе мора да се направат најмалку пет нови за ѕверовите, а за птиците и за тревопасните животни живеалиштата ги задоволуваат стандардите. - За канализацијата, мора да бидат запазени одредени стандарди. Очекуваме корекциите да ги направи Општината - додава директорот. Ветеринарни инспектори велат дека Зоолошката градина ќе добие рок да ги надмине слабостите. Потврдуваат дека еден од проблемите се септичките јами, но сметаат дека е потребна и целосна реконструкција. Во Зоолошката има 350 животни, а поради статусот на дивоградба, немало инвеститори. Европската асоцијација за зоолошки градини неколкупати предупреди на лошите услови во градината. http://www.dnevnik.com.mk/default.asp?ItemID=46558D280BB3FD4E8559ADE6E1F31B14

Нови животни во скопската Зоолошка градина

27.12.2010 | 10:11 Извор: Макфакс Прочитано: 8 пати Испрати на пријател Сподели на Facebook Зголеми го фонтот Намали го фонтот

Скопската Зоолошка градина викендов се збогати со шест нови животни, два мерката, два муфлона, еден црн лебед и еден питон.

Од градината информираат дека сите животни пристигнаа викендов од Белград и сите се сместени во живеалиштата. Во Зоолошката градина започна акцијата за посвојување на животни. Компанијата Сивус е посвоител на јагуарите, а Тобако на рисовите.

http://www.tocka.com.mk/index12.php?ID=28774

Јас сметам дека овие работи не ги почнал Дане Кузмановски за кој се прави Херој, тука имаат прсти и други луге кои што се обидоа да ја реконструираат зоолошката градина во Скопје, јас скоро секоја година сум бил во зоо, катастрофата беше од 95-та и нагоре, во 2005 повеќето од животните умреа, потоа се овиде Трифун да направи нешто но не сакаше да даде пари,неговите претходници се обидуа нешто преку донации , се секавам и МОБИМАК изгради едно живеалиште и едно игралиште за деца, но револуцијата почна во 2005-тата нагоре, јас имам слики од тогаш кога почнаа да се градат живеалиштата на тигровите и неколку други живеалишта на видрите, црниот лебед и уредување на живеалиштата на ламите, и еден вид диви кози на кои ставија големи камења за да се осекат како дома, сакав да кажам дека за целава работа Дане само ги зема сите пофалби иако сметам дека и претходниците работеа за реконструкцијата на зоолошката градина.
Благодарение и на граганите кои го дадоа својот придонес, идеи ,забелешки , мислења,критики и др.

Сакам да кажам дека не е само ДАНЕ заслужен за сето тоа.

Уште 2008-ма зоолошка е аведена во изборната програма на сегашнава влада. Се потори истото и 2009-та со локалните. Така да ако не бил овој сега ќе бил некој друг директор. Може он и да си ласка дека комплет ја завршил работата. Ако зависеше толку од управата па да го ставиме министер за нешто. Се работи до вољата за инвестирање на повисоки инстанци. Човекот е заслужен што имал воља да ја среди зоолошката и настапил амбициозно, а не како обичен партијаш што би ги слоупотребил условите а позади себе да не остави ништо.