Дисплеј од 74.000 евра ќе го мери квалитетот на воздухот Каков ќе биде воздухот дента во Скопје, ќе може да се прочита на електронска табла, која градската власт има намера наскоро да ја постави во централното градско подрачје. Надлежните велат дека со неа ќе се мониторираат еколошко-климатските промени во воздухот, но што точно ќе покажува дисплејот, останува да се види на терен кога овој апарат ќе биде инсталиран. Сега-засега се знае дека ќе чини околу 74 илјади евра, но од Градот не кажаа детали за каква табла поточно станува збор. Дали за онакви какви што сме навикнати да среќаваме и да читаме податоци за влажноста на воздухот и температурата на многу места во Скопје или, пак, за нешто сосема друго. Влажноста на воздухот, моменталната температура, притисокот на воздухот може да се сретнат на многу табли во моментов, кај Паркот на жената-борец, на зградата на ЗОИЛ, на „Првомајска“, во Кисела Вода, на разни приватни објекти. Дека работата е готова говори и тоа што Градот пред неполн месец склучил договор со фирмата „Фармахем“ за купување „дисплеј за климатолошки и еколошки параметри“. - Поставувањето на дисплејот е со цел да се информира јавноста за квалитетот на амбиенталниот воздух во градот. Со високософистицираната опрема ќе се премеруваат повеќе еколошки, но и метеоролошки параметри, кои се релевантни за следење на квалитетот на воздухот. По инсталирањето на опремата, ќе информираме како да се чита од дисплејот - одговорија од Одделението за односи со јавноста. Од Градот не одговорија на прашањето зошто ваква набавка им била приоритет за годинава, имајќи предвид дека досега, при разгледување и ребаланс на буџетот, не било споменато вакво нешто. Иако договорот е склучен, надлежните не дадоа информации ниту за точната локација ниту, пак, за димензиите на дисплејот. Иако од Градот тврдат дека на таблата ќе може да се прочита за квалитетот на воздухот во Скопје, сепак не објаснија како е тоа можно, имајќи предвид дека квалитетот не се одредува толку лесно. Извештаите се изготвуваат врз база на податоци кои се собираат цела година. Барем така се оградуваат секогаш кога ќе бидат прашани колкава е загаденоста на воздухот во Скопје. Самите локални власти неодамна на оваа тема одговорија дека „информациите за состојбите со квалитетот на амбиенталниот воздух ги добиваат од други соодветни стручни институции, врз основа на релевантно спроведени истражување во текот на годината“. Објаснија дека институциите имаат разработена научна методологија и параметри кои се егзактни за утврдување на состојбите на квалитетот на воздухот. (Ј.И.)

http://dnevnik.com.mk/?ItemID=0D9D9F126CA20644A96BE0536DED8847

Еве дел од новите клупи што беа поставени оваа година само на еден булевар ,и исто така скоро поставените огласни табли ...

