СКОПЈЕ / 28.03.11 / 14:38
Вкупно 94 речни корита, како и дел од крајбрежјето на Преспанското Езеро, ќе се чистат годинава согласно Акциониот план за 2011 што го усвои владата, официјално е соопштено денеска.

Ќе бидат исчистени коритата на реките Вардар, Пчиња, Брегалница, Лепенец, Црна Река, Треска и Крива Река. Исто така, предвидено е чистење и на реките Драгор, Бистричка Река, Шемница и Жабјанска река во општина Битола, Струмешница во Босилево и Василево, потоа Габровчица, Звегорска Река и дел од Брегалница во Делчево, Мрзенска Река, како и реката Вардар во Гевгелија, Голема Река, Врбјанска Река, Издеглавска Река, како и каналот на реката Сатеска во општина Дебарца, потоа Деребашки порој и дел од Црна Река во општина Дојран, Каменичка Река во Македонска Каменица, Злетовска Река во Чешиново – Облешево , Жировничка Река во општина Маврово и Ростуше; Липковска, Лојанска и Отјањска Река во Липково, Радовишка, Ињевска и Река Плаваја во Радовиш и Градска Река во Прилеп.

На територијата на општина Кочани предвидени се активности на Кочанска и Оризарска Река, како и одводните канали во с. Грдовци, с. Мојанци, с. Д. Полог, потоа Сува Река во општина Илинден, Кратовска Река во Кратово, Дурачка, Мождивјачка, Огутска, Киселичка Река и дел од Крива Река во Крива Паланка.

Во општина Неготино предвидено е чистење на Т`лминска Река, Брестин дол, Дисанска, Тремничка Река, во општина Штип реките Лакавица и Балталиска, како и реките во општина Струмица, и тоа: Даболско, Стара Река, Мртвица, Турија, Чешмица и Река Тркања. Во Тетово, Реката Пена и Голема Речица, Вевчанска Река во Вевчани, Тајмишка Река во Зајас, а на територијата на општина Берово, Ратевска Река како и Колачински, Ормански и Маначински поток.

Во општините Пехчево и Пробиштип предвидени се реките : Панчаревска, Црничка и Пишичка Река. Во Богданци реката Луда Мара, а во Виница реките: Осојница и Сушица, како и дел од Брегалница.

Во општина Струга ќе се чистат каналите: Калишки, Теферич и Индустриски канал, во Кичево реката Сушица, а во Брвеница реката Камењанска.
Во општината Врапчиште планирани се реките Мурговска, Топличка и Река Модрача

Докажав дека Скопје може да стане модерен град

Биљана Здравковска-Стојчевска

Капитал Медиа Груп годинава за првпат ја воведува наградата “Човек посветен на Македонија”. Иако наградата редовно ќе се доделува кон крајот на годината, годинава одлучивме човекот на годината да го објавиме порано во пресрет на 8 септември кога Македонија слави 20 години независност.Годинава немавме дилеми за човек кој најпосветено работеше за Македонија да го одбереме градоначалникот на градот Скопје, Коце Трајановски

Капитал Медиа Груп годинава за првпат ја воведува наградата “Човек посветен на Македонија”. Иако наградата редовно ќе се доделува кон крајот на годината, годинава одлучивме човекот на годината да го објавиме порано во пресрет на 8 септември кога Македонија слави 20 години независност.

Годинава немавме дилеми за човек кој најпосветено работеше за Македонија да го одбереме градоначалникот на градот Скопје, Коце Трајановски. Во интервјуто кое по тој повод го направивме со градоначалникот на Скопје, Коце Трајановски, а кое ќе биде во целост објавено во петочното издание на магазинот “Капитал“, со него разговаравме за сите големи и значајни проекти кои се реализирани во неговиот мандат, за проектите кои допрва ќе почнат да се градат, за начинот на кој тој управува со градот, за неговата визија за Скопје...

Зошто токму Коце Трајановски? Затоа што во период од неколку години во кои тој седи во градоначалничката фотелја во Скопје реализираа многу големи и значајни проекти за градот, за кои неговите претходници со години нe убедува дека се невозможни, неостварлви, дека за нив нема доволно пари... Коце Трајановски докажа дека, сепак, можело. Тој е градоначалник во чиј мандат Скопје пред нашите очи доживува вистинска преродба и трансформација. Градот за краток период буквално го смени ликот на централното градско подрачје. Се градат булевари, тротоари, паркови, плажи, споменици. Коце Трајановски е ликот кој на целата оваа градителска офанзива и дава една човечка димензија. Човек кој со својата трудољубивост го поттикнува градителскиот дух кај Македонците и ја враќа довербата дека работите, сепак, можат да се средат ако со нив се зафати човек кој сака, знае и умее како.

“Би сакал Скопје навистина да доликува на вистинска метропола. Да прерасне во град со ефикасно решен сообраќај, кој ќе има добра комунална хигиена, многу паркови и зеленило, добар културен и забавен живот и град кој ќе го посетуваат многу туристи. За Скопје да биде интересен за туристите треба сиве овие проблеми да бидат решени и градот да биде привлечен за странски туристи, да има своја специфика, да си ја покаже својата историја... Скопје сакам да го видам како организиран град, како град на кој ќе внимаваат и за кој ќе се грижат не само општината, туку и самите граѓани кои живеат во него”. Ова е визијата која за Скопје ја има Коце Трајановски.

Тој веќе неколку години работи на остварување на неговата визија. Посебно е горд што во неговиот мандат се изградени многу значајни булевари и сообрачајници како булеварот Србија, булеварот Илинденска, а во тек е изградбатра на булеварите Климент Охридски и Тодосиј Гологанов. Иако градот во изминатите неколку месеци беше раскопан, со многу градежни работи кои го попречуваат сообраќајот, сепак ја немаше типичната нервоза и хистерија која порано беше типична по улиците на Скопје. Жителите на Скопје како да имаат и премногу трпение за сите градежни работи кои го попречуваат сообраќајот, веројатно смирени од задоволството дека по 20 години независна Македонија конечно нешто се гради и се менува во главниот град.

Трајановски вели дека градежната офанзива продолжува и по 8 септември. За следната година се предвидени уште неколку големи и значајни проекти.

“Клучен проект за следната година е изградбата на значајниот и долгоочекуван булевар Првомајска, кој почнува од Рампа се до почетокот на ОХИС. Парите се обезбедни преку ЕБРД, тендерот веќе е објавен, а во Владата се подготвува законот за задолжување на градот Скопје, кој треба да биде изгласан и во Парламентот. При крај сме со подготовките, сега ги расчистуваме имотно-правните односи, кои се надевам дека ќе ги завршиме за месец и половина. Целата траса се расчистува и се планира неговата изградба да стартува во февруари или во март и ќе биде изграден за околу осум месеци. Значи, следната година во септември Скопје ќе го има и новиот булевар Првомајска”, вели Трајановски.