Возен парк (ЈСП - ЛАЗ)

СО ПРВИТЕ 15 ЕДНОПОДНИ АВТОБУСИ ПОЧНУВА ОБНОВАТА НА ВОЗНИОТ ПАРК НА ЈСП

"Украинците" излегуваат од гаража

Честа први да се возат ќе имаат граѓаните кои ги користат линиите 3, 4, 7 и 15

Од следната недела по скопските сообраќајници ќе почнат да се возат новите украински автобуси, а честа први да се возат ќе имаат граѓаните кои ги користат линиите 3, 4, 7 и 15. Директорот на ЈСП Скопје, Мишо Николов информира дека промоцијата на 15-те нови автобуси е закажана за вторник. Пред неколку дена, со одлука на Градскиот совет ЈСП и официјално стана сопственик на автобусите кои ги набави Владата.

Украинските автобуси што ги произведе фабриката "Лаз" во Лавов се црвени, климатизирани, со автоматски менувач, рампа за инвалидска количка и со простор за количка за деца. Имаат дисплеи и говорни информации кога ќе пристигаат на одредена постојка. Тие се со германски мотор и менувач.

Според договорот, до крајот на годинава украински "Лаз" треба да испорача уште 69 автобуси. Досега е платен депозитот во вредност од десет проценти од договорот, односно 1,1 милион евра, а проектот за набавка на нови 84 градски автобуси вкупно чини 11 милиони евра.

Со оваа пратка ќе се обнови една четвртина од возниот парк на ЈСП. До 2013 година ЈСП ќе се поднови и со 202 двокатни автобуси кои се произведуваат во Кина. Старите автобуси кои едвај возат по скопските улици ќе бидат расклопени и ќе се користат како резервни делови, а другиот дел ќе биде продаден како старо железо. Нивната просечна старост е 15 години.

http://www.vecer.com.mk/?ItemID=BCA68BD81C4D7D4CA2CEF1A7AAD9A240

Ако ништо друго, без навреда кон другите населби, ама барем за почеток ќе возат во урбани места, на релативно добри улци и булевари. Само индијанцине у 15-ка да не остават уште одма траг. Не за друго и јас бев дел од 15-ка, али ни се прашташе пошто со најстарите автобуси се возевме. Кон поновите имавме респект. Сите у вторник на сликање!

Дечки, цел викенд немав пристап до интернет, дури сега имам, си мислев ќе прочитам вести од вас на темава.

Па во саботата кај 15:00 часот пред Собранието на РМ видов украински ЛАЗ! Не беше пуштен на линија, празен беше и со исклучен дисплеј, но го видов livery-то, и има напишано www.jsp.com.mk со некој голем обичен без врска фонт, плус четирицифрен реден/гаражен број (1009 ако не се лажам беше овој.).

Толку никој да не го виде?

Утре ќе се возиме во украинските автобуси - барем оние кои се возат со следниве линии 3, 4, 7 и 15
За впечатоците ќе пишуваме откако ќе ги пробаме ...

Ајде сите слободни на една вожња до Ѓорче!

Вака ептен ми се свиѓа изгледот. Само можеле и старион пред неа да го измијат

Нели 3,4, 7 и 15 ? Од кај сеа и на линија 22а ?

http://makfax.com.mk/_fotostory/200166/list

Еве вест и уште слики

Долго нека не служат новиве автобуси... и квалитетно  
И се надевам ќе ги чуваме, а евентуалните вандали и битанги ќе бидат ловени и жестоко казнувани. Сега е момент да се притисне на тоа поле!
Инаку да се пофалам, го искористив промотивното возење и свртев едно кругче низ град. Впечатокот за автобусите ми е прилично позитивен, но многу непријатно ме изненади необученоста на возачот кој изгледа никогаш немал управувано возило со автоматски менувач, а беше максимално збунет и во врска со командната табла. Срамота е ЈСП да не може да обезбеди обука и запознавање на неколку возачи со овие возила. Со необучени возачи најпрвин тие сами ќе им го најдат крајот на автобусите... Во тој контекст да спомнам и дека автобусот 1015 воопшто не тргна на промотивното возење со другите автобуси, туку остана на паркингот, но мене не ми делуваше дека се работи за некаков проблем со автобусот, туку дека и тој возач беше незапознаен со возилото и дека имаше активирано којзнае каква опција/команда, па автобусот едноставно одбиваше да тргне.

Originally posted by Tuvok Нели 3,4, 7 и 15 ? Од кај сеа и на линија 22а ?

На крај всушност испадна 3, 4, 5, 7, 9, 15, 16, 19, 22 и 24. Тоа е последната официјална информација.

Новите ЛАЗ-ови на ЈСП ставени во функција Скопјани од денес конечно ќе се возат во новите градски автобуси на украинскиот производител ЛАЗ. Јавното сообраќајно претпријатие ги претстави првите 15 примероци кои веднаш ќе почнат да сообраќаат на линиите број 3, 4, 5, 7, 9, 15, 16, 19, 22 и 24. Свеченоста се одржа на паркингот на Спортскиот центар „Борис Трајковски“, а потоа следуваше промотивно возење по градските улици. Автобусите се модел „CityLAZ-12LF“, нископодни единечни автобуси со должина од 12 метри и капацитет за 100 патници, од кои 31 место за седење. Во нив е вграден мотор според ЕУРО 4 стандарди за емисија на издувни гасови и автоматски менувач од германскиот произведувач „ZF Friedrichshafen AG“. Цената на еден автобус изнесува околу 125 илјади евра. До крајот на годинава ЈСП треба да добие уште 65 примероци од овој модел, како и четири примероци од зглобниот модел „CityLAZ-18LF“, чија поединечна цена изнесува 171 илјади евра. Исто така до крајот на годинава треба да пристигнат првите 68 двокатни автобуси од Кина, со поединечна цена од 177 илјади евра. http://www.build.mk/?p=6758

1


2


3


4


5


6


7


8


9


10


11


12


13


14


15




Edited by Cloverstack - 22-Feb-2011 at 22:39

Уште нешто да кажам сеа од како ги видов автобусите у живо. Многу ама многу ми е криво што не ги нарачавме сите вакви а не двокатни-кинески.А башка цената им е 125 илјади евра а на двокатните 177 илјади, можевме 400 да купиме. Али ајде дај боже да грешам.

Edited by toasumjas - 22-Feb-2011 at 22:56