ПРОМОВИРАН ДИСПЛЕЈОТ ЗА МЕРЕЊЕ НА КВАЛИТЕТОТ НА ВОЗДУХОТ     Градоначалникот на Град Скопје, Коце Трајановски, денеска /11.02.2011 година/ го промовира дисплејот што го  прикажува квалитетот на амбиентниот воздух во центарот на градот,  којшто е поставен на улицата Македонија, пред Домот на АРМ. Поставувањето на дисплејот е дел од заложбата на Градот за заштита на животната средина и квалитетно и навремено информирање на граѓаните, а со поставувањето на овој дисплеј го реализира проектот „Скопје дише“.  - Градот Скопје постави автоматски портабл инструмент - airpointer, којшто врши мерење на загадувачките материи во воздухот, и тоа јаглеродмоноксид, сулфурдиоксид, азотни оксиди и партикуларни честички помали од 10 микрометри. Инструментот ги мери и ги прикажува и метеоролошките параметри - температурата на воздухот, брзината и правецот на ветерот и влажноста на воздухот, што се неопходни за пресметување на добиените податоци за загадувачките материи. Софистицираниот инструмент за следење на загадувачките материи користи референтни методи, во согласност со регулативата на Република Македонија, во којашто се пренесени стандардите на Европската унија. Инструментот е набавен по пат на јавна набавка, а испораката, монтажата и едногодишната гаранција е на фирмата „Фармахем“. За набавка на дисплејот потрошивме околу 5 милиони денари. Градот Скопје во најкраток рок ќе направи интернет-поврзување на поставениот airpointer. На тој начин моменталните податоци за квалитетот на амбиентниот воздух ќе пристигнуваат во Градот и ќе бидат поставени на официјалната Интернет-страница www.skopje.gov.mk и ќе се трансферираат до Министерството за животна средина и просторно планирање – рече градоначалникот Трајановски, на денешната промоција на дисплејот. Инструментот е поставен на столбна конструкција, со голем плазма екран, на којшто се претставени измерените вредности на загадувачките материи што се мониторираат. Заради достапност на граѓаните, истите се пресметани и преку Индексот за квалитетот на амбиентниот воздух, при што текстуално и со соодветна боја е истакнат моменталниот квалитет на воздухот и е дадена препорака за населението. Главната цел на поставувањето на овој airpointer е навременото информирање на граѓаните за квалитетот на амбиентниот воздух, но истовремено, истиот претставува релевантно мерно место во градот, односно прво во локалната мониторинг мрежа за квалитетот на воздухот на Градот Скопје. Градот Скопје планира да ја гради својата мрежа континуирано и во соработка со скопските општини, затоа што мониторингот на воздухот е еден од условите и појдовна точка во процесот на управување со квалитетот на воздухот. http://www.skopje.gov.mk/ShowAnnouncements.aspx?ItemID=3980&mid=482&tabId=1&tabindex=0

Originally posted by NorthWind Пошто секојдневно проаѓам од тука и како и сите други гледам побрзо да преминам а не идам 5 метри погоре до пешачкиот (пошто исто ти се фаќа, и на пешачки и не на него, пак чекаш да пројдат сите возила додека преминеш, никој не ти застанува), мислам дека е возможно да се работи за поставување на некаква ограда, за да се натераат пешаците да идат до пешачки, да не претрчуваат. А за вообичаени столпчиња нема логика, пошто и онака тука никој не паркира.

Дечко поголема глупост неам прочитано на форумот! Како исто ти се фаќа???? Па газиш по зеленило бе, а ако идеш по пешачки газиш по каков таков асфалт и бетон. Затоа најодвратно зеленило во цело скопје има на тој булевар, више кал него трева. Па централно подрачје на еден главен град е тоа. Леле како се напињам од сите што проаѓате преку тревата. Стварно сфаќам не ви е гајле за скопје. Брзањето не е причина да се гази по зеленило. Се поише зеленилоно у ск дава слика као да сме афрички град со кал и прашина. ццццццц

Edited by N23 - 24-Mar-2011 at 21:15

German mayor invents park bench for teen etiquette

BERLIN | Fri Apr 8, 2011 10:34am EDT

BERLIN (Reuters) - A mayor in Germany is attracting interest from other cities after he installed a special park bench for town teens who refuse to sit properly.

After residents of the southwestern city of Eppelheim complained teenagers always sat on the top of benches, rather than on the seat itself which they dirtied with their shoes, Mayor Dieter Moerlein came up with the idea of putting the seat on top.

The first of Moerlein's benches was installed last week and he is already fielding calls from interested cities in Germany, he told Reuters on Tuesday.

"The reception has been overwhelming," Moerlein said. "Whoever wants to build one, be my guest."

The mayor of 17 years calls them "no-interest" benches because teens have "no interest in following etiquette. They all sit on the new benches like sparrows on a branch," he said.

In a country reputed for its orderliness, putting your shoes on a public seat often earns a quick rebuke from passersby.

In one extreme case, a 69-year-old pensioner wounded an 18-year-old man with a knife on Sunday after the teen would not take his feet off of a seat on a train.

But in Eppelheim the bench has been a sufficient solution for all parties in a city best known for strudel and global food ingredient maker Rudolf Wild GmbH.

"Kids are happy because there are no rules against sitting on the back of benches," the mayor said. "Others are happy because they now have a clean place to sit."

http://www.reuters.com/article/2011/04/08/us-germany-parkbench-idUSTRE7344LZ20110408

Германци (нормално не генерализирано) не дебатираат за култура и менталитет туку од тоа прават архитектура.

Edited by lslcrew - 12-Apr-2011 at 01:01

Општината Аеродром распиша конкурс за избор на фирма што ќе изгради шест нови чешми за пиење вода
Општинарите во меѓувреме потпишаа договор со фирмата „Промонтинг“ Скопје за редовно одржување на веќе постојните чешмички. Во општината има над 60 чешми за пиење вода http://www.novamakedonija.com.mk/NewsDetal.asp?vest=412111019421&id=14&prilog=0&setIzdanie=22255

Edited by dule - 13-Apr-2011 at 06:57

НАЈНОВИ ИДЕИ НА ГРАД СКОПЈЕ
Семките и пуканките ќе мирисаат на барок?

Анета Ристеска

Десет нови типски тезги за продавање семки, крофни и костени планираат градските татковци во скопското централно градско подрачје, кои со постојните 11 тезги за книги и најавените 10 куќарки за стари книги, прават бројка од триесет тезгиња, кои наскоро ќе го преплават центарот.
Од градот не даваат информации за тоа кој ќе ги изработува тезгињата, колку ќе чинат ниту какво ќе биде нивното стилско решение, односно дали како што беше случај со претходните единаесет, и овие тезги ќе бидат во склад со севкупниот изглед на плоштадот - односно во барокен стил.
Тезгињата, како што вели портпаролот на Градот, Неделчо Крстевски, се во изработка, а кога ќе бидат довршени - не прецизира. - На конкурс треба да се изберат 20 физички лица што ќе стопанисуваат со 10 тезги за семки, крофни, костени и слични производи и 10 лица што ќе стопанисуваат со стилски тезги за продавање стари книги. Стилските тезги за стари книги ќе бидат во форма на куќарка - најавува Крстевски. Цената на веќе поставените десетина тезгиња, пак, предизвика бројни коментари бидејќи за нив беа издвоени 80.000 евра, односно по 7.300 евра за секое тезге, што, пак, според познавачите, отвора простор за сомневање дека постојат манипулации и со новите тезги. - Зошто токму 30 тезгиња? Кој направил таква процена? Каде се означените точки за нивно поставување? Тоа се прашања без одговори, што безрезервно упатува на фалсификати, но и на манипулации на јавноста - коментира архитектот Мирослав Грчев. Тој додава дека европските градови имаат отворени и јавни конкурси за избирање најдобри решенија за урбан мебел, во кој спаѓаат тезгињата. - Со аналитички архитектонско-амбиентални студии, јавни презентации и дискусии тие одбираат најдобри естетски решенија. Немаат политика на дејствувања на ангро како тука - смета Грчев.
Во однос на градската визија за намената и за бројот на тезгињата во центарот на Скопје, од градот немаат јасни одговори. Збунува и фактот што пред нецел месец оттаму изјавуваа дека новите тезгиња ќе бидат наменети само за продажба на книги, а не за семки, крофни и за костени, како што вели сегашната одлука на Градот. Ваквите предомислувања и нејаснотиите стручњаците ги толкуваат како прв показ на неотвореност во постапките. Велат со триесетте тезгиња меѓу скулптури и споменици, сместени на површина од три декара и заедно со сите тековни градителски зафати, Скопје прави чекори наназад.
- Ова не се погрешни потези, туку комплетно обратни од тоа што треба да се прави според некакви стандарди. Се води кон општа регресија, назадување на нашата култура на живеење. Со ова не одиме кон Европа, туку и бегаме - велат архитектите. На огласот за првите единаесет тезги, за кој градот објави дека се наменети за физички лица, тезги добија четири големи издавачи - „Ѓурѓа“, „Табернакул“, „Три“ и „Дијалог“ - од кои некои имаат и свои книжарници. На незадоволството на другите книжари и издавачи, кои рекоа дека немале шанса да дојдат до продажен простор, односно тезге во центарот на градот бидејќи конкурсот бил наменет „за физички лица“, од Градот изјавија дека условот за добивање тезге бил „кој прв ќе се пријави“.

http://vreme.com.mk/DesktopDefault.aspx?tabindex=0&tabid=1&EditionID=2289&ArticleID=159371

LIKE

СТАВЕНИ ВО УПОТРЕБА НОВИТЕ ЧЕШМИ ВО ГРАДСКИОТ ПАРК

Екипите на Град Скопје ја завршија изградбата на четирите стилизирани чешми за вода во првиот дел од Градскиот парк. Чешмите се направени од испрано терацо и се обработени со малтер. Од денеска тие се пуштени во употреба. Првата чешма е со хексагонална форма со шест чешмички од месинг, а просторот околу неа е бетониран. Во чешмата ќе се постават и мали рефлектори. Втората чешма е поставена кај Школката и таа тече со водопад (низ канал покриен со речни камења) којшто се слева во корито. Од коритото на оваа чешма вода може да пијат домашните миленици. Кај влезот во паркингот на Град Скопје се наоѓа чешмата на која што е поставен грбот на Град Скопје, а чешмата изградена кај тениските терени е обработена со елементи од ковано железо. Чешмата кај Школката ќе тече постојано, а другите чешми се пуштаат со притискање копче. Ваквиот начин на функционирање на чешмите во Градскиот парк се воведува за да се спречи неконтролираното истекување на водата за пиење, а со тоа и да се заштеди. Четирите чешми го разубавуваат ликот на првиот дел од Градскиот парк и се вклопуваат во амбиентот што ги опкружува. На посетителите на паркот овие чешми ќе им понудат освежување, особено во претстојните летни денови. На изградба на четирите чешми во Градскиот парк работеа екипите на фирмата „Трго инжинеринг“ од Скопје, а за овој проект Градот Скопје од Буџетот издвои околу 1,2 милиони денари.

http://www.skopje.gov.mk/ShowAnnouncements.aspx?ItemID=4172&mid=482&tabId=1&tabindex=0

Италијански чешмички по скопските улици

Чешмите во градот ќе добијат нови славини според италијански дизајн на стерилизиран змеј



Во големата акција за реконструкција што ја презеде ЈП „Водовод и канализација“ ќе бидат реконструирани сите јавни чешми. Менувањето е веќе направено на чешмата кај „Јосип Броз-Тито“, кај Зелен пазар, спроти Градската болница.

Екипите на „Водовод“ најавија и средување на чешмите кај „Чичко Стоилко“, како и кај студентскиот дом „Кузман“, зградата на стара „Нова Македонија“, спроти Музејот на градот, кои се затворени за употреба.

- Наредниот период ќе ги вратиме во употреба сите чешмички во градот. Акцијата ќе опфати проверка на инсталациите, бетонирање и исправање на основите каде што е потребно, пескарење и чистење на чешмичките. Набавивме 200 современи временски вентили, кои ќе бидат поставени на самите чешмички. А тие се од лиено железо со релјефен стил и со автоматско копче за временско користење на водата. Вентилите ги изработи фирмата „Марио Цирино Помицино“ од Италија.

Менувањето на вентилите е со цел да се намалат загубите на вода и штедење, односно рационално користење на водата - изјави Стојан Трајановски од ЈП „Водовод и канализација“.

Вкупната вредност на инвестицијата изнесува 626 илјади денари. Чешмите по правило треба да функционираат во периодот од април до ноември.


http://www.novamakedonija.mk/NewsDetal.asp?vest=42111928361&id=14&prilog=0&setIzdanie=22263

Kapistec,